ORANJESTAD - Ayera, dialuna 19 di augustus, a cuminsa un training di 5 dia pa e voluntarionan di Cruz Cora Aruba y e trahadornan social di Sociale Zaken. Semper preparando pa cualkier desaster, Cruz Cora ta keda train su voluntarionan. Algun siman pasa, e Disaster Team di Cruz Cora Aruba a biaha pa duna e curso aki na Cruz Cora Bonaire. E curso aki ta parti entre awe cu mañan y 3 dia den september.
E instancia encarga pa habri shelters na Aruba durante un calamidad, stipula den e Plan di desaster na Aruba, ta Sociale Zaken. E meta di e curso ta, pa train tur cu ta envolvi den maneha un shelter na Aruba. Asina tur por traha riba e mesun liña durante un calamidad y haci un mihor trabou hunto.
Cu ayudo di Bureau Rampenbestrijding a planea e training aki pa prepara shelter managers y shelter supervisors. Pa shelter managers tin 31 participante y den september lo tin e parti pa shelter supervisors.
E voluntarionan ta repasa material di American Red Cross y tambe ta adapta pa situacion local riba tema manera: Emergency Plan & Evacuation Drill, Mass Care, Purpose Shelter Operations, Types of Sheltering Operation and Cycles y e curso ta caba cu un simulacro di un shelter. Ta traha cu e plan basa riba e Oost-Centraal-West/ San Nicolas-Oranjestad-Noord/Paradera division di Aruba. Cruz Cora Aruba ta gradici e instructornan Marla, Humprey y René pa facilita e training aki y ta desea tur participante hopi exito!
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.