Antersijn: Prome conferencia di ASIS riba seguridad tabata bon bishita

Posted on 06/11/2019 5:08 pm AST | Updated on 06/11/2019 5:09 pm AST

ORANJESTAD – Propietario di Bossi Security, Aaron Antersijn ta considera e conferencia riba seguridad diamars como exitoso. “Nos a premira ongeveer 90 hende y nos a surpasa 115 hende , dus ta un exito total” Antersijn a bisa. Awe mainta tabatin e seminario na occasion di e presencia di eSubdivision Caribe Hulandes di e Sociedad Mericano pa Seguridad Industrial (ASIS)den region, particularmente Aruba y Corsou. Y pa haci e presencia bisto, a dicidi di organisa e prome conferencia riba e tema aki. Un cantidad di orador internacional a haci nan presentacion dilanti di representante di companianan local durante henter un dia. 

TOPICO 

Topiconan cu a bini dilanti tabata entre otro : Prevencion di Crimen pa medio di diseño di bo medio ambiente, Desaroyonan riba tereno di seguridad den e industria di turismo, Plan pa Continuacion di Negoshi, E Modelo di Seguridad Israëli y Tiramento activo. Segun Antersijn, ta cosnan cu na Aruba nos no ta bon prepara aden, cu a haya un bista mas cla danki na e presentacionan di awe. “E ta manera un eye opener pa tur hende por realisa cu nos ta un isla considera como hopi safe, pero nos no tey ainda” Antersijn a sigui bisa. 

PUBLICO

E cantidad grandi di hende, ta mustra cu tin un interes grandi den comunidad y sigur comercio pa haya informacion. Ta referi na e calidad di esnan cu a presenta diamars mainta, di diferente sector. Antersijn ta referi p.e. na e grupo di aeropuerto cu a manda no menos cu 15 hende for di CEO te surveillance. Y asina tabatin mas compania cu a mustra hopi interes. “Diferente instancia grandi y chikito” Antersijn a sigui bisa. 

  • BTA
  • wind creek.3
  • Powered by SETAR