Mucha muhe cu a caba di labora a keda atraca

Posted on 04/15/2019 8:24 am AST | Updated on 04/15/2019 8:24 am AST

ORANJESTAD - Un mucha muhe trahando na un localidad den Paseo Herencia Mall diasabra anochi laat a keda atraca pa tres homber. E tabata caminda pa su trabou pa entrega e placa di benta di dia y tres hombernan a saca cuchiu pe y menase y bay cu e benta. E mucha muhe tur traumatisa a core bay te na Mc Donald pidi ayudo, polisnan a yega di biaha pa atende cune. E mucha muhe tur spanta a splica un poco pero no sa mucho di e hombernan aki. Mientras tabata tin oficialnan buscando rond. Atraco team a keda poni na altura di e caso tambe.

  • Warda Costa a intercepta piscadornan Venezolano den awa territorial di Aruba

    Warda Costa a intercepta piscadornan Venezolano den awa territorial di Aruba

    ORANJESTAD – E siman aki Warda Costa di Caribe a intercepta piscadornan Venezolano den awa territorial di Aruba. A manda un boto di Warda Costa riba e boto di piscato y a haya nan ta tira taray di forma ilegal.  Riba e boto, Ali Primera, tabatin 4 persona Venezolano. Riba orden di Ministerip Publico, a confisca e taraynan  y despues e piscadornan por a sigui nan caminda. Como cu e momento ey ainda nan no a logra pisca nada, a   a destrui esaki. 

  • Bomberonan ta haya curpa sin bida den cas na candela

    Bomberonan ta haya curpa sin bida den cas na candela

    PAPILON – Un caso di melding di candela di cas, manera cu noticiacla.com a raporta anteriormente, a resulta tambe den un caso di morto, y posibel detencion. Segun vocero policial Lito Laclé, pa 14.46pm e melding a drenta via Centrale Post cu tin un cas na candela na Papilon. Durante pagamento di candela coleganan di branweer a bin encontra un curpa sin bida. Mesora a bati alarma y a jama instancianan concerni. Pa 4 or dokter Texier a constata morto di Rigoberto Junior Chemi Gilberto Kock (32). Na e momento aki ainda cuerpo tecnico di Cuerpo Policial ta bezig na e sitio.

  • Bomberonan a paga cas na candela na Papilon

    Bomberonan a paga cas na candela na Papilon

    PAPILON – Bomberonan dialuna merdia mester a aduci na un cas na Papilon cu tabata na candela. Segun e departamento, a manda dos unidad pa paga candela na e cas. 

  • Victimanan di accidente di trafico na Ser’i Teishi ta den estado grave

    Victimanan di accidente di trafico na Ser’i Teishi ta den estado grave

    ORANJESTAD – Dos di e tres personanan envolvi den un accidente serio diahuebs merdia riba Green Corridor, ta den estado grave. Asina vocero di polis Lito Laclé a confirma pa noticiacla.com. E version official ta cu pa 1’or e melding a drenta di ‘un accidente serio na altura di Ser’i Teishi riba Green Corridor a sosode. Velocidad halto mas sigur a pone cu e chauffeur a perde control riba su auto y pone bolter. No tabatin un otro auto envolvi y polis ta considera esaki como un ‘eenzijdig ongeval’ caminda un auto a perde control. Bomberonan a yuda pa saca un di e personanan for di e auto. Aumbulance a transporta un homber y un dama den estado grave pa hospital y un otro dama tambe a keda trata, aunke e no tabata grave. 

  • Fada y Fundacion Zinnia a lansa otro video 'Bo Amigo Didi'

    Fada y Fundacion Zinnia a lansa otro video 'Bo Amigo Didi'

    ORANJESTAD - FADA (Fundacion Anti Droga Aruba) y Fundacion Zinnia a lansa otro video clip Bo Amigo Didi diamars atardi durante un conferencia di prensa. 

  • Homber ta drenta botica cu su auto awe mainta

    Homber ta drenta botica cu su auto awe mainta

    EAGLE – Un persona di edad a drenta cu su SUV Mercedes Benz den un botica na Eagle diamars mainta. E botica ta situa den e edificio di Super Food na Eagle. Aparentemente e chauffeur a confundi e pedal di brake cu esun di duna gas, pa cual el a drenta e botica. Cu algun rascal, e chauffeur a sali ‘basta bon’ pero cu un bon susto di e episodio. Potret di Facebook. 

  • Powered by SETAR