Gobierno ta firma MoU cu CITGO pa haya control bek di refineria

Gobierno ta firma MoU cu CITGO pa haya control bek di refineria

Posted on 10/9/2019 9:59 am AST | Updated on 10/9/2019 5:19 pm AST

ORANJESTAD – Gobierno di Aruba a anuncia diaranson mainta tempran cu nan ta na e punto pa firma un Memorandum Of Understanding (MOU) cu CITGO. Esaki ta pa gobierno haya e yabi bek di e refineria y e terminal y waf y tur otro propiedad cu CITGO ta lease for di Refineria di Aruba (RdA),  y siguientemente cuminsa negosha cu e otro interesadonan pa opera e refineria. Prome Minister, Evelyn Wever Croes a confirma asina, cu CITGO lo no sigui cu e operacion mas. Mientras cu a anuncia cu ta firma e MOU, no tin fecha exacto ainda, di ki dia CITGO lo tin su ultimo dia na Aruba ni ki dia lo firma e MoU. 

INICIO DI COMBERSACION

Segun Wever Croes, tur cos a cuminsa durante e biahe pa Washington mas tempran e aña aki, unda cu a reuni cu OFAC y segun Wever el a bisa hopi cla cu CITGO no lo por bay cumpli cu e contract cu Aruba. Pero e contracto no tabata duna espacio pa haci algo prome cu 2020. Ora cu a bolbe di Washington, a pone presion riba CITGO y lobby pa libera Aruba di e contracto. Tur esaki a tuma hopi tempo. Despues CITGO, segun Wever Croes, a admiti cu nan no ta den posicion pa por cumpli cu e acuerdo. 

MOU

Esey tabata e prome fase pa determina e MOU, unda cu ta determina e puntonan principal, cu ta bay guia e traspaso final di e propiedadnan di CITGO y haya esaki bek y suspende e acuerdo cu CITGO. Cu e MOU aki, Aruba ta haya e yabi di e terminal y e refineria bek segun Wever. Esaki ta permiti Aruba cuminsa busca y negosha na serio cu otro persona, cu ta interesa pa opera e terminal cu e waf y e refineria. E punto cardinal di e MOU ta, cu CITGO mester cumpli cu tur obligacion cu e tin pa cu su trahadornan y e contratistanan. Esey tabata un punto importante segun Wever Croes, cu gobierno a exigi, pasobra inicialmente CITGO lo a bisa cu nan no tin e placa pa paga trahado. “Anto e ora nos a bisa cu nos no ta negosha cu boso. E ora nos a yega na e punto, cu e ora nan ta garantisa e derecho di e trahadonan di e compania” Wever Croes a bisa. Despues a mustra cu ta keda pendiente e debenan habri cu e.o. gobierno y RdA. Eseynan tin cu bay wak ainda, con ta logra paga esaki. Pero importante ta cu pa awor, e pagonan atrasa na e trahadornan, vendors y contratista, ta garantisa. 

PROXIMO FASE

Ya caba tin un lista di riba 25 compania cu lo a expresa interes pa sea opera of tin di haber cu e facilidad. Wever Croes no a menciona e nombernan, pero a indica cu tin varios forma di interes for di financia e operacion, te na cumpra parti di dje, haci esaki full un refineria enbes di solamente un upgrader, y mas posibilidad. Wever Croes a yama e interesnan ‘hopi hopi interesante’. Segun Wever Croes, gobierno awor por bay negosha cu e companianan aki y unabes cu tin un deal, lo tin cu bay bek CITGO pa negosha e ‘suspension di contract’, pa finalmente negosha e ‘terminacion di contract’. E MoU awor ta solamente permiti gobierno negosha activamente cu un otro partner. A bisa tambe cu no ta bay limita na e 25 companianan sino, cu lo bay busca mas interesado. Ya caba na Washington a pidi pa haci un ‘roadshow’ na Houston, cu lo ta interesa. “Nos interes ta, pa haya e mihor partner pa Aruba y esey ta loke nos ta bay busca”. Ta buscando no solamente un partner pa upgrader, sino tambe pa hacie un ‘state of the art refinery of industry’, pa e por cumpli cu e standard di medio ambiental, ta paga su ‘fair share’ y ta paga su trahadonan bon y ta un bon partner pa Aruba.

TERMINAL

Cu e firmamento di un MoU, gobierno ta bay haya e control di e waf, y e terminal cu tambe mester di e mantencion cu no a tuma lugar segun Wever Croes. A repasa bon tempo di Wickland Oil, cu tabatin hopi ganashi. Algo cu segun Wever Croes, CITGO no a haci cu ta pone cu mester mantencion awor. No obstante, e tankinan tin un balor hopi halto ainda, y lo percura pa e genera entrada halto atrobe. 

FMSA 

FMSA, cu ta esun encarga cu e fuel supply na Aruba, ta bay mantene e tankinan y e instalacionnan nan mes, pues no ta depende mas di CITGO y ta bay haya control di e instalacion, cu por suministra fuel y cu lo no tin interupcion e ora. Y FMSA lo no tin cu bay paga e suma mas (un tipo di fee) mas, pues e gastonan di FMSA ta baha, cu ta pone cu nan lo por eventualmente absorba mas gasto di gasoline, cu por traduci den gasoline mas barata. 

