ATA a firma deal pa usa Xander Bogaerts pa promove Aruba

Posted on 01/10/2019 5:41 pm AST | Updated on 01/10/2019 5:45 pm AST

ORANJESTAD – Considera como un di e dealnan mas complica y largo pa cera, CEO di Aruba Tourism Authority Ronella TjinAsjoe a firma un deal cu presidente di Dare to Dream Foundation, Sandra Brown balora na 200 mil dollar. Esey ta duna ATA e derecho pa usa e pelotero profesional di Aruba Xander Bogaerts durante un aña pa metanan promocional di Aruba. Xander mes no tabata presente debi na otro compromiso (e mama a hint cu ta negoshando su deal cu Boston Red Sox pa e proximo temporada), Na comienso di april, e campaña usando e imagen di Xander lo ta riba Mercado internacional.  Mitar di e placa ta bay pa Xander Bogaerts y mitar ta bay pa e fundacion pa nan por sigui cu nan trabou di yuda future deportistanan local hoben. E produccion pa e material di promocion (video, potret y mas), lo cuminsa otro siman mes na Aruba cu Xander Bogaerts, y lo wordo usa internacionalmente riba diferente plataforma.

E DEAL

Contestando pregunta pa NoticiaCla, e hecho cu Bogaerts ta forma parti di organisacion di Major League Baseball, y como tal tin restriccion y obligacionan cu mester tene cuenta cune ora cu ta firma of trata cu un di e hungadornan professional. Den caso di Xander Bogaerts, esaki no tabata un excepcion. Mientras cu a negosha pa basta tempo, a keda cla porfin y cu por usa e imagen di Xander pa e fin promocional. Pero mester a tene cuenta cu un sin fin di rekisito y obligacionan, cumpliendo asina cu rekisito di MLB. Fuera di esey, tin e schedule super ocupa cu Xander mester tene su mes na dje pa su trabou. A traha lunas largo cu Red Sox y MLB, y cu Dare to Dream Foundation, cu for di 2013 ta yudando hobenan prominente crece den e mundo di baseball localmente. 

E SUMA

Mientras cu e suma cu ATA ta inverti den e proyecto aki ta zona hopi, TjinAsjoe a bisa cu e ta un suma relativamente abou, si tene na cuenta cu Bogaerts su balor ta mucho mas grandi cu esey. Pa pone den contexto, su mama Sandra Brown a splica cu pa dos ora di trabou so, pa por saca algun potret pa Instagram via un ‘endorsement’, ta paga Xander e suma di 75.000 dollar. Pues por compronde e ora cu 200.000 dollar pa por tin Xander disponibel, ta un ‘bon prijs’. Di otro banda, no mester kere cu Xander ta mes bon para cu hungadornan di pais bisiña manera Kenley Jansen y e ex pelotero Andruw Jones, pasobra nan ta gana hopi mas placa y ta na e forma cu nan por duna bek den un forma mas grandi. Xander awor a yega e status ey y dentro di algun tempo lo por haci esey. 

  • Seleccion nacional di futbol di Aruba mal pega na Antigua

    Seleccion nacional di futbol di Aruba mal pega na Antigua

    ANTIGUA - Nos seleccion nacional di futbol di Aruba ta mal pega na Antigua/Barbuda unda nan a hunga ayera contra St. Lucia. Asina portal popular di noticia di deporte 297sports ta raporta. Mirando e tipo di avion Boeing 737 8 Max cu nan lo mester a bula cune ta geground, no lo tin biahe. Esaki ta e tipo di avion cu ta bula e ruta Miami - Antigua. Tipo di avion Boeing 737 8 Max ta bou investigacion pa fayo desde dos accidente tragico di cual uno ta recien. Un situacion super fastioso mirando cu for di 3:30 di mainta nos hungadornan ta na airport y sin solucion.

  • Seleccion U17 di futbol di Aruba ta logra di dos victoria na Merca

    Seleccion U17 di futbol di Aruba ta logra di dos victoria na Merca

    BRADENTON, FL  - Despues di e vence Bahamas 3 - 0 den e prome wega, Aruba mester a hunga nan di dos partido contra di Saint Marten(Fr) den e clasificacion Concacaf U17 World Cup 2019, na Bradenton Florida.  Mester bisa cu Aruba a inicia na e wega den un forma tremendo unda nos muchanan a sali anota dos gol tempran y bay ariba 2 - 0 pa medio di golnan anota pa Roland y Julian Arends. Pero un error innesecario den e defensa di Aruba a pone Saint Marten corta e ventaha na 2 - 1. 

  • Aruba a titula campeon den Special Olympics World Games 2019

    Aruba a titula campeon den Special Olympics World Games 2019

    ABU DHABI - E ekipo di Aruba ta revancha nan mes di e unico derota cu tabata contra e propio Islandia. Awor Aruba a gana Islandia 1 – 0 y a titula campeon 2019 Special Olympics World Games 2019 Division High. E gol a bini di e Watson Charles esaki na 18 minuut di e prome tempo. Mester bisa Woodeney Jean Baptiste cu a anota 10 gol den 5 wega hunga. Sigur un topscore di e torneo aki y e mihor hungador di e torneo di futbol na Abu Dhabi. Ayera casualmente 297sports a nombra Woodeney como nan Atleta di Siman. Un pabien na henter e ekipo di futbol di Special Olympics Aruba.

  • 297sports y Tele Aruba cu programa "Na Mesa cu Andrew y Seever"

    297sports y Tele Aruba cu programa

    ORANJESTAD - Despues di varios luna di planificacion 297sports conhuntamente cu Tele Aruba ta cla pa lansa nan programa Deportivo nobo Na Mesa cu Andrew y Seever. Den e programa Na Mesa lo combersa cu nos atletanan local como tambe invitadonan special. "Na Mesa" un programa deportivo cu lo trata diferente topico cu sugerencianan valioso na e progreso di nos atleta, dirigente y organisacionnan di deporte. Na banda di esey lo tin storianan impactante como tambe concientisa nos comunidad pa biba un bida saludabel.

  • Kiwanis Club Aruba cla pa su di 10 edicion di torneo annual di golf

    Kiwanis Club Aruba cla pa su di 10 edicion di torneo annual di golf

    ORANJESTAD  - Kiwanis Club of Aruba ta contento di informa cu e preparacionnan ta cla pa e di 10 torneo anual di golf, cual lo tuma lugar diadomingo dia 24 di maart riba e cancha di golf di The Links at The Divi Aruba. E torneo di golf aki ta di 18 “holes” den team di 4 persona cu e formato scramble. E interes ta hopi grandi cu 2 siman prome cu e fecha, e torneo ta “SOLD OUT”. E torneo lo ta parti den 2 grupo; e prome grupo ta cuminsa pa 8’or di mainta y e di dos grupo lo cuminsa 12’or y mey di merdia. Como atraccion special tin un premio pa hole-in-one cu ta un 2019 Ford Edge SEL. Lo tin premio pa e siguiente categorianan: “Best Gross”, “Best Net”, Closest to the pin” y “Longest Drive”. 

  • Ajax ta percura pa victoria aplastante contra Real Madrid !

    Ajax ta percura pa victoria aplastante contra Real Madrid !

    MADRID – E ekipo Hulandes di futbol professional Ajax a gana di e Ganador di Copa Real Madrid cu un score aplastante di 4-1 y asina ta declasifica Real Madrid na Estadio Santiago Bernabéu, e cas di Real Madrid. Cu e victoria aki, nan ta ‘deshaci’ di e derota di 2-1 tres siman pasa na Hulanda mes. Ajax a domina henter partido. 

  • Powered by SETAR