World Bank a yuda Aruba a evalua varios aspecto di riesgo financiero nacional

Posted on 10/10/2018 4:36 pm AST | Updated on 10/10/2018 4:38 pm AST

ORANJESTAD - Staf di e unidad di “Financial Market Integrity” cu ta forma parti di World Bank ta na Aruba  pa asisti Gobierno di Aruba den evaluacion die riesgonan nacional asocia cu labamento di placa y financiamento di terorismo. Pa ehecucion y coordinacion di e evaluacion aki a establece un grupo di trabou precidi pa señora Kiki van der Werf di Banco Central di Aruba.

E evaluacion tin como proposito identifica e riesgonan primario di labamento di placa y di financiamento di terorismo na Aruba. Lo ehecuta un analisis completo cu lo facilita diseño di un strategia adecua y mitiga accionnan. Esaki lo yuda aloca recursonan necesario pa un combatimento contra labamento di placa y financiamento di terorismo mas efectivo y eficiente, mientras cu lo cumpli cu e standardnan internacional estableci pa, entre otro, e Financial Action Task Force (FATF).

Gobierno di Aruba ta organisa, lidera y realisa e proceso di evaluacion di riesgo tumando e instrumento di auto-evaluacion di e World Bank. Durante e bishita aki, staf asigna di World Bank lo asisti Aruba den compronde e metodologia di auto-evaluacion y uzo di e instrumento aki. Di e manera aki, Aruba lo por genera e capacidad pa por evalua e riesgonan aki den futuro sin of cu ayudo minimo di agencianan/institutonan di exterior. E metodologia di auto-evaluacion ta encera colaboracion estrecho entre diferente agencianan gubernamental y representantenan di e sector privay publico. Desde 2010, World Bank a sostene ocho pais den nan proceso di auto-evaluacion igual na esun cu e lo asisti Aruba den e proximo dianan.

 

 

 

  • Ruiz: Gobierno di Aruba cu reunion positivo cu ehecutivonan di CAFT

    Ruiz: Gobierno di Aruba cu reunion positivo cu ehecutivonan di CAFT

    ORANJESTAD – Diabierna mainta minister di Finansa Xiomara Ruiz hunto cu Conseho di Minister tabata tin un reunion cu e Colegio di Supervision Financiero, CAFT den su constelacion nobo.  Pa medio di un comunicado dialuna, gobierno a informa di e contenido di e reunion segun gobierno. Segun e comunicado, na promer lugar a yama  bonbini na Sra. mr. Helen van der Wal como miembro pa Aruba y a sera conoci cu Sr. Henk Kamp como miembro nobo pa Hulanda. Durante e reunion a trata varios topico, entre nan, e Presupuesto Suppletorio pa 2018 y Presupuesto 2019. Minister Ruiz-Maduro a trece dilanti cu e reto financiero di Aruba ta uno grandi y no ta facil. Esaki ta exigi pensamento y accion continuo di parti gobierno y realidad ta cu nos no por kibra hero cu man y bira drecha di biaha tur locual no ta cana bon pa nos Pais durante e periodo di e gabinete anterior. “Como gobierno nobo y cu un maneho serio, nos tin confiansa cu nos ta logra haya tempo, espacio y cooperacion pa por haci e trabaonan necesaro na bienestar di nos Pais y su generacion” Ruiz a bisa. Pa e motibo aki CAFT di su banda ta reconoce e seriedad di gobierno den e forma di atende finansas publico di nos pais Aruba. Ademas, segun Ruiz, e Colegio di Supervision a duna  recomendacion con pa atende riba diferente tereno.  Ruiz-Maduro ta mira atras riba un bon reunion y e trabaonan ta continua pa pone  finansa publico riba bon pia a termina largo y duradero cual ta brinda e confiansa di institucionnan pa nos gana credibilidad financiero bek di nos pais.

  • BCA: Sentimento di e consumidor ta stabilden di tres trimester 2018

    BCA: Sentimento di e consumidor ta stabilden di tres trimester 2018

    ORANJESTAD - Sentimento di e consumidor a permanece stabil den e di tres trimester di 2018. E Indice Confiansa di Consumidor a subi marginalmente na 94,2, un aumento di 0,4 punto di indice compara cu e periodo anterior, segun e ultimo resultadonan di e Encuesta di Confiansa di Consumidor (CCS) di Banco Central di Aruba    . 

  • Corendon Dutch Airlines ta cuminsa bula pa Aruba for di Corsou

    Corendon Dutch Airlines ta cuminsa bula pa Aruba for di Corsou

    SCHIPHOL - Corendon Dutch Airlines lo staciona un avion tipo Boeing  737-800 na Corsou. Cu e avion aki lo bula desde medio December pa entre otro Aruba, creando un competencia serio pa InselAir. Fuera di Aruba, lo bula tambe pa St Maarten y Sao Paolo, Brazil. Nan mes lo no bende pasashi sino lo haci e buelonan riba peticion di Divi Divi Air. Asina e portal luchtvaartnieuws.nl ta raporta. E compania Hulandes/Turco tin varios propiedad hotelero na Corsou y a caba mustra interes pa cumpra e hotel Veneto y ta kedando cla cu esey. 

  • Seguridad di CMB a sigura ATM na Boulevard y pone den lockdown

    Seguridad di CMB a sigura ATM na Boulevard y pone den lockdown

    ORANJESTAD – Seguridad di CMB a sigura nan ATM na Boulevard y pone den lockdown den fin di siman. E noticia di skimming di un ATM di e instituto financiero Caribbean Mercantile Bank den fin di siman tin tur atencion di e banco. Asina e banco a informa diadomingo pa medio di un comunicado. Segun e banco, durante dia ayera nan seguridad a haya notificacion electronico for di e ATM na Boulevard cu un “skimming device” a wordo detecta na e machine.

  • CAFT: Preocupacion riba presupuesto di Aruba no a disminui

    CAFT: Preocupacion riba presupuesto di Aruba no a disminui

    ORANJESTAD– E preocupacion riba e presupuesto di Aruba no a disminui. E debe di pais Aruba a casi yega 90% di e Producto Interno Bruto (PIB) di e isla. Asina president di e colegio di supervision financiero CAFT, Raymond Gradus a bisa durante un conferencia diabierna atardi. Despues di a bishita e otro islanan den Caribe Hulandes, Aruba tabata na turno diabierna. Na e occasion aki a presenta e miembro di nobo pa Aruba, ex secretaria di Raad van Advies Helen vd Wal, y pa Hulanda ex minister Henk Kamp. 

  • LaSorte: AHATA preocupa si tin empleo pa miles di camber extra

    LaSorte: AHATA preocupa si tin empleo pa miles di camber extra

    ORANJESTAD – Loke cu AHATA ta preocupa di dje ora cu toca e tema di moratorium, y e aspecto di tin miles di camber extra, ta cu lo no tin (suficiente) empleo. Asina CEO di AHATA, Tisa LaSorte a bisa NoticiaCla recientemente den un entrevista. E tema ta esun di momento di ‘moratorium’, unda cu un partido tin un campaña pa ehecuta e moratorium, mientras cu di otro banda, gobierno a sigura cu pa otro aña esaki lo keda concretisa pa medio di un ley. Di otro banda, tin un cantidad di camber comprometi, cu tin cu bin. Y aki ta unda cu AHATA su CEO ta preocupa pa e efecto particular di empleo. Recientemente den un comunicado, nan a mustra cu nan ta pro un moratorium. 

  • Powered by SETAR