Awe Corte di Apelacion ta trata caso Speeltuin

Awe Corte di Apelacion ta trata caso Speeltuin

Posted on 04/15/2019 8:33 am AST | Updated on 04/15/2019 8:34 am AST

ORANJESTAD – Awe mainta Corte di Apelacion a reserva henter dia pa trata e caso di Speeltuin. Ta trata e caso unda cu e dos criaturanan Rishandro y Eugene aña pasa y corte a sentencia e mama y e padrastro. E patrastro a apela y esaki lo bin dilanti awe cuminsando pa 9:30am. 

E CASO

Tabata aña pasa na juli cu Corte a sentencia e padrastro di e dos criaturanan Rishandroh Anastacia y Eugene Frans na 15 aña di castigo incondicional di prizon combina cu TBS (Ter Beschikking Stelling) obligatorio despues cu e detenido sinta 10 aña di su castigo di prizon. Remarcable ta e hecho cu e padrastro a opta pa no ta presente den corte pa tende su sentencia y a informa corte un anochi prome. Y e famia tampoco tabata presente pa esaki. Tur esey, siendo cu net awe corte a haci tur preparacion pa por a ‘transmiti’ e sentencia den un otro sala si en caso tabatin e necesidad.

E CASO

E padrastro tabata acusa di homicidio y severamente maltrata e criaturanan Rishandroh y Eugene. Banda di esey, e tabata acusa di a maltrata e co-sospechoso esta e mama di e dos criaturanan, y e hecho cu e la dera e curpa di Eugene. Ministerio Publico a conclui cu e hechonan presenta a keda proba pa cual a exigi un castigo di prizon di 15 aña y e medida di TBS (tratamento psychiatrico obligatorio) . Banda di esey, OM a pidi pa ehecuta un sentencia bieu di castigo di prison condicional.

COOPERACION

Huez a mustra cu e sospechoso a coopera cu e proceso penal y a haci declaracionnan di culpabilidad. Tambe e la mustra polis unda cu e la dera e curpa di Eugene. Su declaracionnan a keda confirma pa e co-sospechoso, testigo y raportahe di autopsia, cu ta splica e embergadura y tamaño di e lesionnan di e criatura(nan). Tambe huez a confirma cu a base di e pruebanan legal presenta, di e homicidio y e maltrato severo di ambos criatura, e maltrato di e co-sospechoso y e deramento di e curpa di Eugene.

EVALUACION

Huez tambe mester a considera cu den e caso aki mester a busca pa yega na un balansa riba e sufrimento cu e victimanan y famianan di un banda y di otro banda, evita cu un caso asina ta ripiti, pa cual mester provee e seguridad pa e comunidad.

TRATAMENTO DI ACUSADO

E sospechoso segun huez, a wordo trata pa tanto un psikiatra como un psicologo. Ambos a yega na e conclusion cu e sospechoso ta sufri di trastorno di personalidad, cu caracteristico cla psicopatico. Tambe e sospechoso ta sufri di un leve caso di no por wordo teni responsible pa su actonan. Pues debi na su estado mental, e no por wordo teni responsabel pa su actonan. “En caso e no haya e tratamento necesario, chens pa aumento di recidivismo lo aumenta” huez a sigui bisa. Den pasado a keda proba cu e sospechoso no kier tuma tratamento asina lihe. Pa e tratamento tin chens pa logra, esaki mester ta uno di duracion largo. Pesey a impone un castigo combina cu TBS. Y pesey, mirando tur lo anterior, huez a bisa di no por solamente impone un castigo di prizon, sino cu tin cu combine cu e tratamento TBS obligatorio. A bisa tambe cu mirando e circunstancia, no a maxima e medida di TBS. E castigo di prizon ta evalua basa riba e circumstancianan presenta den corte, y tur e hechonan confirma y trata. A rechaza e peticion di OM pa ehecuta un sentencia di castigo bieu di prizon di e sospechoso.

TBS A mustra tambe cu aworaki na Aruba no tin un clinica TBS. E ubicacion den un clinica asina di e acusado, ta bin na ordo despues di cu e acusado a sinta 2/3 parti di su castigo di prizon, pues mas tempran cu esaki por sosode, ta despues di 10 aña. Ta haciendo investigacion pa por habri un clinica semehante na Corsou, pa convictonan di Aruba, Bonaire, St Maarten, Saba y Statia. En caso cu e clinica aki no materializa pa e tempo ey, OM tin cu evalua pa transferi e acusado pa un clinica TBS na Hulanda. E derecho penal di Aruba ta permiti esey segun huez. Pa laga e sospechoso bolbe den comunidad sin un tratamento obligatorio, huez ta considera algo inaceptable. A mustra cu sospechoso por apela e sentencia presenta y tin 14 dia pa haci esaki.

  • Corte a prohibi Gobierno pa desmantela parti di kiosk na Eagle Beach

    Corte a prohibi Gobierno pa desmantela parti di kiosk na Eagle Beach

    ORANJESTAD – Corte a prohibi Dienst Openbare Werken (DOW) y Directie Infrastructuur en Planning (DIP) pa desmantela parti di un kiosko na Eagle Beach, te ora cu tin un decision riba e keho (bezwaar) di e doño, esta Roque Wernet. Asina huez a dicta diaranson ultimo den un sentencia cu Noticiacla.com tin den su poder. E doño na augustus ultimo a haya orden pa desmantela parti extra di un kiosko, pasobra nan ta construi ilegalmente pues sin permiso di e dos instancianan menciona. E doño a bringa esaki y a bay para dilanti mesa berde. Cu e sentencia aki, DOW y DIP tin cu warda te ora corte trata e obhecion di e doño, prome cu por tuma e siguiente paso. 