  • Nada ainda di huramentacion di minister y parlamentarionan ‘nobo’

    Nada ainda di huramentacion di minister y parlamentarionan ‘nobo’

    ORANJESTAD – Ainda no tin ningun novedad ‘publico’ di e cambionan den tanto gobierno como Parlamento cu tin cu tuma lugar. Publico, pasobra internamente cosnan ta canando for di November caba y ta trahando pa e cambionan (di minister y parlamentario) tuma lugar. E cambionan cu mester a sosode na cambio di aña den tanto gabinete Wever Croes como Parlamento no a tuma lugar. Esaki ta encera cambio di minister (pa partido POR) y parlamentario (partido MEP y POR). E cambio mester a tuma lugar prome cu cambio di aña pasa, pero a informa cu ‘ta tuma su tempo’ pa keda cla cu tur cos y no tin pura. 

  • Gobierno ta bay duna permiso pa cultiva cannabis medicinal na Aruba tambe

    Gobierno ta bay duna permiso pa cultiva cannabis medicinal na Aruba tambe

    ORANJESTAD – Un frase den e comentario di e colegio di supervision financierto CAFt riba e presupuesto 2020, a revela cu gobierno di Aruba ta bay bende licensia pa cultiva cannabis na Aruba tambe, siendo cu inicialmente a bisa cu ta duna permiso pa importa solamente. Minister di Salud Dangui Oduber a confirma e aprobacion dialuna pa noticiacla.com, riba pregunta di e portal aki. Esta cu gobierno ta bay duna e permiso ey tambe. 

  • DIP ta bay cuminsa actua riba esnan cu tin tereno erfpacht bashi

    DIP ta bay cuminsa actua riba esnan cu tin tereno erfpacht bashi

    ORANJESTAD - DI ta calcula cu tin alredor di 4000 tereno erfpacht bashi cu a wordo otorga pa contrui cas y te awe no tin nada construi. Asina nan a informa den un comunicado di prensa diaranson. “DIP ta bay cuminsa actua riba esnan cu tin tereno erfpacht bashi” e comunicado ta sigui bisa. 

  • Bikker: Ta bay inverti den alarma pa scolnan pa miho control

    Bikker: Ta bay inverti den alarma pa scolnan pa miho control

    ORANJESTAD – Mirando e situacion di e ultimo dianan unda cu un scol a conoce un acto teribel di candela causando daño serio na por lo menos dos local, gobierno di Aruba (lesa: minister di husticia Andin Bikker) a anuncia cu nan ta bay hinca scolnan tambe den e scope di seguridad di Aruba y cu esaki e.o. instala sistema di alarma silencioso y pa alarma, cu por proteha e scolnan miho. A bishita Colegio Arubano tambe dialuna mainta pa asina atende cu otro problema di scol, unda cu den e caso aki tabatin menasa pa un posibel tiramento. E caso ey mientrastanto ta soluciona (a detene e sospechoso), pero e ta keda un preocupacion pa cu scolnan na Aruba. 

  • Minister Knops impresiona cu calidad halto di servicio na IMSAN

    Minister Knops impresiona cu calidad halto di servicio na IMSAN

    ORANJESTAD – Durante su bishita cortico di un dia, minister Hulandes Raymond Knops dialuna a bishita e.o. e facilidad na IMSAN (Instituto Medico di San Nicolas), unda cu aki tambe, mescos cu otro facilidad, el a keda impresiona cu e calidad halto di facilidad medico cu tin presente eynan, y tambe e tarea cu e instituto ta logra door di traha hunto cu Baptist Health Center na Miami, Merca pa por haya specialidad halto, cu ta pone cu por trata hende aki na Aruba mes y no mester transporta nan den exterior, manera Colombia. “Esey ta haci tambe cu bo ta crea facilidad local entre paisnan manera Aruba, Bonaire y Corsou y facilidad pa trata hende aki mes” Knops a bisa. “Di berdad, algo cu ta un bon inversion pa pais Aruba” Knops a bisa. 

  • Minister ta confirma retiro di Ezzard Cilie na Hospital

    Minister ta confirma retiro di Ezzard Cilie na Hospital

    EAGLE. - Minister Dangui Oduber a confirma e exit di Ezzard Cilie na Hospital pa noticiacla.com dialuna anochi. Manera ta conoci, for di luna di juni 2019 ja caba minister Oduber a expresa e deseo pa busca un remplazante pa sr Ezzard Cilie cu ta director bedrijfsvoering na hospital considerando e hecho cu su contrato lo a termina na december 2019 y a yega su edad di pensioen. E minister no tawata di acuerdo cu maneho di hospital. Hunta di supervision no tawata di acuerdo cu esaki y hasta kier a prolonga contrato di sr Cilie y no a percura pa busca su remplazante. 

  • aruba airlines
  • wind creek enero.2
  • Powered by SETAR