Cangreu Blauw ta di balor ecologico, mester respeta existencia di e bestianan!

Posted on 07/11/2019 4:23 pm AST | Updated on 07/11/2019 4:23 pm AST

ORANJESTAD - E nomber scientifico pa Cangreunan Blauw ta Cardisoma Guanhumi e ta un cangreu terestre, mayoria biaha color blauw p’esey e nomber aki na Papiamento. Nan por wordo aprecia den areanan cerca di costanan mas tanto unda tin hopi matanan di mangel y cu e suelo ta humedo. Directie Natuur en Milieu (DNM) kier trece dilanti con e cangreu blauw ta? Unda e ta biba? Kico nan ta come? Dicon e ta di balor ecologico? E peligronan cu cangreunan aki ta encontra y pakico mester respeta nan excistencia.  

E cangreu blauw tin un casca hancho, rondo cu e parti ariba di su casca cu bulto halto. Su wowonan ta pijlo ariba di color preto. Su tenglanan, pianan parti dilanti, ora e jega adulto ta desigual, uno seemper ta mas largo y desaroya cu e otro. Mayoria biaha e tenglanan ta dos biaha mas grandi cu su casca. E pianan parti patras ta 4 cada banda y nunca ta mesun largo. Nan colornan por diferencia ora nan ta jubenil nan ta color maron, y den otro fase ta bira color biña of oranje, y esunan hembra den temporada di pone webo ta bira geel of te hasta blanco.  E hembranan ta carga e webonan bou di su curpa pa ongeveer 2 siman prome cu e cana bai pa lama pa laba nan cabutiti, na unda e ta laga e webonan bai. 

E temporada di pone webo entre lunanan juli y december ora di luna yen durante 2 anochi. P’esey tambe a laga pone borchi di aviso cu e cangreuwnan ta crusa, pa vehiculonan eherce cautela.

E cangreunan ta biba den cercania di lama, den ecosystema di e matanan di mangel na unda e tera ta humedo. Nan ta coba buraconan den suelo di lodo cual ta bira nan cas. E cangreunan ta come matanan cu a decomoposita den lodo of cu a bira moli, insectonan lastrero, scorpion di mondi, resto di parhanan y otro bestianan morto.

E cangreu ta di balor ecologico halto pa e matanan di mangel y nos costanan. E conservacion di e cangreunan blauw ta crucial pa e preservacion di mangelnan. Areanan protehi pa ley manera Spaans Lagoen na unda cangreunan ta habita si tin un nivel di proteccion pa ley y ta prohibi pa coi esakinan den e areanan aki.

Cangreunan blauw ta na peliger na diferente momento di nan desaroyo. Un di e menasanan mas grandi ta hende. Den otro cultura nan ta use pa consumo y tambe pa comercio local, esaki ta peligroso pa salubridad mirando cu no tin control di hygiena pa malesanan cu e especie por carga pesey mes hende NO mester coi e cangreunan pa consumo. Esaki tampoco ta un practica sostenibel cu ta garantisa nan excistencia.

Mester menciona cu dor di desaroyo y trahamento di caminda sin tene cuenta cu crusamento di cangreunan, por limita nan di yega lama. Durante temporada di migra pa pone webo, e automobilistanan ta trapa e cangreunan na cantidad halto matando e hembranan cu ta carga cu webo pa bai pone y no ta logra hasi esaki. E pikimento di palonan (driftwood) na lama tambe ta stroba crecemento di e cantidad di cangreunan jubenil cu ta sconde bou esakinan.

DNM ta spera cu publico compronde cu nos mester ta mas responsabel di nos actonan ora ta jega na nos naturalesa y respeta excistencia di bestianan.

 

  • Programa Noticiacla LIVE cu Prome Minister Evelyn Wever Croes ta ripiti awe nochi!

    Programa Noticiacla LIVE cu Prome Minister Evelyn Wever Croes ta ripiti awe nochi!

