Polis a confisca sportbike di motorciclista terorisando Pos Chiquito

Polis a confisca sportbike di motorciclista terorisando Pos Chiquito

Posted on 02/10/2019 2:03 pm AST | Updated on 02/10/2019 2:03 pm AST

ORANJESTAD - Polis a confisca un motorciclista terorisando bario di Pos Chiquito marduga cu su sportbike.  Tabata durante control di e unidad di motorcycle di polis cu esaki a sosode. Diasabra prome y durante y despues di ACSM ,  Unidad Motorisa a controla riba camindanan principal pa velocidad halto, motocycle sin documento y/of sin rijbewijs, alcohol y luz . UM a controla ongeveer 100 auto di cual 25 a haña boet  pa velocidad halto, 3 pa falta di luz dilanti. Un sportbike cu tabata haci hopi desordo 4or di madruga den Sabana Basora a wordo confisca . For  di rotonde Pos Chiquito e unidad mes por a scucha con e motociclista  tabata molestia full e bario di Pos Chikito y Sabana Basora . Tactisch UM a bay na e sitio y den e bario mei mei di e complex na Sabana  Basora  Noord UM a logra blok e caminda full pa e no sigui core y asina e logra confisca e motorcycle pa falta di documento y joven chauffeur  tampoco tabata tin un rijbewijs valido. Cu esaki UM a hanja un compliment di e bisiñanan cu tabata fada di basta tempo di e situacion aki. Unidad Motorisa lo sigui cu su controlnan durante tur actividad di carnaval prome durante y despues .

  • Ciclista a dal tras di auto y keda basta herida na Yaraweg

    Ciclista a dal tras di auto y keda basta herida na Yaraweg

    SAVANETA - Riba e caminda di Yaraweg na Savaneta diadomingo mainta a sosode un accidente unda un ciclista a dal basta duro tras di un auto cu a bay pa lora na su man robes. E ciclista a keda basta herida, ambulance a yega basta lihe y unda paramedico a atende cu e victima inmediatamente. Polis di trafico a start cu un investigacion.

  • Chauffer bou influencia a bolter cu auto na Camacuri

    Chauffer bou influencia a bolter cu auto na Camacuri

    ORANJESTAD - Segun un chauffeur masculine, matanan a crusa su dilanti y causa cu el a dal  y bolter cu su auto pega den mata di kwihi diasabra marduga riba Camacuri net banda di oficina di Impuesto. E chauffeur a sali cu su propio forsa for di su auto. Polis tabata na e sitio y a pone supla y a surpasa e limite bastante y a haci cu a detene y bay cune warda. E auto mes a keda basta kibra. riba caminda por a tuma nota di marcanan di brake cu e mes a accidenta su so.

  • Auto y brommer envolvi den accidente na Caya Betico Croes

    Auto y brommer envolvi den accidente na Caya Betico Croes

    ORANJESTAD - Polis a keda dirigi diabierna anochi riba Caya Betico Croes net pabou di Setar store pa un accidente entre chauffeur di un auto y brommer. E chauffeur den e nissan march bayendo ariba a bay haci un u turn pa bay bek abou y consecuencia un brommer biniendo su tras a dal den banda di e auto cu a haci e birada su dilanti. E motociclista a keda levemente herida y unda paramedico di ambulans a atende cu e victima. Polis tabata na e sitio pa tuma dato

  • Accidente impactante entre auto y brommer na Savaneta

    Accidente impactante entre auto y brommer na Savaneta

    SAVANETA - Riba e caminda principal di Savaneta banda di Wintergarden a sosode un accidente fuerte entre auto y brommer. E impacto a laga e motociclista levemente herida. Ta trata di un taxi maneha pa un señora di edad a haci u turn subi caminda y e motorciclista biniendo basta duro pabou no por a brake mas y consecuencia a impacta den e auto. Paramedico a atende cu e manehado di brommer, e tabata un polis na civil, y ora cu polis di trafico presente a pone pa supla, paramediconan a nenga di laga polis atende cune pa pone supla. Polisnan di trafico a nota esaki pa asina evita cualkier rumornan riba caya despues cu no ta laga polis supla mientras cu paramediconan ta haci poco dificil.

  • Mas polis ta ricibi nan promocion den Cuerpo Policial

    Mas polis ta ricibi nan promocion den Cuerpo Policial

    ORANJESTAD - Na ex- edifico di DOC opleiding na Oranjestad a tuma lugar  awemainta un ceremonia special di promocion pa agentenan policial. Famia, amistad y coleganan a bini hunto pa asina mira un grupo grandi ricibi nan promocion. Altocomisario di Polis Sr. Andrew Hoo a hiba palabra y a expresa di ta contento di mira un grupo asina grandi ta ricibi nan promocion.  “Un grupo awe ta ricibi na rango di Brigadier esaki nifica cu nan ta carga un responsabilidad pa sirbi nos comunidad y alabez nan mester ta un ehempel pa nos comunidad. E di dos grupo cu ta e studiantenan di Agent in opleiding awe ta bira Agent eerste klasse un carera nobo cu nan a inicia pero esaki ta e mitar caminda di nan estudio. Cu e rango aki nifica cu nan tambe tin responsabildad pa carga y ta contento di mira caranan hoben y nobo pa sirbi nos pais.” Tabata palabra di Altocomisario di Polis.

  • Barera temporal poni na cruzada Palm Beach/Wendys pa evita mas accidente

    Barera temporal poni na cruzada Palm Beach/Wendys pa evita mas accidente

    PALM BEACH – Diamars atardi polis y DOW a intermedia pa trece solucion na e cruzada ‘popular’ di Palm Beach/Wendys. Esaki pasobra practicamente tur dia tabatin por lo menos un pa dos accidente di trafico sosodiendo na e lugar. Falta di luz di trafico ta e causa, y tambe falta di conocemento di reglanan di trafico. DOW y polis a opta awor pa temporalmente trece un solucion pa evita mas dalmento di auto. 

  • Powered by SETAR