- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Maneho pa cu admission y detencion di indocumenta na Aruba no a cambia
ORANJESTAD – E maneho di admission y con ta atende cu personanan indocumenta na Aruba no a cambia. Asina tanto prome minister Evelyn Wever y minister di husticia Andin Bikker a confirma pa NoticiaCla diasabra. Esaki en cuadro cu e informacion cu a circula den media na Corsou diasabra mainta cu a detene indocumentanan pero a dicidi di laga nan bay pa falta di espacio y cu no ta detene hende indocumenta mas. Wever a bisa si cu e mes no a haya confirmacion official cu e maneho na Corsou a cambia sino a tende solamente via medionan social kico a pasa. Pa Aruba Bikker a sigura cu cos ta status quo. “ Aki en todo caso manejo no a cambia” e mandatario a sigui bisa.
SITUACION
Segun Bikker, Corsou tin su propio maneho di admision y ta den un otro situacion dor cu nan a bay di acuerdo pa ta un punto central di asistencia. “ Na Corsou dor di gebrek aan detentiecapaciteit nan a haya nan obliga pa aplica meldplicht pa un par di persona cu yega via aanlandingen” Bikker a bisa. “ Den un par di día nan a haya nan confronta cu mas cu 40 persona via aanlandingen. Dus ta mas bien un situación di overmacht” Bikker a bisa.
NOTICIA
E informacion cu tabata circula na Corsou tabata cu Venezolano nan cu yega cu lancha, cualkier boto ilegal na Corsou lo no ser deporta mas. E informacion tabata sigui bisa cu despues cu a sera tambe conecion aereo entre Corsou i Caracas, ta pone cu imigracion no por deporta niun hende mas pa Venezuela. Acopla na esey, tabatin informacion cu awe mainta, polisnan lo a localisa un grupo di 16 persona cu a yega via di Oostpunt, pero a solamente tuma datos personal i despues laga nan bai, paso no por detene nan ni tampoco deporta nan. No ta conoci si ta trata di e mesun personanan cu algun dia pasa a yega Corsou manera cu NoticiaCla a raporta, y cu a keda deteni. Informacion cu NoticiaCla tin ta cu no obstante e ciere di frontera, otro siman tin buelo cu lo sali pa por saca e Venezolanonan deteni na Corsou, pa Venezuela. NOTA: E potret ta di archivo di NoticiaCla di diahuebs ultimo ora cu Warda Costa di Caribe a pone man ariba 17 persona indocumenta.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
