SETAR a presenta ganadornan di Hack-A- Thon “Island of the Future- Agriculture”

Posted on 04/15/2019 8:22 am AST | Updated on 04/15/2019 8:23 am AST

ORANJESTAD - Na final di e Youth Tech Event den fin di siman, SETAR a haci entrega na e scolnan ganador cu a expone nan projecto durante di e evento y a splica e bishitantenan y hubentud over di kico nan a haci.

Na di 3 lugar: Colegio Arubano Oranjestad cu a gana 5000 florin como premio nan e scol.

Na di 2 lugar: Maria College cu a gana 10.000 florin di premio pa nan scol

Scol Ganador: St. Augustinus College cu a gana 25.000 florin pa nan scol

Tur scol cu a participa y no a cai den e premionan SETAR ta otorga cada un di nan 2000 florin pa nan scol pa nan participación na e projecto di inovacion aki.

Manera ta conoci, SETAR a lansa un projecto di Hack-A-Ton “Island of the Future - Agriculture” na november 2018 den cual a invita tur scol secundario pa participa cual 6 scol a acepta e reto y a traha duro pa yega na e final cu a termina diasabra ultimo durante e Youth Tech Event di SETAR.

Den e projecto unico aki, SETAR a bai varios biaha pa bishita e scolnan pa mira nan projectonan y con leu nan ta.  E scolnan cu a registra pa participa na e projecto aki ta: Gen. Maj. Abraham de Veer School, St. Augustinus College , Mon Plaisir College, EPB San Nicolas, Colegio Arubano Oranjestad y Maria College. Riba e potretnan por mira momento cu sr. Roland Croes director di SETAR ta haci entrega di nan premio.

  • Varios buelo di Merca a yega Aruba cu retraso awe pa mal tempo

    Varios buelo di Merca a yega Aruba cu retraso awe pa mal tempo

    ORANJESTAD – Debi na mal tempo pa e parti Noord Oost di Merca diaranson (sneeuw mas tanto), como 5 buelo di aeroliñanan Mericano a yega Aruba cu retraso. Ta trata di buelonan di New York, Boston, y Newark. Aeropuerto di Aruba a informa di e situacion y a pidi tur hende tene cuenta cu e situacion aki pa cu e retraso necesario. E retrasonan ta varia di mei ora pa un ora y mei. E buelonan tabata e.o. B6 557 (JFK), B6773 (Boston), UA 1040 (Newark), DL484 (JFK), UA 1042 (Newark). 

  • Dialuna ta cuminsa cu remodelacion di edificio di DOW, DIP y DLV

    Dialuna ta cuminsa cu remodelacion di edificio di DOW, DIP y DLV

    ORANJESTAD - Dialuna awo 16 di december 2019 lo cuminsa cu remodelacion di e asina yama  Infra gebouw, den cual tin e departamentonan DOW Aruba, DIP y DLV. Nan tur lo haya un balie central y tambe oficinanan amplio unda cu lo por atende publico. Alabes a anuncia cu den cuadro di digitalisacion DOW Aruba a haya su propio website. E website akinan ta duna informacion tocante eorganisacion, nos proyectonan actual y tambe noticianan di ultimo momento. E compania SIM Caribbean tabata responsabel pa traha e website. 

  • Coöperatie VGZ a bishita AZV pa Universal Health Coverage Day

    Coöperatie VGZ a bishita AZV pa Universal Health Coverage Day

    ORANJESTAD - En conexion cu e ‘Universal Health Coverage Day’ cual ta tuma luga 12 di december, Organo Ehecutivo AZV a organiza un programa completo di workshop y seminario pa su empleadonan y stakeholders. Dentro di e programa a incorpora e bishita di Tom Kliphuis, presidente di e Hunta di Directiva desde september 2014 di VGZ. VGZ ta un cooperacion di seguronan di cuido medico cu ta duna servicio na 4 miyon asegurado. Haciendo esey, VGZ ta e di dos seguro di cuido medico mas grandi di Hulanda. 

  • ImSan a cuminsa realisa operacionnan di catarata y pronto di retina

    ImSan a cuminsa realisa operacionnan di catarata y pronto di retina

    ORANJESTAD – ImSan a cuminsa realisa operacionnan di catarata y pronto di retina! Asina minister di Salud Dangui Oduber a informa e siman aki. E ta mustra den un comunicado cu dia 6 di december ultimo a tuma lugar e prome operacion di catarata na Instituto Medico San Nicolas (ImSan). Den pasado semper e operacion di catarata tabata tuma luga na Dr. Horacio E. Oduber Hospital. ImSan a conoce inversion y desaroyo cu a tuma luga pa e parti medico, den e inversion aki a inverti entre otro den e aparato di mas sofistica pa haci operacionnan di wowo. Danki na e inversion aki, awor por realisa e operacion di catarata na ImSan mes y esaki sigur ta un logra den cuido medico na Aruba. Awor cu tin mas sala disponibel pa operacionnan di wowo, esaki lo bay yuda na reduci e tempo di espera pa pashentnan cu ta wardando pa haci e dicho operacion. 

  • Stichting Parkietenbos ta keha di holor malo y gas di Ser’i Teishi

    Stichting Parkietenbos ta keha di holor malo y gas di Ser’i Teishi

    ORANJESTAD -  Holor malo y gas di Ser’i Teishi ta sigui afecta bida di habitantenan. Asina e fundacion di Parkietenbon ta bisa den un comunicado diamars. Segun e fundacion, mas di dos siman despues cu expertonan di exterior a bishita Ser’i Teishi pa asisti Serlimar pa remedia e situacion cu a surgi cu e deramento di e envirobales, ainda keto bay holor malo y posibel gasnan toxico ta afectando e habitantenan di e besindario. Stichting Parkietenbos tin cu enfatisa cu nunca antes e habitantenan a pasa den un situacion asina manera cu ta pasando actualmente.  For di marduga y mainta trempan e habitantenan no por hala rosea di aire limpi, bo rosea ta wordo corta y bo ta ansha y haya tosamento y dolor di cabes. 

  • David Passchier a huramenta como ambtenaar na Raad van Advies

    David Passchier a huramenta como ambtenaar na Raad van Advies

    ORANJESTAD – Dia 10 december 2019  sr. mr. David M. Passchier a huramenta como ambtenaar na Raad van Advies. Secretaris di Raad van Advies, mr. Albert Braamskamp, tawata e persona apodera pa Gobernador di Aruba pa den su nomber efectua e huramentacion.

  • cheers wind creek casino
  • Powered by SETAR