Habitantenan di Parkietenbos atrobe rabia cu asunto di huma

Posted on 01/10/2019 5:20 pm AST | Updated on 01/10/2019 5:20 pm AST

PARKIETENBOS – Diahuebs un biaha mas habitantenan di Parkietenbos a rabia riba e situacion di huma cu a cuminsa den oranan di merdia. E kehonan a cuminsa drenta debi cu e huma tabata Dump ta sigui kima mandando huma contamina y holor malo riba pueblo di Parkietenbos y besindario. Biento a bira y esey a haci e cos pior. E habitantenan ta rabia y ta mustra cu aparentemente no tin maneho awor na dump, of no ta haci caso pa proteha e barrio. Riba e potret por mira con e huma ta bira segun e direccion di e biento bay riba e casnan di e habitantenan. “ E habritantenan a fada cu promesa y palabranan bunita, kimamento y bashamento di sushi ta sigui keto bay” e habitantenan a sigui bisa. 

  • Maneho pa cu admission y detencion di indocumenta na Aruba no a cambia

    Maneho pa cu admission y detencion di indocumenta na Aruba no a cambia

    ORANJESTAD – E maneho di admission y con ta atende cu personanan indocumenta na Aruba no a cambia. Asina tanto prome minister Evelyn Wever y minister di husticia Andin Bikker a confirma pa NoticiaCla diasabra. Esaki en cuadro cu e informacion cu a circula den media na Corsou diasabra mainta cu a detene indocumentanan pero a dicidi di laga nan bay pa falta di espacio y cu no ta detene hende indocumenta mas. Wever a bisa si cu e mes no a haya confirmacion official cu e maneho na Corsou a cambia sino a tende solamente via medionan social kico a pasa. Pa Aruba Bikker a sigura cu cos ta status quo. “ Aki en todo caso manejo no a cambia” e mandatario a sigui bisa. 

  • Segun D.T.I. gran parti di auto na Aruba no ta gekeurd!

    Segun D.T.I. gran parti di auto na Aruba no ta gekeurd!

    ORANJESTAD – Segun Dients Technische Inspectie (DTI), e instancia legal na Aruba encarga cu keurmento di auto, a bisa diabierna cu ‘por bisa cu e gran mayoría di vehiculonan di motor na Aruba no ta gekeurd, e ta inclui e vehiculonan particular y tambe di transporte publico, especialmente V-auto’. Asina nan ta bisa textualmente den un comunicado diabierna atardi, den cuadro di un comunicado pa informa riba e procedura di keur auto na Aruba.

  • CBS ta actualizando database di adres na Aruba pa Censo 2020

    CBS ta actualizando database di adres na Aruba pa Censo 2020

    ORANJESTAD - Den cuadro di e trabounan cu mester tuma lugar pa prepara pa e proximo Censo cu lo tuma lugar na luna di oktober 2020, Oficina Central di Estadistica (CBS) ta actualisando nan base di dato di adresnan na Aruba. E base di dato aki ta contene 46.182 adres, di cual 41.820 ta adresnan di vivienda (incluyendo cas, apartamento, trailer, cuarto y combinacion di vivienda y negoshi).

  • IVA: A recall cierto produccion di remedi pa presion halto pa Aruba

    IVA: A recall cierto produccion di remedi pa presion halto pa Aruba

    ORANJESTAD - Inspectie Volksgezondheid Aruba (IVA) a haya notificacion cu tin un cierto produccion (batch) di e remedi Losartankalium di e fabrica Apotex cu a wordo saca for di mercado na boticanan na Aruba pa motibo di contaminacion cu e producto NMBA. E remedi Losartankalium ta wordo prescribi pa individuonan cu ta sufri di presion halto y cu problemanan di curason. IVA y tur botica ta pidi pashentnan pa controla nan remedi y pa trece e remedi bek pa nan botica si e ta cay bou di e batch contamina.

  • Dienst Huur- en Consumentenzaken ta alerta consumido riba movecion observa na Aruba

    Dienst Huur- en Consumentenzaken ta alerta  consumido riba  movecion observa na Aruba

    ORANJESTAD -  Dienst Huur- en Consumentenzaken (DHC) diahuebs a alerta tur consumido di un compania cu ta brinda servicio den e area consultorio y servicio financiero cu posiblemente ta mal informa consumidonan tocante e obhetivo di e compania. E compania aki ta actuando como specialista den seguro of profesional den ley mientras cu nan no ta autorisa pa duna servicio ariba e tereno aki. Nan lo ta acerca victimanan di accidente di un vehiculo di motor na momento cu esaki ta confundi, agita of posibelmente herida y ta trata di obtene informacion priva di e victima, cu e meta pa asegura representacion y cobra compensacion pa e servicio aki na e compania di seguro.

  • DIMP: Ta pidi automobolistanan controla nan plachi di number

    DIMP: Ta pidi automobolistanan controla nan plachi di number

    ORANJESTAD – Manera conoci Departamento di Impuesto a otorga mayoria di e plachinan di number di an?a 2019 na e contribuyentenan cu a paga e impuesto di nan vehiculo di motor. Ta un periodo sumamente druk den cual a otorga mas di 60.000 plachi. Prome cu otorga e plachinan, esakinan ta wordo controla debidamente. A pesar di e controlnan menciona, por sosode cu un contribuyente a ricibi un plachi di number cu no ta di dje. Den e caso aki, Departamento di Impuesto ta pidi tur contribuyente automobilista pa controla e plachinan di number y verifica si e number ta corecto. Si acaso e number no ta pertenece na bo, ta pidi pa e entrega e plachinan bek na Departamento di Impuesto pa asina percura pa e contribuyente ricibi e plachinan cu su number corecto.

  • BCD1
  • Powered by SETAR