    ORANJESTAD – Noticiacla LIVE ta ripiti e programa cu como invitado, prome minister Evelyn Wever Croes awe nochi, diadomingo 13 di October 2019, pa 9’or di anochi. No keda sin wak e, pasobra tin hopi informacion aden, riba e situacion di CITGO, tambe e situacion cu Hulanda, y e problema cu sindicatonan riba indexering. E ta pasa riba e Facebook page di Noticiacla, e app di noticiacla (busca e button LIVE), y tambe e website di Noticiacla.com (busca e button LIVE) y lo bo por disfruta di e programa di duracion di un ora largo. 

  • Weekend di special na Ling & Sons

     Weekend di special na Ling & Sons

    (ADVERTORIAL )

  • Memo interno di CITGO a bruha tera pa e deal cu gobierno

    Memo interno di CITGO a bruha tera pa e deal cu gobierno

    ORANJESTAD – Citgo Refinery Aruba a bruha tera cu e comunicado interno cu nan a manda pa nan trahadonan e siman aki, informando nan trahadonan cu nan lo ‘suspende’ nan contracto pa restauracion y operacion di e refineria ‘temporalmente’ y cu e contracto lo ta bek den man di Citgo unabez un transicion democratico ta bek na Venezuela. Asina por a compronde di prome minister Evelyn Wever durante e programa Noticiacla LIVE diahuebs anochi. Segun e mandatario, e no ta para pa e contenido di e memo ey, Wever a sigura e portal aki. E forma con a formula e memo ey, ta trece confusion y problema solamente, e portal aki a compronde. E asunto ta otro manera cu Wever a sigura e portal aki y cu e contenido di e memo aki, e no ta refleha loke a sosode. 

  • ATIA: No ta compronde pakico mester pusha y aproba ley di Serlimar

    ATIA: No ta compronde pakico mester pusha y aproba ley di Serlimar

    ORANJESTAD – E gremio commercial Aruba Trade And Industry (ATIA) no ta compronde pakico mester pusha y aproba ley di Serlimar cu tanto apuro. Asina nan ta bisad en un comunicado diabierna. Mes momento nan ta bisa cu nan ta para pa free enterprise. Tur esaki ta relaciona cu e ley cu Parlamento mester pasa otro siman referente Serlimar. Den e comunicado,  ATIA ta cuminsa na manda un palabra di elogio pa e manera critico cu e miembronan di Parlamento a trata e propuesta di cambionan den e ley di Serlimar y ta gradici di a trese dilanti e preocupacionan di e gremionan. ATIA ta spera cu durante e sigiente reunion, e miembronan di Parlamento continua e tratamento di ley na e mesun manera y cu e decision cu nan tuma ta basa riba e bienestar general di pais Aruba y e pilarnan principal cu a forma nos pais, cual un di nan ta un economia basa riba mercado liber. 

  • Gobierno y Husticia a reconfirma nan compromiso cu TOYOTA

    Gobierno y Husticia a reconfirma nan compromiso cu TOYOTA

    (ADVERTORIAL) 

  • AHATA cu carta pa gobierno ‘follow up’ pa bin cu ley pa UTV’s y ATVs’

    AHATA cu carta pa gobierno ‘follow up’ pa bin cu ley pa UTV’s y ATVs’

    ORANJESTAD – Mientras cu gobierno di Aruba a anuncia na juni di e aña aki, cu ta trahando riba cambio di ley y of maneho pa e vehiculonan recreacional manera UTV of ATVs (quadracers), Aruba Hotel & Tourism Association (AHATA) e siman aki a pidi gobierno pa bay mas leu cu esey. Den un carta dirigi na e mandatario (cual carta noticiacla.com tin den su poder), AHATA su CEO Tisa LaSorte a pidi gobierno un update riba e pasonan cu nan ta tumando, pero kier mas. “Ta importante pa e reglanan no keda introduci solamente pa un ley, sino tambe ta acompaña pa un plan solido pa enforsa esaki y un definicion cla di cua agencia ta autorisa y responsabel pa reenforza esaki” AHATA ta bisa den e carta. 

  • halloween crystal- local
  • Powered by SETAR