Wever: Ehercicionan militar na Venezuela no ta motibo pa preocupacion

Wever: Ehercicionan militar na Venezuela no ta motibo pa preocupacion

Posted on 02/10/2019 8:28 pm AST | Updated on 02/10/2019 8:40 pm AST

ORANJESTAD/CARACAS - Gobierno di Aruba a wordo notifica cu Venezuela ta bay tin ehercicionan militar entrante awe 10 di februari te dia 15 di februari. Asina gobierno di Aruba a informa comunidad local diadomingo pa medio di un comunicado. Segun premier Wever, e ehercicionan aki ta forma parti di e conmemoracion di e 200 añanan di e ‘Congreso de Angostura’ cu ta origina di e prome Constitucion di e pais Venezuela. 

Prome Minister Evelyn Wever-Croes: “Esaki ta algo planifica caba relaciona cu e echo historico aki y nos a wordo notifica door di autoridadnan siman pasa pa tene cuenta cu esaki. E serie di entrenamentonan aki ta encera ehercicionan riba awa tambe. Nan lo keda dentro di e teritorio Venezolano pa cua motibo tambe NO tin motibo pa panico”.

E situacion den Venezuela como tambe e posicion di Reino ta keda mescos despues di e anuncio di siman pasa unda cu e Minister di Relacionnan Exterior Hulandes señor Stef Blok a manda un carta pa Parlamento Hulandes, indicando cu Hulanda ta reconoce señor Juan Guaido como e Presidente Interino di Venezuela pa e periodo cu e tin mester pa organisa eleccionnan liber na Venezuela. Den e carta aki, Hulanda ta splica su punto di bista y e posicion di Reino, cu lo mantene e relacion diplomatico cu e regimen di Presidente Nicolas Maduro cu tin e autoridad real mientras tambe lo cuminsa cera contactonan diplomatico cu esnan di Juan Guaido.

Prome Minister e enfatisa cu Gobierno y tur e expertonan concerni ta sigui e desaroyonan di cerca tur dia y tur e instancianan aki pa hopi tempo caba a bin ta prepara riba e tema aki pa asina wordo informa a base di informacion veridico y pa tuma accion riba informacionnan veridico y no riba informacionnan cu no ta corecto. Aparte di esaki, segun Prome Minister, hunto cu Marina Real, autoridadnan local tanto maritimo como riba tera y cu cooperacion estrecho cu Corsou y Boneiro ta atende cu e tema aki debidamente y asina duna informacion tambe. 

E conseho di biahe pa Venezuela tambe a keda mescos. NO biaha pa Venezuela si realmente no ta necesario. Gobierno di Aruba ta vigila e desaroyonan di cerca y lo duna mas informacion si y ora ta necesario.

 

  • Jandino ta propaganda Aruba cu anuncio di un break largo

    Jandino ta propaganda Aruba cu anuncio di un break largo

    ORANJESTAD – E conocido artista Jandino Asporaat ta tuma un break largo, y ta pasa esaki mas probable den Caribe. Esaki a bira noticia ora cu a tuma nota unda el a ubica esaki, esta riba su pagina di Instagram, cu tin miles di siguidornan y cu potretnan di Aruba, mescos cu ta e caso di celebridadnan deportivo recientemente, nan ta duna Aruba asina indirectamente e cobertura impagable. Jandino no ta specifica cu e lo pasa su periodo di 6 luna completo den Caribe, e islanan ABC, pero por asumi cu mirando cu e ta di Corsou, gran parti e lo por pase eynan. Den e caso di Jandino, e post tabata uno extensor splicando su motibo pa dicidi di tuma un vacantie largo, unda cu el a pone un potret di dje, saca na Aruba. Segun Jandino, cu recientemente tabata na Aruba pa su show ‘Judeska in de TBS kliniek’, e ta tuma un vacacion di 6 luna, pa asina e por tin energia durante cual e lo sigui skibi buki, pelicula y shows nobo. Su otro programanan ta pre graba caba, dus su ‘ausencia’ lo no wordo sinti riba television Hulandes. 

