Acuerdo confirma pa dispensa cierto grupo e cobransa di Serlimar

Acuerdo confirma pa dispensa cierto grupo e cobransa di Serlimar

Posted on 10/10/2018 3:53 pm AST | Updated on 10/10/2018 4:24 pm AST

ORANJESTAD – Despues cu algun siman pasa sindicato FTA a duna NoticiaCla e primicia di e intencion pa dispensa cierto gruponan den comunidad di Aruba cu cobransa di Serlimar, e siman aki minister encarga cu Serlimar esta Otmar Oduber a confirma pa NoticiaCla cu e deal ta cla y aproba. E mandatario a confirma cu pa tres grupo specifico tin tarifa special, diferente cu esun general di 25 florin cu a acorda algun siman pasa cu lo cobra tur hende entrante 1 di maart 2019. Un di e tres, no ta bay paga nada, y e otronan ta bay averigua cuanto exactamente lo por cobra nan. A compronde cu tur esaki a sosode cu consensus di varios sindicato, fuera di FTA, unda cu tur ta riba e mesun liña pa cu e forma di cobransa aki. 

E GRUPONAN

E mandatario a bisa NoticiaCla cu berdad, manera cu NoticiaCla a raporta, algun siman pasa el a sinta cu president di sindicato FTA Hubert Dirksz y a traha riba un proposicion pa asisti algun grupo den comunidad cu lo por tin problema pa paga pa Serlimar recohe sushi di cas. E tempo ey, Dirksz a bisa NoticiaCla cu e tabata un proposicion cu FTA ta sostene pero cu mester a keda aproba pa gobierno. Esey pues awor ta confirma. Ta trata di e grupo di persona cu ta ricibi solamente AOV tur luna, cu ta basicamente e grupo di pensionado, e grupo di hende cu ta ricibi bijstand/onderstand, y e grupo marginal cu tin dificultad pa paga suma regular. Segun Oduber, pa e grupo cu ta ricibi solamente AOV, nan lo paga solamente 15 florin pa luna. E grupo cu ta ricibi bijstand/onderstand lo tin un nul tariff, osea cu nan no ta paga nada. E grupo otro marginal, lo wak con ta bay cobra nan. Mes momento Oduber a bisa si cu pa loke ta e grupo di AOV, si nan ta biba cu un hende cu si ta gana un salario fin di luna, e regla aki no ta valido y lo cobra e suma ‘normal’ di 25 florin pa luna. 

COBRANSA

Con tin cu cobra esaki, no ta conoci ni confirma ainda segun e mandatario. Sea ta cobra esaki via belastingkantoor, of otro forma, pero esaki tin cu keda cla ainda. Esey lo keda discuti den e proximo simannan, pa despues cuminsa cu un campaña fuerte di concientisacion. 

  • Gobierno y oposicion a reuni den nan seno den weekend riba presupuesto

    Gobierno y oposicion a reuni den nan seno den weekend riba presupuesto

    ORANJESTAD – Tanto di parti di partidonan di gobierno como di oposicion a reuni den nan seno den fin di siman, despues cu e reunion di parlamento pa trata presupuesto 2019 a para abruptamente despues cu no tabatin quorum mas. Diabierna anochi caba AVP a reuni den nan seno pa check e proximo paso. Nan no a comparti kico esaki lo ta. NoticiaCla a compronde cu mientrastanto diasabra partidonan den coalicion tambe a reuni den nan seno. Mientras cu den gangnan ta papia di 'crisis' den coalicion, gobierno ta desmenti esaki categoricamente. Den un reaccion cortico pa NoticiaCla, prome minister Wever a bisa NoticiaCla diadomingo solamente di e reunion di diasabra cu “Ayera tardi nos a reuni riba tur e ministeries cu falta. E reunion a bai bon”. Manera cu e portal aki a raporta caba diasabra, Wever no a considera e asunto di diabierna un ‘big deal’. Diadomingo anochi, un biaha mas el a referi na e situacion. “ Segun mi nada no a pasa diabierna. Avp a bandona reunion y reunion a caba. Ricardo (Croes) tabata passionate riba cannabis manera semper. Mescos cu begroting pasa” Wever a bisa. 