  • OM a seponeer caso contra Espinoza di hortamento di ekipo di gobierno

    OM a seponeer caso contra Espinoza di hortamento di ekipo di gobierno

    ORANJESTAD – Ministerio publico a seponeer (cera) un di e dos caso cu (taba)tin contra periodista Marko Espinoza. Esun cu a keda seponeert ta data di december di 2017, ora cu el a keda deteni, acusa di a horta ekiponan electronico di gobierno di Aruba. Esaki a keda confirma pa vocero di OM, esta Ann Angela. Seponeer kier men pues cu no ta sigui mas cu e caso. E tempo ey, a detene Espinoza pa cual el a keda cera pa 6 dia largo. Hunto cu dos otro persona, Espinoza a keda deteni, aunke cu e otro dosnan apenas un dia despues caba a recobra nan libertad.  Manera cu NoticiaClaco.com a raporta e caso, esaki a haya hopi atencion mirando cu ta trata di personanan liga cu prensa. Mirando cu ta trata di personanan liga cu e gobierno anterior, opositornan a label e asunto como persecusion politico. E siman despues a habri cu prome minister Evelyn Wever pidiendo pa cualkier persona cu (taba)tin equipo na nan cas, cu por ta di gobierno, pa trece esaki bek. Mesun dia a trece ekiponan bek cu a pone comentarionan circula cu si tin hende deteni pa e caso caba, pakico ta pidi otronan tambe entrega equipo. Keda pendiente pa mas informacion. 

  • OM: Investigacion den posibel hecho castigabel den otorgamento di tereno di gobierno

    OM:  Investigacion den posibel hecho castigabel den otorgamento di tereno di gobierno

    ORANJESTAD – Manera cu noticiacla.com a raporta caba, awe Landsrecherche conhuntamente cu huez-comisario y den cooperacion cu Cuerpo Policial di Aruba, a tene entrada hudicial na diferente lugar. Mientras cu den e comunicado di ministerio publico diaranson atardi nan no ta haci mencion di e identidad di e sospechosonan, noticiacla.com a confirma cu entre nan tin ex minister di gabinete Mike Eman I y II (Benny Sevinger), un coordinador di e gabinete ey (G. Werleman) y un comerciante liga na e partido (L. Arends). 

  • Ex minister sospecha di e.o. falsificacion, estafa y labamento di placa

    Ex minister sospecha di e.o. falsificacion, estafa y labamento di placa

    ORANJESTAD – Ex minister y actual parlamentario Benny Sevinger (AVP)  ta sigura cu e ta inocente di loke ta sospecha su persona di dje. Den un entrevista cu e portal 24ora.com diaranson mainta, e ex minister a confirma cu el a haya bishita di landsrecherche durante un entrada hudicial diaranson mainta tempran, y cu ta sospech’e di falsificacion di documento, estafa y labamento di placa. Fuera di Sevinger a bishita dos otro persona, entre nan Gaby W y Leoncita A. Ta trata di un caso cu a haya e nomber Avestruz. Ta trata di casonan di tereno durante e periodo cu e tabata minister di infrastructura. Segun e ex minister, e ta inocente di tur loke ta sospecha e ex minister di dje. “El que nada debe, nada teme’ ta loke el a bisa e portal awe mainta. Mientrastanto ministerio publico ta pendiente pa un comunicado official cu mas detayes riba e caso. 

  • Nancy Pelosi ta pidi oficialmente pa cuminsa jucio politico contra Donald Trump

    Nancy Pelosi ta pidi oficialmente pa cuminsa jucio politico contra Donald Trump

    WASHINGTON — Presidente di Parlamento Mericano Nancy Pelosi, cu pa varios luna a bringa intencion pa lansa un huicio politico contra presidente Mericano Donald Trump, diamars a haci un anuncio official pa e huicio politico aki. Esaki den cuadro di e hecho cu Trump a yama e presidente di Ukrain y pidie pa investiga candidato presidencial Joe Biden, e ex vice presidente di Merca. Esaki ta un acto contra constitucion segun Pelosi. Trump a admiti cu el a yama e presidente en cuestion pero cu e tabata un yamada perfecto y cu e intencion di e juicio politico ta pasobra su popularidad ta halto y cu nan (Democratanan) kier kibra esaki. 

  • Corte di Aruba cu bandera halfstok pa recorda abogado Hulandes likida

    Corte di Aruba cu bandera halfstok pa recorda abogado Hulandes likida

    ORANJESTAD – Awe e banderanan na edificio di Corte di Husticia di Aruba, Corsou, Sint Maarten y Boneiro, mescos cu na Hulanda ta bula halfstok. Cu esaki, Corte ta duna oido na abogado di Hulanda pa recorda e abogado y huez suplente, Derk Wiersum, cu diaranson ultimo (ayera) a keda likida. E atentado brutal a haci un impresion serio na corte di Aruba, Corsou, Sint Maarten, Boneiro, Sint Eustatius y Saba, segun un comunicado di Corte di Husticia. 

  • Powered by SETAR