Sarah Quita Offringa ta gana prome competencia Freestyle PWA na Bonaire

Posted on 04/15/2019 8:29 am AST | Updated on 04/15/2019 8:31 am AST

KRALENDIJK - Nos orguyo Sarah Quita Offringa ta logra gana e prome competencia di freestyle windsurf den e PWA World Tour na Boneiro. Sarah Quita sin duda a conoce un tremendo dianan di competencia na nos isla ruman di Boneiro.

Den e final Sarah Quita mester a enfrenta Maaike Huvermann di Hulanda. Maaike a start hopi bon y asina ta gana Sarah Quita den e prome rond. Sarah Quita a gana e prome dia di competencia y door di esaki Maaike mester a gana 2 biaha pa asina gana e titulo maximo. Den e asina jama Super Final nan mester a competi 1 biaha mas. Akinan si Sarah Quita a gana di Maaike y asina bai cu e titulo di e prome competencia di PWA Freestyle Windsurfing. Mester bisa si cu e atleta hoben Maaike ta un contrincante cu Sarah Quita lo mester tene cuenta cune den futuro den e eventonan cu ta sigi. Fuente y potret cortesia 297 Sports. 

 

  • Aruba ta pasa pa quarter finals su Beach Tennis World Championship

    Aruba ta pasa pa quarter finals su Beach Tennis World Championship

    ORANJESTAD - Actualmente ta tumando lugar e “Beach Tennis World Championship 2019” na Terracina Italia, caminda tin algun di nos hungadornan local participando. Entre nan nos tin Aksel Samardzic, kende a forma ekipo cu Ramon “ Nacho” Guedez, sigur un persona no desconoci den e deporte di Beach Tennis na Aruba. 

  • Forbes: Lionel Messi deportista miho paga na mundo pa 2019

    Forbes: Lionel Messi deportista miho paga na mundo pa 2019

    NEW YORK – Segun e revista financiero Forbes, Lionel Messi ta e deportista mas miho paga cu 254 miyon dollar, sigui colega futbolista Cristiano Ronaldo cu 218 miyon dollar. Esey ta inclui nan salario y tur otro suma cu nan ta gana den un aña. Forbes ta registra e 100 atletanan miho paga pa 3 decada caba. Segun e revista, solamente 7 otro atleta a yega e posicion # 1 banda di Tiger Woods cu a logra esaki 12 biaha. E top 100 ta inclui atletanan di 25 pais, y ta cubri 10 deporte. Hunto nan entrada ta yega 4 biyon dollar. Aña pasa Floyd Mayweather tabata # 1 cu 285 miyon dollar. Wak e lista completo AKI. 

  • Hulanda ta derota Inglatera 3-1 y pasa pa final di Nations League

    Hulanda ta derota Inglatera 3-1 y pasa pa final di Nations League

    AMSTERDAM – E ekipo di Hulanda a derota Inglatera diahuebs cu e score di 3-1 den tempo extra, den e Nations League Finals. E wega den tempo regular a caba 1-1, pero despues den tempo extra, rapidamente Hulanda a mustra superioridad y a hinca 2 goal mas. Door di e victoria di diahuebs, Hulanda ta hunga e final cu Portugal diadomingo awor. 

  • Liverpool ta titula campeon di Champions League

    Liverpool ta titula campeon di Champions League

    BARCELONA -  E ekipo di Liverpool a titula campeon di Champions League diasabra ganando cu score di 2 - 0 contra Tottenham. E wega a conoce un goal den e prome minutnan na bentaha di Liverpool pa medio di un penalty di Salah den e di 2 minuut di partido. Y Tottenham no a recupera mas. Faltando tres minuut pa e wega caba, Origi ta hinca e goal final. 

  • Aruba Bank Walk & Run 2019 a inicia den gran forma na San Nicolas

    Aruba Bank Walk & Run 2019 a inicia den gran forma na San Nicolas

    SAN NICOLAS – Cu mas di 2000 participante, sigur un di e asistencianan di mas grandi den e evento di Aruba Bank Walk & Run na San Nicolas ta un exito. Hopi hende mes a acudi riba e prome dia na e magno evento di canamemto y coremento. E ambiente tabata unico cu participantenan determina pa cana of core tur cuater dia.

  • Garage Cordia a sostene coredonan den Ronde van Aruba

    Garage Cordia a sostene coredonan den Ronde van Aruba

    (ADVERTORIAL)

  • Powered by SETAR