  • Minister a prohibi AZV pa apela caso contra baby Lunah

    Minister a prohibi AZV pa apela caso contra baby Lunah

    ORANJESTAD – Gobierno a prohibi AZV pa apela e caso di baby Lunah. Asina minister di Salud, encarga cu AZV Dangui Oduber a bisa durante tratamento di presupuesto 2019 den Parlamento diabierna, contestando pregunta di parlamentario Hendrik Tevreden di MEP. E declaracion ta contradeci loke cu AZV a bisa NoticiaCla na November ainda, esta cu e  tabata preparando pa apela e caso LAR medio 2019. “E caso di baby Lunah ta un caso hopi tristo” Oduber a bisa. Pero e no kier mas sufrimento pa e famia y no kier pa e famia wordo cobra (door di AZV). A sigura Parlamento cu e director nobo tambe a keda notifica di e decision aki.      

  • Wever: Asunto di falta di quorum diabierna anochi no ta big deal

    Wever: Asunto di falta di quorum diabierna anochi no ta big deal

    ORANJESTAD – E loke a sosode diabierna anochi den Parlamento ora cu e reunion pa trata presupuesto 2019 a para den un forma abrupto, ‘no ta un big deal’. Asina e prome mandatario di Aruba Evelyn Wever Croes a bisa NoticiaCla diasabra mainta como su prome reaccion. E reunion a termina rapidamente ora cu fraccion di AVP a bandona e reunion, lagando esaki cu apenas 10 miembro di coalicion, cu pa regla no ta suficiente pa forma un quorum. E regla ta cu mester tin por lo menos 11 miembro. 

  • Tratamento di presupuesto a para abruptamente pa falta di quorum

    Tratamento di presupuesto a para abruptamente pa falta di quorum

    ORANJESTAD – Tratamento di presupuesto 2019 a para abruptamente diabierna anochi, ora cu fraccion di AVP a bandona sala lagando un minoria atras di coalicion. Como tal pa regla, no tabatin quorum mas (suficiente hende pa sigui e reunion) pa cual e presidente di Parlamento a haye oblige di para e reunion. Pa regla e mester yama e reunion dentro di 4 dia di trabou. Fraccion di AVP ta mustra cu nan no ta yuda sostene quorum mas debi na falta di respet di un miembro di coalicion, den e caso aki di partido MEP. E reunion tabata tratando e carteranan di minister Dangui Oduber, y tur cos tabata mustra cu e reunion lo a bay largo pa nan caba cu e carteranan awe diabierna. Pero esaki awor no tabata posibel mas. No ta conoci ki dia e reunion ta sigui awor. 

  • Oduber: Hospital nobo no ta bal e placa cu pueblo tin cu paga p’e

    Oduber: Hospital nobo no ta bal e placa cu pueblo tin cu paga p’e

    ORANJESTAD – E hospital nobo di Aruba no ta bal e placa cu pueblo ta paga pe. Asina minister di Salud Dangui Oduber a bisa durante tratamento di presupuesto 2019 riba e asunto di hospital diabierna. E ta basa su mes riba e gastonan halto cu e proyecto ta costando y cu e no ta bale la pena paga asina hopi pe. E mandatario no tabata nada positivo riba desaroyo di e proyecto aki. ‘Tur loke por a bay robez, a bay robez” Oduber a sigui bisa. A repasa e 110 miyon florin extra cu e hospital ta costando pais Aruba, y algun fayo crucial cu a tuma lugar durante e proceso di construccion. E proyecto segun Oduber, mester ta completa fin di 2020. 

  • Familiar di pensionado biba na e mesun adres awor tambe por haya bijstand

    Familiar di pensionado biba na e mesun adres awor tambe por haya bijstand

    ORANJESTAD – Un Familiar di pensionado biba na e mesun adres awor tambe por haya bijstand. Asina minister di Salud Glenbert Croes a anuncia e siman aki. Antes tabata e caso cu si un yiu mayor di edad cu no por traha of no por haya trabou, y ta biba cu su mayor(nan) cu ta pensiona, of cu welo(nan) cu ta haya penshun, e persona aki lo no por a bin na remarca pa un bijstand. Cu e cambio cu Minister Croes a introduci ayera  12 di december, awo porfin esaki ta bira posibel.

  • los cafeteros
  • casino crystal.2
  • Powered by SETAR