Ex pelotero Ortiz recuperando na Boston despues di otro operacion

Ex pelotero Ortiz recuperando na Boston despues di otro operacion

Posted on 06/11/2019 3:27 pm AST | Updated on 06/11/2019 3:28 pm AST

BOSTON – E ex pelotero professional David “Big Pappi” Ortiz ta recuperando satisfactoriamente den Massachusetts General Hospital despues di su di dos operacion cu tabata exitoso. Asina su casa Tiffany Ortiz a bisa diamars merdia. Dialuna anochi asina cu e ex pelotero a yega Boston, traslada for di Republica Dominicana unda cu un anochi prome el a keda herida pa un tiro, a somete na un di dos operacion. E buelo di ambulance, paga pa Boston Red Sox, e ex ekipo cu Ortiz a hunga, a keda ofreci pa e organisacion di baseball. 

  • Periodista/presentador di noticia ta muri durante crash di avion

    Periodista/presentador di noticia ta muri durante crash di avion

    NEW ORLEANS – Un periodista y presentadora di noticia galardona na New Orleans, a muri den un accidente di avion, trahando riba un storia di un piloto di acrobacia. Nancy Parker (53) a muri hunto cu e piloto Franklin J.P. Augustus diabierna ora cu e avion a cay riba un tereno cerca di e aeropuerto Lakefront di New Orleans. Causa di e accidente ta bou di investigacion. Parker a ricibi 5 premio Emmy pa su trabou como periodista, y tabata un icono na New Orleans pa e canal cu el a traha pe pa 23 aña. 

  • Newswire a scoge Aruba como miho destinacion pa e turistanan bishita den zomer

    Newswire a scoge Aruba como miho destinacion pa e turistanan bishita den zomer

    NEW YORK – E portal Newswire.net a scoge Eagle Beach di Aruba como e destinacion numero uno pa e fin di zomer di dianan largo di solo, pero cu no ta dje ‘ocupa’ ey, compara cu r destinacionnan, manera; Europa. Fuera di Eagle Beach, tin Croatia, Slovenia, Islas Canarias y Tunesia. Parti di e logro di Aruba ta, cu e temporada di awacero ta te ‘september y october’, cu ta pone cu den verano shelo ta grandemente ‘limpi’ y cayente. Fuera di esey, ta repasa e puntonan usual, pa cual un turista ta bishita nos isla. Lesa e reportahe completo AKI. 

  • Noord Korea a rechasa cumbre di paz cu Sur Korea

    Noord Korea a rechasa cumbre di paz cu Sur Korea

    PYONGYANG – Noord Korea a rechasa cumbre di paz cu Sur Korea, hustificando e decision como un falta di e accionan di Sur Korea. Mientrastanto Noord Korea a lansa dos misil den lama na su costa oost diabierna mainta. E ta e di 6 test den menos cu un luna.    

  • Leyenda di NASCAR Dale Earnhardt Jr a sobrevivi crash di avion

    Leyenda di NASCAR Dale Earnhardt Jr a sobrevivi crash di avion

    CARTER COUNTY – E leyenda di auto di careda NASCAR Dale Earnhardt Jr., su casa y yiu a sobrevivi un crash di un avion priva diahuebs y a keda transporta pa hospital na Tennessee despues. Ningun di nan a sufri daño, pero e por tabata pior. E avion a aterisa malo y a pega candela despues. Ta trata di un avion jet tipo Cessna citation.  Earnhardt ta un grandi den deporte di auto di careda professional internacional, mescos cu su tata Dal Earnhart Sr. cu a fayece despues di un careda di auto na 2001 na Daytona. 

  • FAA ta prohibi cierto computer MacBook riba e buelonan comercial

    FAA ta prohibi cierto computer MacBook riba e buelonan comercial

    WASHINGTON– Manera tabata e caso varios aña pasa cu e Samsung Galaxy Note 7, e agencia federal di aviacion Mericano FAA, a prohibi cierto laptop di MacBook Pro pa ta den avion, despues cu e compania cu ta traha nan, a admiti cu cierto di nan tin bacteria cu por tin peliger. E marcanan cu ta prohibi ta algun di 15 inch MacBook Pro bendi entre september 2015 y 2017, segun e portal Bloomberg. E compania a haci un asina yama ‘recall’ na juni, ora cu a determina cu cierto di e baterianan por keinta y crea un menasa pa candela. Tur aeroliña Mericano a keda avisa. 

  • Cruise Critic: Aruba tin e beach mas bunita mundial pa e turistanan crucero

    Cruise Critic: Aruba tin e beach mas bunita mundial pa e turistanan crucero

    NEW YORK – Aruba tin e beach mas bunita di mundo pa e turistanan crucero bishita, esaki segun e portal Cruise Critic. E corant nacional Mericano, USA Today, a reproduci e articulo cu ta ilustra e 12 beachnan internacional miho pa e turistanan crucero bishita. Aruba ta lidera e lista aki cu Eagle Beach menciona y St. Maarten ta finalisa riba e lista na di 12. Otro grandi manera: Dinamarca, Australia y Grecia tambe ta figura riba e lista. 

  • Powered by SETAR