  • Zr.Ms Groningen a intercepta botonan go-fast cu droga y placa

    Zr.Ms Groningen a intercepta botonan go-fast cu droga y placa

    ORANJESTAD – E bapor Hulandes Zr.Ms. Groningen a intecepta un go-fast cu placa y droga, y a salba un bida. Tur esey den un siman di tempo. Asina e comunicado di Warda Costa ta bisa. Tabata riba e anochi di 10 di juli cu a intercepta e go-fast. Dos Frisc boto di De Groningen a para e go-fast. A intercepta 424 kilo di cocaine. A confisca e droga y detene e dos personanan na polis di St Maarten. 

  • Gezaghebber di Bonaire a denuncia director financiero OTB

    Gezaghebber di Bonaire a denuncia director financiero OTB

    KRALENDIJK – Gezaghebber Edison Rijna di Bonaire  a hasi denunsia na Ministerio Públiko di posibel aktonan kastigabel di parti di e direktor finansiero di e kompania anónimo di gobièrnu Oil Trading Bonaire, OTB. Riba djaluna 15 di yüli gezaghebber a hasi e denunsia. “Komo gezaghebber mi ta protektor di integridat gubernamental i atministrativo i banda di esei komo presidente di Kolegio Ehekutivo mi ta representá tambe e akshonista di OTB. Pa e motibu ei mi a disidí di hasi denunsia na Ministerio Públiko di posibel echonan kastigabel na OTB,” asina gezaghebber Rijna a deklará. A base di e denunsia di gezaghebber Ministerio Públiko a disidí di kuminsá ku un investigashon. Pasobra ta trata di un kompania anónimo di gobièrnu, reshèrshi di reino ta enkargá ku e investigashon.

  • Helmoed Wierda nombra como e hefe nobo di RST

    Helmoed Wierda nombra como e hefe nobo di RST

    PHILLIPSBURG – E actual hefe di operacion di polis na Rotterdam Hulanda, Helmoed Wierda a keda nombra como teamchef di   recherchesamenwerkingsteam (RST) di Aruba, Sint Maarten, Curacao, Caribisch Nederland y Hulanda. E nombracion ta drenta na vigor entrante 1 di December 2019.  E anuncio a bin durante e encuentro di ministernan di husticia di Reino Hulandes, tumando lugar na St Maarten. 

  • Hulanda ta pone placa pa mehora cooperacion policial den Reino

    Hulanda ta pone placa pa mehora cooperacion policial den Reino

    PHILLIPSBURG – Minister Hulandes di Husticia y Seguridad  Ferd Grapperhaus a anuncia cu ta pone 4.4 miyon euro disponibel pa e.o. miho enseñansa policial pa por educa personal di polis pa  Sint Maarten (KPSM), Caribisch Nederland (KPCN), Aruba (KPA), Curacao (KPC) y Warda Costa. Esaki a keda anuncia durante e reunion di cooperacion hudicial den Reino, e asina yama Justicieel Vierpartijen Overleg. E estudio ofrece ta parti di un cofinanciamento unda cu e paisnan mes ta cubri e gastonan di biahe y estadia di esnan cu ta prove e estudio. E tipo di cursonan ta igual cu esun di Hulanda, pero ta wordo traduci den contexto local ora cu ta neesario. “Ta bon cu e ambicion dirigi pa un miho coperacion ta continua” Grapperhaus a bisa. Mi dos korpschef, esun di Caribe Hulandes y di e polis Hulandes mi ta sostene cu conseho y hecho. Pa e teritorio aki y pa Reino ta importante pa nos traha hunto na un mihor polis. Ningun di nos por bringa su so contra criminalnan cu ta menasa nos ciudadanonan y comunidad” Grapperhaus a sigui bisa. Obviamente minister di husticia di Aruba tambe tabata presente durante e reunion aki. Potret ta di Facebook di minister Andin Bikker. 

  • Ministerio publico lo no persigui gezaghebber di Bonaire

    Ministerio publico lo no persigui gezaghebber di Bonaire

    KRALENDIJK - Ministerio publico na Bonaire a dicidi cu no lo persigui gezaghebber di Bonaire. Den un comunicado, e mandatario mes a informa cu manera Ministerio Públiko a anunsiá esaki tambe diahuebs. “ Fiscal a dicidi pa sepone incondicionalmente e caso caminda mi tabata sospechoso. Esaki ta nifica cu lo no persiguí e compania Bon Recycling ni ami komo director doño di e tempu ey”.

  • Powered by SETAR