Gobierno a lansa mobile app pa informa comunidad di su trabou

Posted on 10/10/2018 4:07 pm AST | Updated on 10/10/2018 4:11 pm AST

ORANJESTAD – Gobierno a lansa su mobile app diaranson, cu intencion pa pueblo tin e informacion ‘corecto’, den intento pa ta mas transparente cu informacion. Prome minister Evelyn Wever tabata esun cu a haci e introduccion, y despues a lansa esaki tambe oficialmente. E ta un app manera cualkier otro, cu por wordo gedownload gratis riba sea google play pa Android of pa apple store, pa iphone. Riba e app tin un variacion di posibilidad manera noticia di gobierno, video, radio, evento, facebook y mucho mas. Cada uno tin su forma di informa, y ta depende di e usuario cua aspecto e kier usa. Por download e app AKI pa iphone y pa usuario di android, por download e AKI

  • Minister a prohibi AZV pa apela caso contra baby Lunah

    Minister a prohibi AZV pa apela caso contra baby Lunah

    ORANJESTAD – Gobierno a prohibi AZV pa apela e caso di baby Lunah. Asina minister di Salud, encarga cu AZV Dangui Oduber a bisa durante tratamento di presupuesto 2019 den Parlamento diabierna, contestando pregunta di parlamentario Hendrik Tevreden di MEP. E declaracion ta contradeci loke cu AZV a bisa NoticiaCla na November ainda, esta cu e  tabata preparando pa apela e caso LAR medio 2019. “E caso di baby Lunah ta un caso hopi tristo” Oduber a bisa. Pero e no kier mas sufrimento pa e famia y no kier pa e famia wordo cobra (door di AZV). A sigura Parlamento cu e director nobo tambe a keda notifica di e decision aki.      

  • Wever: Asunto di falta di quorum diabierna anochi no ta big deal

    Wever: Asunto di falta di quorum diabierna anochi no ta big deal

    ORANJESTAD – E loke a sosode diabierna anochi den Parlamento ora cu e reunion pa trata presupuesto 2019 a para den un forma abrupto, ‘no ta un big deal’. Asina e prome mandatario di Aruba Evelyn Wever Croes a bisa NoticiaCla diasabra mainta como su prome reaccion. E reunion a termina rapidamente ora cu fraccion di AVP a bandona e reunion, lagando esaki cu apenas 10 miembro di coalicion, cu pa regla no ta suficiente pa forma un quorum. E regla ta cu mester tin por lo menos 11 miembro. 

  • Tratamento di presupuesto a para abruptamente pa falta di quorum

    Tratamento di presupuesto a para abruptamente pa falta di quorum

    ORANJESTAD – Tratamento di presupuesto 2019 a para abruptamente diabierna anochi, ora cu fraccion di AVP a bandona sala lagando un minoria atras di coalicion. Como tal pa regla, no tabatin quorum mas (suficiente hende pa sigui e reunion) pa cual e presidente di Parlamento a haye oblige di para e reunion. Pa regla e mester yama e reunion dentro di 4 dia di trabou. Fraccion di AVP ta mustra cu nan no ta yuda sostene quorum mas debi na falta di respet di un miembro di coalicion, den e caso aki di partido MEP. E reunion tabata tratando e carteranan di minister Dangui Oduber, y tur cos tabata mustra cu e reunion lo a bay largo pa nan caba cu e carteranan awe diabierna. Pero esaki awor no tabata posibel mas. No ta conoci ki dia e reunion ta sigui awor. 

  • Oduber: Hospital nobo no ta bal e placa cu pueblo tin cu paga p’e

    Oduber: Hospital nobo no ta bal e placa cu pueblo tin cu paga p’e

    ORANJESTAD – E hospital nobo di Aruba no ta bal e placa cu pueblo ta paga pe. Asina minister di Salud Dangui Oduber a bisa durante tratamento di presupuesto 2019 riba e asunto di hospital diabierna. E ta basa su mes riba e gastonan halto cu e proyecto ta costando y cu e no ta bale la pena paga asina hopi pe. E mandatario no tabata nada positivo riba desaroyo di e proyecto aki. ‘Tur loke por a bay robez, a bay robez” Oduber a sigui bisa. A repasa e 110 miyon florin extra cu e hospital ta costando pais Aruba, y algun fayo crucial cu a tuma lugar durante e proceso di construccion. E proyecto segun Oduber, mester ta completa fin di 2020. 

  • Familiar di pensionado biba na e mesun adres awor tambe por haya bijstand

    Familiar di pensionado biba na e mesun adres awor tambe por haya bijstand

    ORANJESTAD – Un Familiar di pensionado biba na e mesun adres awor tambe por haya bijstand. Asina minister di Salud Glenbert Croes a anuncia e siman aki. Antes tabata e caso cu si un yiu mayor di edad cu no por traha of no por haya trabou, y ta biba cu su mayor(nan) cu ta pensiona, of cu welo(nan) cu ta haya penshun, e persona aki lo no por a bin na remarca pa un bijstand. Cu e cambio cu Minister Croes a introduci ayera  12 di december, awo porfin esaki ta bira posibel.

  • Gobierno mester paga Odinsa 1 miyon pa destaho Watty Vos Blvd

    Gobierno mester paga Odinsa 1 miyon pa destaho Watty Vos Blvd

    ORANJESTAD – Gobierno di Aruba mester paga e compania colombiano di construccion Odinsa 1 miyon florin awor. Minister di infrastructura Otmar Oduber a confirma esaki pa NoticiaCla diaranson atardi. E pago ta parti di un contracto cu gobierno anterior lo a firma cu ta duna nan (Odinsa) e derecho di cobra, si nan perde e destaho publico pa e proyecto di Watty Vos Boulevard. E destaho aki a wordo gana pa e compania Mota Engil, y pa esaki, Odinsa mester haya un miyon florin. Placa cu segun Oduber, gobierno no tin aworaki. E cobransa cu Oduber ta referi na dje awor ta un ‘recordatorio’ di un prome carta di cobransa di april di 2017. 

  • los cafeteros
  • Banco Di Caribe
  • Powered by SETAR