World Bank a yuda Aruba a evalua varios aspecto di riesgo financiero nacional

Posted on 10/10/2018 4:36 pm AST | Updated on 10/10/2018 4:38 pm AST

ORANJESTAD - Staf di e unidad di “Financial Market Integrity” cu ta forma parti di World Bank ta na Aruba  pa asisti Gobierno di Aruba den evaluacion die riesgonan nacional asocia cu labamento di placa y financiamento di terorismo. Pa ehecucion y coordinacion di e evaluacion aki a establece un grupo di trabou precidi pa señora Kiki van der Werf di Banco Central di Aruba.

E evaluacion tin como proposito identifica e riesgonan primario di labamento di placa y di financiamento di terorismo na Aruba. Lo ehecuta un analisis completo cu lo facilita diseño di un strategia adecua y mitiga accionnan. Esaki lo yuda aloca recursonan necesario pa un combatimento contra labamento di placa y financiamento di terorismo mas efectivo y eficiente, mientras cu lo cumpli cu e standardnan internacional estableci pa, entre otro, e Financial Action Task Force (FATF).

Gobierno di Aruba ta organisa, lidera y realisa e proceso di evaluacion di riesgo tumando e instrumento di auto-evaluacion di e World Bank. Durante e bishita aki, staf asigna di World Bank lo asisti Aruba den compronde e metodologia di auto-evaluacion y uzo di e instrumento aki. Di e manera aki, Aruba lo por genera e capacidad pa por evalua e riesgonan aki den futuro sin of cu ayudo minimo di agencianan/institutonan di exterior. E metodologia di auto-evaluacion ta encera colaboracion estrecho entre diferente agencianan gubernamental y representantenan di e sector privay publico. Desde 2010, World Bank a sostene ocho pais den nan proceso di auto-evaluacion igual na esun cu e lo asisti Aruba den e proximo dianan.

 

 

 

  • Botter 'Edicion limita' di e Grand Old Parr Glow in the dark....

    Botter 'Edicion limita' di e Grand Old Parr Glow in the dark....
  • CMB a match suma recauda pa evento Crossing for Hope pa KWF

    CMB a match suma recauda pa evento Crossing for Hope pa KWF

    ORANJESTAD – Caribbean Mercantile Bank (CMB) diabierna merdia a haci un bunita gesto door di ‘match’ e suma inicial recauda durante e evento grandi “Cross For Hope” ora cu 5 landador di Aruba a cruza laman di Venezuela pa Aruba. E meta tabata pa motiva hende haci donacion pa Koningin  Wilhelmina Fonds. Inicialmente a recauda e suma di 30 mil florin, y CMB a dicidi pa match esaki, entregando un check di e mesun suma na e presidente di KWF Lilian Prince. Ademas a traha un video di mensahe di fin di aña, usando e landadornan di Crossing For Hope, cu un mensahe hopi bunita di union y perseverancia, y a pasa esaki pa prensa den un di e salanan VIP di Cinemas na Renaissance Market Place. E lansamento official di e mensahe lo ta diabierna anochi na television local. 

  • Aruba Airlines a ricibi su avion di mas nobo awe mainta

    Aruba Airlines a ricibi su avion di mas nobo awe mainta

    ORANJESTAD – Awe mainta e aeroliña local Aruba Airlines a ricibi su avion mas nobo, esta e Airbus A320-232, cu matricula P4-AAF y ta carga e nomber di Edecio. Cu esaki e cantidad di avion cu Aruba Airlines tin ta 2 tipo Airbus y un Bombardier CRJ200. Na yegada di e avion, el a ricibi e acostumbrado ‘welcome’ di parti di cuerpo di bombero. Portret cortesia  297 Spotters

  • AHATA: Ocupacion y balor di camber ta normalisando

    AHATA: Ocupacion y balor di camber ta normalisando

    ORANJESTAD - Ocupacion y balor di camber ta normalisando na Aruba. Asina Aruba Hotel & Tourism Association (AHATA) ta raporta pa medio nan comunicado segun nan cifranan di ocupacion y prijs di hotelnan pa luna di November 2018. E porcentahe averahe di ocupacion di hotel (Occupancy Rate) tabata 83.2%, un caida di 2.9 punto compara cu November aña pasa. Di otro banda e balor di camber ta sigui ta mas halto cu aña pasa pero e crecemento ta birando menos. ADR (Average Daily Rate – e prijs averahe pa cada camber bendi) a subi 10% compara cu aña pasa pa yega $231.31. RevPAR (e entrada averahe pa tur camber disponibel) tabata $192.54 na November 2018, un aumento di 6.4% compara cu un aña pasa.

  • Jackpot di “Mega Plus” diabierna 700 mil florin

    Jackpot di “Mega Plus” diabierna 700 mil florin

    ORANJESTAD - E jackpot di Mega Plus, cual bo por gana solamente ora “upgrade” bo ticket di Mini Mega agregando 2 florin, a keda aden diamars ora cu nan a gana e 1 miyon florin di Mini Mega so.  Diabierna e jackpot di Mini Mega ta cuminsa bek na 250 mil florin, mientras hunto cu Mega Plus di 450 mil florin, e jackpot total ta bira e suma di 700 mil florin pa sorteo di diabierna anochi. Pa bo gana e tremendo suma aki ta facil. Kies bo 4 numbernan for di 01 te cu 30 y bo ta kies bo Mega Ball for di 01 te cu 15, si bo no sa cua numbernan pa kies, bo ta puntra bo rebendedo pa un loco y asino bo ta den wega pa bira e feliz ganado(ra) di e jackpot di 700 mil florin cu Mega Plus.

  • DIMP cu servicio di caha nonstop durante luna di december 2018

    DIMP cu servicio di caha nonstop durante luna di december 2018

    ORANJESTAD – Departamento di Impuesto ta participa cu durante luna di december su servicio di caha ta operando nonstop durante dia. Esaki ta valido solamente pa oficina principal na Camacuri, MFA Noord y MFA Paradera. Pues tur cliente cu tin mester di haci pago di impuesto por acudi libremente durante oranan di merdia tambe na un di e oficinanan

  • Powered by SETAR