Atraco Team a detene señora Rubiano en conexion cu e caso Vegas

Atraco Team a detene señora Rubiano en conexion cu e caso Vegas

Posted on 07/11/2019 3:19 pm AST | Updated on 07/11/2019 3:20 pm AST

ORANJESTAD - Awe durante dia en conexion cu un investigación andando di un serie di atraconan ariba lugarnan di catochi cu ta hiba e nomber “Vegas” a detene e di 4 persona den dicho caso. Un señora Rubiano di inicialnan

S.C.B. di 38 aña di edad. Por bisa cu esaki ta e di 37 detencion en total cu Atraco Team ya a realisa den aña 2019.

Pa Cuerpo Policial por resolve mas caso cooperacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141.

  • Dos herido den accidente na Macuarima

    Dos herido den accidente na Macuarima

    MACUARIMA - Diadomingo atardi net dilanti di Shahai na Macuarima a sosode un accidente entre dos auto. Chauffeur masculino den un ford a dal den un yaris biniendo for di zuid. Ambos auto a keda kibra y dos unidad di ambulance a presenta pa atende cu e victimanan.

  • Entrada hudicial na Weg Seroe Blanco a produci posibel arma di atraco

    Entrada hudicial na Weg Seroe Blanco a produci posibel arma di atraco

    ORANJESTAD - Un rato pasa Atraco Team a hasi un otro entrada hudicial na un cas na Weg Sero Blanco aki a bin confisca un revolver marca Smith & Wesson probablemente usa den e atraconan. Un peticion na e pueblo si bo sa algo of a wak algo jama e tiplijn di polis cu ta 11141. Tur informacion ta importante.

  • Manera anticipa, miembronan di sindicato di polis a bay den accion

    Manera anticipa, miembronan di sindicato di polis a bay den accion

    BARCADERA – Manera anticipa, sindicato di polis a organisa un accion di dos ora pa su miembronan diabierna atardi 1’or pa mustra nan malcontento cu gobierno pa e asunto di pago di indexering. For di april nan ta tratando na haya un palabracion cu gobierno, pero segun e presidente di e sindicato Dirksz, gobierno ta blo pidi pa mas tempo, pero no ta bin cu nada concreto. Como tal miembronan a dicidi cu ta basta y a dicidi cu ta cuminsa cu e prome accion di 2 ora. Depende e reaccion cu nan haya, nan por extende esaki. E accion sinembargo no a pone polis plat, pero a causa un asina yama ‘minimale bezetting’. Despues di e accion, polisnan a reanuda nan trabou. Polisnan mes momento no tabata kier presencia di minister di husticia, Andin Bikker contrario na su peticion pa ta presente. Esaki pasobra segun e polisnan, tur e tempo nan no a tende nada di e mandatario y awor cu ta bay accion, e mandatario kier core bin e reunion. 

  • Atraco team a detene dos homber pa atraco na de Vuyst

    Atraco team a detene dos homber pa atraco na de Vuyst

    SAN NICOLAS -   Atraco Team a hasi un entrada hudicial na un cas na De Vuyst y a detene 2 sospechoso e homber di inisialnan A.A.B. 24 aña di y e mohe J.M.R. di 22 aña. Esaki ta relaciona cu diferente atraconon cu a tuma lugar. Teniendo na cuenta cu tawata atraconan arma a hasi uso di arrestatie team pa detene e sospechosonan aki.  Un tremendo trabao di Atraco Team. Un peticion na e pueblo si bo sa algo of a wak algo jama e tiplijn di polis cu ta 11141. Tur informacion ta importante.

  • Cuerpo di bombero: Number di emergencia 911 ta down

    Cuerpo di bombero: Number di emergencia 911 ta down

    ORANJESTAD - Cuerpo di bombero a informa cu debi na awacero, e number 911 ta down, Cuerpo di Bombero ta pidi pa please yama 100 pa casonan di emergencia y via Polis e mensahe lo yega na Bombero. SETAR ta trahando pa drecha e interupcion lo mas pronto cu ta posibel

  • Gilbert Geerman a bira di 7 morto den trafico na Aruba

    Gilbert Geerman a bira di 7 morto den trafico na Aruba

    SEROE COLORADO - Gilbert Geerman a bira e di 7 morto di trafico na Aruba diahuebs anochi. Manera Noticiacla.com a raporta mas prome, un accidente di trafico a bira fatal na altura di entrada di Colony. Vocero di polis Lito Lacle a informa oficialmente cu awe pa 6.02 yamada a drenta via Central di Polis cu tin un accident basta grave entre un auto y un brommer caminda pa e anker di Colony. Dokter Texier a constata morto di e chofer di e brommer Gilbert Geronimo Geerman, naci na Aruba 20 december 1976. E tabata un trahado keri di Santa Rosa pa cual trahadornan a keda den shock cu e noticia aki. Noticiacla y Cuerpo Policial kier a manda palabranan di condolencia na e famia di e fayecido.

  • Powered by SETAR