Gobierno ta inicia investigacion riba consumo di droga na Aruba

Gobierno ta inicia investigacion riba consumo di droga na Aruba

Posted on 07/11/2019 3:28 pm AST | Updated on 07/11/2019 3:28 pm AST

ORANJESTAD – Gobierno a anuncia diahuebs cu nan ta bay inicia un investigacion riba consumo di droga na Aruba. E ta un investigacion cu lo tin un duracion di 6 luna. Segun e comunicado, hopi ta esnan den nos comunidad cu ta preocupa pa cu e problema di droga na Aruba. Responsabilidad di un gobierno ta pa educa e comunidad por medio di programanan preventivo pa asina evita cu nos hobennan ta cay den adiccion. 

“Bo ta puntra bo mes  con por ta posibel cu un gobierno ta permiti 8 aña pasa sin inverti riba tereno di salud mental.”  Minister di Salud Publico Sr. Dangui Oduber a bisa. “E ultimo investigacion haci ariba consumo di droga y alcohol aki na Aruba tabata 20 aña pasa.” 

Segun e mandatario, hopi cos a cambia durante 20 aña y mirando tambe cu no tawata tin ningun maneho pa 8 aña largo riba tereno di “verslavingszorg” a dicidi di bin cu un investigacion pa asina nos sa unda nos ta para y pa por traha riba miho plannan preventivo.

E investigacion aki ta focus riba e factornan di riesgo bou di hobennan pa desaroyo di adiccion na diferente substancianan. E investigacion aki lo tin un duracion di 6 luna y abase di e resultadonan lo bin cu maneho y intervencionnan mas specifico pa cu nos hobennan pa asina traha na un manera preventivo pa evita cu nos hobennan ta cay den adiccion.

 

  • CAFT su menasa pa aanwijzing ta riba mesa ainda

    CAFT su menasa pa aanwijzing ta riba mesa ainda

    ORANJESTAD – Fuera di un menasa di un aanwijzing, esta un instruccion for di RMR pasobra Parlamento a cambia e ley di LAFt sin aprobacion di Hulanda, tin tambe un conseho di e colegio di supervision financiero di Aruba (CAFT) pa un otro aanwijzing. Esaki pasobra Aruba no ta cumpliendo cu algun punto. Prome minister Evelyn Wever a confirma cu e carta di CAFT ta riba mesa y cu nan a contesta e carta. Si esaki enberdad ta transforma den un aanwijzing pa Aruba diabierna awor, 18 di October, e mandatario no por a bisa. 

  • Aruba y Hulanda ta diferencia di opinion si Hulanda tin grip riba nos

    Aruba y Hulanda ta diferencia  di opinion si Hulanda tin grip riba nos

    ORANJESTAD – Aruba (lesa: prome minister Evelyn Wever) y Hulanda ta diferencia di opinion riba e hecho cu e protocol firma na 2018 pa cu Laft y CAft, mester di ta ancra den un ley. “Ami ta diferencia di opinion, pero mi ta kere nan mes ta mas bruha cu un bol di hilo” Wever a bisa den e programa Noticiacla LIVE recientemente. Wever ta conclui esey pasobra un rato Hulanda ta bisa Aruba cu e mester cambia e ley di LAFt bek pa duna Hulanda poder bek, y di otro banda ta manda Aruba un carta cu e ta bay duna Aruba un ‘aanwijzing’. Pues Hulanda segun Wever, no por dicidi si e tin grip riba Aruba of no. 

  • Wever: RMR lo dicidi diabierna si ta acepta proposicion di Aruba

    Wever: RMR lo dicidi diabierna si ta acepta proposicion di Aruba

    ORANJESTAD – Gobierno di Aruba a contesta Hulanda siman pasa riba e asunto di deadline di 18 di October proximo, y lo tin cu sinta wak kico Hulanda (lesa: Rijksministerraad) ta dicidi. Esta si ta bay di acuerdo cu proposicion di Aruba of ta sigui cu e plan di duna Aruba un ‘aanwijzing’. Despues cu e no tabata na altura di e fecha di un ‘deadline’ pa presenta un alternativa riba ley di CAFt, prome minister di Aruba, Evelyn Wever a confirma den e programa Noticiacla LIVE cu ta apenas dialuna atardi siman pasa, el a ricibi un carta enberdad di secretario di estado Hulandes Raymond Knops cu tin e fecha di 18 di October proximo ( diabierna awor), unda cu lo trata e tema di CAft den RMR y cu Aruba mester duna un contesta riba nan pregunta. E pregunta, si ta propone un alternativa riba ley di LAFt y kico concretamente ta haci cu e ley cu a wordo cambia pero no ratifica. 

  • Gobierno ta firma MoU cu CITGO pa haya control bek di refineria

    Gobierno ta firma MoU cu CITGO pa haya control bek di refineria

    ORANJESTAD – Gobierno di Aruba a anuncia diaranson mainta tempran cu nan ta na e punto pa firma un Memorandum Of Understanding (MOU) cu CITGO. Esaki ta pa gobierno haya e yabi bek di e refineria y e terminal y waf y tur otro propiedad cu CITGO ta lease for di Refineria di Aruba (RdA),  y siguientemente cuminsa negosha cu e otro interesadonan pa opera e refineria. Prome Minister, Evelyn Wever Croes a confirma asina, cu CITGO lo no sigui cu e operacion mas. Mientras cu a anuncia cu ta firma e MOU, no tin fecha exacto ainda, di ki dia CITGO lo tin su ultimo dia na Aruba ni ki dia lo firma e MoU. 

  • Gobierno kier cuminsa opera e terminal asina haya yabi di CITGO

    Gobierno kier cuminsa opera e terminal asina haya yabi di CITGO

    ORANJESTAD – Intencion di gobierno di Aruba ta pa inmediatamente ora cu haya e yabi di CITGO, despues di e Memorandum of Understanding (MoU) keda firma, y ora cu haya e yabi, pa cuminsa opera e terminal e.o. cu lo genera mas cupo di trabou. A instrui minister di Labor Glenbert Croes pa atende cu e asunto aki, y cambia e nomber di CITGO Desk. Esaki a keda cambia mientrastanto pa DPL Oil & Industry Gas office. Atravez di e desk aki, nos hendenan ta haya trabou prome. 

  • MoU entre gobierno y CITGO lo yuda kita presion di Hulanda

    MoU entre gobierno y CITGO lo yuda kita presion di Hulanda

    ORANJESTAD – E noticia di firmamento di Memorandum of Understanding entre gobierno di Aruba y CITGO por yuda ‘kita presion di Hulanda (lesa: CAFt)  contra gobierno di Aruba’. Mientras cu esey no tabata palabranan di prome minister Evelyn Wever diaranson mainta durante su conferencia di prensa extraordinario, por a compronde si cu esey ta e situacion. Loke cu si Wever a bisa, ta cu e fondonan cu operacion di e terminal na CITGO lo genera, lo por cubri e ‘buraco financiero’ y percura pa otro aña gobierno cumpli cu normanan manera stipula den protocol cu Hulanda. 

  • aruba airlines
  • men in black crystal- octubre
  • Powered by SETAR