Gobierno kier cuminsa opera e terminal asina haya yabi di CITGO

Gobierno kier cuminsa opera e terminal asina haya yabi di CITGO

Posted on 10/9/2019 11:27 am AST | Updated on 10/9/2019 11:29 am AST

ORANJESTAD – Intencion di gobierno di Aruba ta pa inmediatamente ora cu haya e yabi di CITGO, despues di e Memorandum of Understanding (MoU) keda firma, y ora cu haya e yabi, pa cuminsa opera e terminal e.o. cu lo genera mas cupo di trabou. A instrui minister di Labor Glenbert Croes pa atende cu e asunto aki, y cambia e nomber di CITGO Desk. Esaki a keda cambia mientrastanto pa DPL Oil & Industry Gas office. Atravez di e desk aki, nos hendenan ta haya trabou prome. 

E MOU

Manera cu noticiacla.com a raporta awe mainta, Gobierno di Aruba a anuncia awe mainta tempran cu nan ta na e punto pa firma un Memorandum Of Understanding (MOU) cu CITGO. Esaki ta pa gobierno haya e yabi bek di e refineria y e terminal y waf y tur otro propiedad cu CITGO ta lease for di Refineria di Aruba (RdA),  y siguientemente cuminsa negosha cu e otro interesadonan pa opera e refineria. Prome Minister, Evelyn Wever Croes a confirma asina, cu CITGO lo no sigui cu e operacion mas. Mientras cu a anuncia cu ta firma e MOU, no tin fecha exacto ainda, di ki dia CITGO lo tin su ultimo dia na Aruba. 

 

  • Wever: Prome cu reces, lo huramenta minister y parlamentario nobo

    Wever: Prome cu reces, lo huramenta minister y parlamentario nobo

    ORANJESTAD – Prome minister Evelyn Wever a informa noticiacla.com diahuebs durante un conferencia extraordinario, cu su persona mes lo asumi e carteranan di minister saliente Otmar Oduber. “Pa e siguiente oranan, ami ta tuma encargo di e cartera te ora cu nos finalisa cu nos parlamento ta completo bek, cu sra Marisol Lopez Tromp ta bek for di Hulanda, y nos por finalisa pa e tambe huramenta” Wever a bisa e portal aki. El a sigura e portal aki cu tur esaki (e cambionan) lo sosode prome cu reces di pasco otro siman. “Tur cos ta bay tuma lugar prome cu reces” Wever a bisa. 

  • Gobierno a anuncia reduccion di tarifa di coriente pa januari 2020

    Gobierno a anuncia reduccion di tarifa di coriente pa januari 2020

    ORANJESTAD – Gobierno di Aruba a anuncia diahuebs atardi den un conferencia extraordinario, ta bay baha prijs di coriente entrante 1 di januari 2020. Esaki a keda cla diahuebs mainta y a opta pa anuncia esaki mesora diahuebs atardi. Ta trata di reduccion domestico average di 10%, comercio 7% y misa, fundacion y scolnan 9%. Wever a mustra cu e prome cambio ta wordo sinti den e recibi di luna di maart 2020. Director di Utilities Aruba NV, Richard Eman a splica en corto cu a tuma cierto paso manera hedge un cargamento di fueloil na un bon prijs cu por garantisa e rebaho aki, pa periodo di por lo menos un aña. A gradici tur director di companianan di utilidad pa nan esfuerso pa logra esaki. Keda pendiente pa detayes riba e tema aki den curso di dia.  UTILITIES

  • Premier Wever: Gobierno anterior a sconde informacion pa Parlamento

    Premier Wever: Gobierno anterior a sconde informacion pa Parlamento

    ORANJESTAD – Segun premier Evelyn Wever Croes, gobierno anterior (Gabinete Mike Eman) gobierno anterior a sconde informacion pa Parlamento. E prome mandatario a reacciona asina y preocupa riba e Rapport di Algemene Rekenkamer riba e proyectonan PPP (Public Private Partnership). Specificamente riba e hecho cu Algemene Rekenkamer ta cuestiona cu gobierno anterior no a duna intormacion na Parlamento. Segun Wever, es mas, ARA ta constata awor cu gobierno anterior no a duna Parlamento e informacion cu Parlamento mester pa por haci su trabou debidamente. 

  • Otmar Oduber ta bay di minister pa consultant den ramo di turismo

    Otmar Oduber ta bay di minister pa consultant den ramo di turismo

    ORANJESTAD – Di minister di infrastructura y medio ambiente, pa consultant riba tereno di turismo. Esey ta bira e carera ‘nobo’ di Otmar Oduber entrante diabierna awor. Asina e awor mandatario saliente a bisa noticiacla.com diahuebs mainta durante un desayuno di despedida pa prensa. E mandatario a splica cu e ta bay bek na su roots pa loke el a studia pe tambe y ta den su curason, cu ta turismo. E no ta estableci ainda pero unabez cu e retira, e proceso ta cuminsa pa lanta su consultorio pa e tereno ey. 

  • Gobierno na sindicatonan: Lo no legalisa cannabis recreacional

    Gobierno na sindicatonan: Lo no legalisa cannabis recreacional

    ORANJESTAD – Diamars Gobierno di Aruba a enfatisa un biaha mas, pa medio di un comunicado, cu lo no legalisa uzo recreacional di cannabis. Raiz di e comunicicado ta cu Gobierno a tuma nota cu algun sindicato y mas persona den comunidad ta reaccionando publicamente contra e intencion di Gobierno pero esaki ta basa riba malinterpretacion.  Gobierno ta trahando riba legalisacion di cannabis medicinal y no recreacional.

  • Otmar Oduber a atende su ultimo reunion di CDM como minister

    Otmar Oduber a atende su ultimo reunion di CDM como minister

    ORANJESTAD – Diamars mainta Otmar Oduber a atende su ultimo reunion como minister. Esaki pasobra manera ta conoci Oduber na september di e aña aki a anuncia su retiro di politica pa mas cu tur cos pone mas atencion na su salud y famia. 

  • aruba airlines
  • stuff wind creek
  • Powered by SETAR