ORANJESTAD - Fuels Marketing & Supply Aruba N.V. (FMSA) a anuncia cu desde mañan diahuebs, 17 di Januari, lo tin trabounan di mantencion tumando lugar na CITGO Caya Grandi planea? pa 7 dia. E tienda (Convenience Store) y stacion di gasolin lo ta operacional si pero cu un servicio di gasolin limita. Lamentablemente lo no tin servicio di Diesel. Pa por ricibi servicio di gasolin durante di e dianan aki, mester drenta e stacion di gasolin via e entrada di Caya Grandi. FMSA y CITGO Caya Grandi di antemano ta pidi disculpa pa cualquier inconveniencia cu e trabounan aki por causa.
Pa mas informacion por tuma contacto cu FMSA via telefon na 281-0100, tambe por manda un mensahe via Facebook.com/RefineriaDiArubaNV of por manda un email na [email protected].
ORANJESTAD – E situacion di Dengue na Aruba ta birando mas alarmante. Diahuebs Departamento di Salud Publico a informa cu a cuminsa hospitalisa hende cu ta infecta cu Dengue. Ta trata di 2 persona. Un di e personanan aki ta bek na cas, y e otro ta sigui interna cu complicacionnan serio debi na Dengue. Por a verifica cu ningun di e personanan aki a biaha recientemente, indicando cu ta trata aki di dos caso di Dengue di transmision local. DVG ta informa tambe cu ta observando mas caso cu ta di spera – of cu ta normal – pa e temporada aki.
ORANJESTAD - Entrante augustus 2024 e alumno di klas 1 lo siña lesa y skirbi na Papiamento. A organisa un trayecto di preparacion pa asina ekipa e cabesante y e maestro di klas 1 di scolnan basico (basisschool) cu e hermentnan necesario pa por implementa e parti aki di e maneho nobo di idioma den scol.
ORANJESTAD - Entrante 18 di april 2024, pa 9or di anochi via TeleAruba, Aruba completo lo por cuminsa presencia e serie documental ‘Blue Lizard Effect’. Un serie documental revolucionario cu ta profundisa su mes den e mundo fascinante di Aruba, pero di un angulo diferente. E serie ta explora e concepto energetico di felicidad y e conexion profundo cu e cultura, e hende, y naturalesa di e isla.