SAN NICOLAS – E director di Ibero American Highschool William Centeno a retira e IT manager di e scol algun siman pasa, pasobra e persona aki a admiti di a viola un alumno di 15 aña. Durante un conferencia di prensa diahuebs, Centeno a confirma e noticia cu tabata circula, y a bisa mesora cu ora cu a bin tende di e informacion, a haci un investigacion interno, cu a resulta den confirmacion di e noticia lamentable. Mesora a actua y a retira e persona aki, como medida mas severo di e scol. A informa cu no a haci denuncia pasobra e caso tabata den man di polis caba, y como scol, a actua di e manera mas corecto, esta retira e persona. Di otro banda, vocero di polis Lito Laclé a clarifica cu no tabatin ningun keho entrega di e caso aki. POTRET ta screenshot di youtube di un programa archivo di gobierno.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.