Kiwanis Club Aruba y Cruz Cora cu session ‘No Sconde Mas’ na Playa

Posted on 10/10/2018 10:52 am AST | Updated on 10/10/2018 10:53 am AST

ORANJESTAD- Kiwanis Club of Aruba y Cruz Cora Aruba ta invita un y tur pa su proximo sesion informativo di e campaña “No Sconde Mas” cu den e ultimo lunanan a bishita San Nicolas, Brazil y Noord. E anochi ta un oportunidad pa siña for di profesionalnan riba  e tema di abuso di mucha y conoce e señalnan con pa reconoce esaki y ki pasonan pa tuma. E panel aki ta consisti di Dr. Louise Rafael-Croes, Sra. Janine Rodriguez y Comisario Trudy Hassell. Cada un ta aporta na e topico for di un angulo diferente, esta como dokter di mucha, trahador social y polis.  Tur ta experiencia abuso di mucha diariamente. Hunto como team nan ta presenta “Con pa reconoce señalnan di abuso y kico pa haci?”

Fechanan di di charla pa oktober:

16 di oktober         Centro di Bario Playa Pabou

30 di oktober         Piedra Plat Entertainment Center

 

Ban sostene hunto tur esunnan cu ta vulnerabel den nos comunidad y cu no tin voz of sosten optimal. Atende un charla, pa hunto nos yuda!

  • Warda costa a intercepta boto cu 4 Colombiano y basta kilo di droga

    Warda costa a intercepta boto cu 4 Colombiano y basta kilo di droga

    ORANJESTAD - Ayera nochi den oranan di marduga, pa 1 or di mainta Warda Costa a intercepta un boto despues di a detecta esaki den e awanan territorial di Aruba. A bai hasi un control riba e barcu pero esaki a purba di huí. A logra para e boto despues di  usa diferente táctica. Abordo ta tin 4 persona di nacionalidat Colombiano. A discubrí bastante kilo di droga. Cantidat i sorto di droga no ta conosí ahinda. A bin un bon cooperashon entre Kustsurveillance, KPA, Unit Georganiseerde Criminaliteit i Ministerio Publiko. KPA ta sigi cu e investigacion.

  • Miembro nobo di CAFT ta sigura di funciona independiente di gobierno

    Miembro nobo di CAFT ta sigura di funciona independiente di gobierno

    ORANJESTAD – “Mi ta sigura di un bon reputacion na Raad van Advies, unda cu aki tambe mi tabata den servicio di gobierno di Aruba. Eynan mi a traha pa interes di Aruba. Esaki mientras cu esaki no semper tabata di acuerdo cu e gabinete na mando”Asina miembro nobo pa Aruba di e colegio di supervision financiero CAFT Helen van der Wal a sigura NoticiaCla diabierna. Aki el a sigura e portal aki cu e ta independiente unda cu e traha, y ademas a admiti tambe cu interes di gobierno anterior no semper tabata na interes di pais Aruba. 

  • Cantidad di ilegal deteni diasabra a bira 7 y curpa di dos haya morto, ta identifica

    Cantidad di ilegal deteni diasabra a bira 7 y curpa di dos haya morto, ta identifica

    ORANJESTAD – E curpa di e dos personanan ilegal cu autoridad a localisa diasabra mainta na Santana di Cacho, a keda identifica. Asina NoticiaCla a confirma pa su fuentenan dialuna. Un di nan a spula yega tera, y e otro tabata drief ainda den awa. Ambos diasabra no tabatin ningun tipo di identificacion riba nan. Pero ya caba nan a keda identifica. Ademas NoticiaCla a confirma cu na tur, te cu awor, autoridad a logra gara y detene 7 persona, cu ta 4 mas cu inicialmente polis a raporta diasabra. E investigacion mientrastanto ta continua riba e caso lamentable di diasabra marduga/mainta. 

  • Presidente di Camara di Comercio Ernst Mohamed a entrega su retiro

    Presidente di Camara di Comercio Ernst Mohamed a entrega su retiro

    ORANJESTAD – Den un anuncio di sorpresa pa hopi hende, conocido comerciante Ernst Mohamed a anuncia su retiro como president di Camara di Comercio. Motibonan cu el a duna durante un evento social na KVK diabierna atardi laat, tabata personal. Mas specifico, cu e mester su tempo completo pa lanta un negoshi nobo proximamente. A gradici miembronan di su famia y di board pa e sosten cu el a haya. No a bisa ken ta reemplaza Mohamed, pero mas sigur lo ta e directiva y e vice presidente. 

  • Hospital no ta reconoce mayoria ponencia di oncologo dr Jonkhoff

    Hospital no ta reconoce mayoria ponencia di oncologo dr Jonkhoff

    ORANJESTAD - Hospital dr Horacio E. Oduber hospital no ta reconoce mayoria ponencia di dr Roel Jonkhoff, y mes momento ta sigura cuido pa tur pashent di oncologia. Asina e hospital ta bisa den un comunicado diabierna atardi. Segun e comunicado, Dr. Horacio E. Oduber Hospital a tuma nota di e ponencianan duna ultimo dianan di dr. Jonkhoff den medionan di comunicacion encuanto e cuido oncologico na Aruba.  

  • Hunta Elmar: Maneho di ex director tabatin efecto negativo pa e compania

    Hunta Elmar: Maneho di ex director tabatin efecto negativo pa e compania

    ORANJESTAD – ‘Te cu awor tin indicacion serio cu e maneho di (ex director Robert) Henriquez tabatin efectonan hopi negativo pa NV Elmar y tabata principal causante di e problemanan laboral den Elmar’. Asina Hunta di Comisario di e compania di utilidad a bisa den un comunicado. Mientras cu a yega na un acuerdo cu e ex director di  , e hunta di comisario, a sigura cu e investigacion ta sigui. E investigacion cu a cuminsa riba Henriquez su forma di traha, debi cu tabatin ‘varios keho riba su persona y/of maneho, como tambe pa motibo di inquietud laboral cu tabatin’, y ta enfatisa cu esaki tabata pa añas caba. 

  • bigger bingo halloween
  • Powered by SETAR