Falta di preferencia a causa accidente na Sero Pita

Posted on 06/11/2019 4:35 pm AST | Updated on 06/11/2019 4:36 pm AST

ORANJESTAD - Diamars polis di trafico a keda manda pa un crusada na Sero Pita pa Tamarijn unda dos auto a dal basta duro den otro. Aki fala di preferencia a hunga un rol. Chauffeur di un Kia cerato no a duna preferencia y a dal basta duro den un tercel. E impacto a laga un persona levemente herida. Ambulance a presenta pa atende cu e victima. Polis di trafico a haci su investigacion.

  • Edmard Lampe ta e di 7 morto di trafico

    Edmard Lampe ta e di 7 morto di trafico

    SAVANETA - E victima di accidente diasabra marduga a keda identifica. Vocero di polis Lito Laclé a informa cu e nomber di e di 7 morto di trafico ta Edmard J.Q. Lampe, nasi na Aruba 9 juni 1996. Diasabra 15 di juni 2019 pa 03.45 yamada a drenta via Central di Polis cu tin un accident basta grave na altura di La Granja. Na yegada ta bin constata cu den e accident tin un brommer y dos auto envolvi.  Cu maximo urgencia e motorciclista a wordo hiba pa hospitaal. 4.39 am dokter a constata morto di e motorciclista Lampe. Na e sitio chauffer di ambos auto a wordo getest y a resulta positivo pa ta bou influencia di alcohol y ta wordo deteni y hiba warda pendiente di mas investigacion.

  • Aruba ta conoce su di 7 morto den trafico

    Aruba ta conoce su di 7 morto den trafico

    ORANJESTAD – Aruba a conoce su di 7 morto den trafico. Diasabra 15 di juni 2019 pa 03.45 yamada a drenta via Central di Polis cu tin un accident basta grave na altura di La Granja. Na yegada ta bin constata cu den e accident tin un brommer y dos auto envolvi.  Cu maximo urgencia e motorciclista a wordo hiba pa hospitaal.

  • Chauffeur a bolter su auto dilanti Blue Residence

    Chauffeur a bolter su auto dilanti Blue Residence

    ORANJESTAD - Polis, ambulance y brandweer cu urgencia a keda manda diabierna anochi pa JE Irausquin Blvd net dilanti di Blue Residence unda auto a bolter. Polis ta yega topa cu e auto cu a dal den palo di luz. Tambe a haya un homber herida benta den e auto. Personal di ambulance y brandweer cu cautela a saca e victima for di den e auto. Polis di trafico presente a haci nan investigacion.

  • Auto a cay riba mecanico na Bubali

    Auto a cay riba mecanico na Bubali

    BUBALI - Polis, ambulance y brandweer diabierna cu urgencia a keda manda pa Bubali unda auto a cay riba un mecanico. Polisnan ta yega topa cu e persona herida. Cu ayudo di personal di brandweer a carga e victima cu cautela y pone riba e cama, unda paramedico a stabilisa e homber y bay cune cu urgencia pa hospital pa atencion medico. Polis a presenta despues na e cas pa hunto cu team forensico saca evidencia.

  • Hoben ciclista herida despues di a dal den auto

    Hoben ciclista herida despues di a dal den auto

    ORANJESTAD - Na Lagoen diabierna merdia un hoben coriendo su bais, a drenta Zuidstraat y a dal den un nissan march y despues cay riba e windshield y keda herida na su brasa. Ambulance a presenta pa atende cu e hoben herida. Polis di trafico a yega pa tuma dato di ambos partido. E auto su windshield a keda basta kibra.

  • Dos auto a dal basta duro den otro na Mabon

    Dos auto a dal basta duro den otro na Mabon

    MABON - Riba e caminda di Mabon diahuebs anochi ta sosode accidente fuerte entre un auto hyundai getz y un suzuki baleno cu a laga personanan herida. Polis tabata presente pa tuma dato. Ambulance a presenta pa atende cu e victimanan. E chauffeur di e getz no tabata desea pa paramedico controla su persona y aki a bay atende cu e señora den e suzuki. Tabatin basta daño material. Segun testigonan ocular, e chauffeur di e getz a bay pasa caminda y aki a dal den e baleno.

  • Powered by SETAR