Airbnb, Gobierno y Aruba Tourism Authority a renoba acuerdo

Posted on 02/10/2019 8:31 pm AST | Updated on 02/10/2019 8:32 pm AST

ORANJESTAD - E siman aki, e plataforma digital pa acomodacion y hospitalidad di mas grandi na mundo Airbnb a firma un acuerdo cu Aruba Tourism Authority y Gobierno di Aruba pa sigui cu e impulso pa un turismo sostenibel na Aruba a traves di ‘home sharing’.

Nan bishita a inicia cu un reunion na Oficina di Turismo, unda e ultimo desaroyo, realizacionnan y prestacionnan pa cu Aruba y e region di Caribe a wordo presenta. Despues a sigui cu un reunion na Oficina di AHATA. Parti merdia e plataforma Airbnb a firma e Memorandum of Understanding –MoU- na Oficina di Gobierno cu presencia di Minister di Turismo, Salud Publico y Deporte Sr. Danguillaume Oduber, Minister di Finansas, Asunto Economico y Cultura Sra. Xiomara Ruiz-Maduro, CEO di Aruba Tourism Authority Sra. Ronella Tjin Asjoe-Croes, y Airbnb Campaign Manager, Public Policy & Communications pa Caribe y Central America Sr. Carlos Munoz.

“Aruba a experencia un crecemento sostenibel di e sector specifico durante e ultimo añanan y nos ta sinti cu, cu e plataforma di Airbnb nos por yega na un segmento diferente di turistanan cu ta interesa di biba manera e localnan mientras cu nan ta experimenta un banda diferente di nos isla” asina Sra. Ronella Tijn-Asjoe Croes, CEO di Aruba Tourism Authority a laga sa.

A traves di Airbnb, turismo pa Aruba ta mas accesibel y ta duna un oportunidad amplio na esnan cu ta busca diversidad den estadia durante nan vacacion. Segun estadistica di Airbnb, durante 2018 e anfitrionnan di Airbnb na Aruba a yama bonbini na un alrededor di 47,200 bishitante cu un estadia di aproximadamente seis dia. E turistanan aki a wordo aloha door di 940 anfitrionnan cu a habri nan porta pa ofrece un experencia diferente di nos isla.

 

Ta bon pa menciona cu e miembronan di Airbnb na Aruba (esnan cu ta ofrece alohamento na e bishitantenan) ta un grupo hopi diverso: E edad promedio di un ‘host’ tin 48 aña, y 77% di e anfitrionnan tin un edad di entre 30 pa 59 aña. Ademas, un host ta ricibi un entrada anual average di USD $ 9.200,- 

E total di e ‘listings’ di Aruba riba e plataforma aki ta 2,300 propiedad.

 

Na e mes momento, e Arubianonan tambe ta eligi Airbnb na momento cu nan biaha pa exterior. Na 2018, 5,100 biahero procedente di Aruba a scoge pa sinti nan mes manera local di e pais ora di biaha.

  • Hunta di supervision di FLPD a demanda rectificacion di minister

    Hunta di supervision di FLPD a demanda rectificacion di minister

    ORANJESTAD – E Hunta di Supervision di Fundacion Lotto pa Deporte a demanda un rectificacion den 24 ora despues di a ricibi un carta, for di Minister Dangui Oduber, encarga entre otro cu deporte. Asina e hunta ta bisa den un comunicado diamars 23 di juli 2019. Segun e comunicado, e mandatario a publica riba su pagina di Facebook dia 15 di Juli ultimo, cu directiva di Lotto lo a pidi un Credit Card cu un limite di 10 mil dollar pa luna pa cada un miembro. Mas leu e mandatario a acusa nan di abuso y cataloga nan como e "Cartel di Lotto". 

  • E ganador di Mega Miyonario di Aruba a bin reclama su premio

    E ganador di Mega Miyonario di Aruba a bin reclama su premio

    ORANJESTAD - E siguiente miyonario cu  Lotto, E  Loteria di  Aruba ta conoci. Cumprando 2  MegaPlus loco, a resulta e number ganado di e jackpot miyonario. Manera ta conoci, e premio di 1.300.000,-= a bay pa solamente un persona. Dialuna e persona aki a busca su premio.  Pabien na e feliz ganado cu su tremendo premio.

  • Benedicta Gei: Otro cliente masha satisfecho cu e servicio di EcoTech

    Benedicta Gei: Otro cliente masha satisfecho cu e servicio di EcoTech

    (ADVERTORIAL) 

  • Minister a confirma carta di Hulanda pero cu otro contenido

    Minister a confirma carta di Hulanda pero cu otro contenido

    ORANJESTAD – Gobierno den fin di siman a confirma cu tin un carta cu gobierno a ricibi di Hulanda riba e situacion financiero recientemente. Pero loke e no ta confirma y ta mas bien desmenti, ta e tono y cierto contenido di e carta. Asina e mandatario di finanza Xiomara Maduro a bisa den un comunicado diadomingo. Cu esaki, e kier desmenti informacion di un portal cu a publica cu tin un asina yama ‘brandbrief’ di Hulanda yen di condicion. Sinembargo ni gobierno ni e medio a publica e carta, pa por mira kico realmente e ta bisa. NoticiaCla.com mientrastanto a confirma si cu CAft a manda un otro carta pa Gobierno, cu dentro di 2 siman lo bira publico. No ta sigur si ta e carta aki ta esun cu ta referi na dje. 

  • Aruba Airlines: No tin personal ilegal cu ta traha cu e aerolinea

    Aruba Airlines:  No tin  personal ilegal cu ta traha cu e aerolinea

    ORANJESTAD –  Aruba Airlines den fin di siman a desmenti informacion eroneo di posibel ilegalidad di trahado den e compania. Asina e compania a bisa den un comunicado. Segun e comunicado,  contrario na informacion eroneo cu a keda publica de medionan di comunicacion recientemente y lo cual ta wordo comenta, Aruba Airlines ta aclaria tur informacion, rumor y datonan cu no ta cuadra cu realidad.

  • Aruba a conoce su di dos miyonario diabierna cu Lotto

    Aruba a conoce su di dos miyonario diabierna cu Lotto

    ORANJESTAD – Aruba a conoce su di dos miyonario  pa 2019, danki na Lotto. Despues di dos previo intento (siman pasa e premio di Mega Plus a yega 1 miyon atrobe, esaki a keda aden diamars y finalmente cu e suma di 1.300.000 florin, el a cay pa un solo persona. E numbernan ganador tabata 16-23-27-29 y e mega ball tabata 6. Como cu e persona a hunga e wega completo, el a bay cu e premio complete. Ademas e premio a wordo gana na Playa mes, na Lucky Numbers den Hendrikstraat. NoticiaCla.com ta manda palabra di pabien pa e ganador. 

  • Powered by SETAR