WILLEMSTAD - Awe merdia, e periodista conoci Yves Cooper a recobra su libertad despues di tabata deteni dos dia pa menasa na un ciudadano. Su abogado Sheldry Osepa a buske diabierna atardi, despues cu Huez Comisario a autorisa su salida.
E CASO
Manera informa anteriormente tabata diaranson, riba sospecho di menasa a detene e periodista. Cooper y un otro persona lo a haya nan mes envolvi den un pleito y unda cu golpi lo a cay y menasa. Ambos persona a keda deteni, segun vocero di polis di Corsou, pero na final ta Cooper so a keda deteni. Segun abogado di Cooper, Sheldry Osepa, Cooper a permanece deteni y riba su propio peticion a pidi pa no 'sake ainda' pasobra e ta haciendo un investigacion riba husticia. Osepa a comparti esey riba su pagina di Facebook diahuebs. Ultimo tempo Cooper a haya su mes den basta problema cu gobierno, pa su forma 'agresivo' di raporta, riba e.o.supuesto corupcion di cierto ministernan. E tin mas di 50 mil siguidor riba Facebook, pues tin un grupo basta grandi di persona su tras cu ta sigui su noticianan. Su forma di actua ta poco excentrico y ta pone cu e ta hala atencion pero no semper ta conta cu aprobacion di e 'mainstream crowd'. POTRET: Screenshot di livestream di facebook di Yves Cooper despues cu el a sali di prison diabierna.
WILLEMSTAD - Minister di enseñansa sr. Sithree van Heydoonr a manda karta pa parlamento kaminda e ta pidi un reunion di komishon sentral pa por deliberá riba periodo di kalor na skol.
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.