DEN HAAG – “ Hunto cu gobiernonan di Corsou y Aruba, Hulanda ta trahando riba mehoracionan concreto ”. Asina Su Mahestad Rey Willem Alexander a dedica na Aruba y Corsou den su discurso annual na apertura di Aña Parlamentario Hulandes. Un total di 71 seconde, 141 palabra ta loke el a dedica na Caribe Hulandes den su discurso. Pa loke ta Aruba, a specifica e ayudo den ‘Sostene e mehoracion di ayudo pa hubentud”, mientras cu pa Corsou, kier motiva companianan Hulandes pa inverti na Corsou.
OTRO ISLANAN
A cuminsa su parti di Caribe Hulandes, cu e reconstruccion di Isla Riba despues di dos horcan destructivo na 2017. A papia di e 600 miyon euro poni disponibel pa esaki. Ademas a papia di e trabou di Warda nos Costa y con su tarea ta pa entre otro maneha e coriente di migracion (di Venezuela p.e.) y mantencion di orden public. Pa islanan BES a menciona cu lo tuma pasonan concreto pa bringa pobresa, y lo baha e peso di e trahado, cu 5% pa asina e salario minimo por aumenta cu 5 miyon. Ademas a dedica 30 miyon euro disponibel pa combati pobresa, infrastructura y desaroyo economico. Lesa e discurso completo AKI.
ORANJESTAD/WILLEMSTAD – Pa fortifica e poder di gobernacion riba e islanan di Reino Hulandes den Caribe, Universidad di Utrecht y de Haagse Hogeschool ta cbay ofrece un estudio parcial di ‘bestuurskunde’ hunto cu universidadnan di Aruba y Corsou. Asina e portal utoday di Hulanda ta raporta. E gabinete ta preocupa cu e gobierno di Corsou, segun secretario di estado Hulandes Van Huffelen. E ta plan tambe cu e minister Hulandes di Enseñansa Dijkgraaf a trata recientemente durante su bishita na Aruba y Corsou.
AMSTERDAM – Rey Willem-Alexander no tin planea pa wak e serie riba su casa, Maxima. Asina e la declara e siman aki, na e portal Shownieuws. E no kier irita su mes riba e partinan ‘incorecto’ di e serie. “Mi a tende cu e ta un serie bunita, bon hinca den otro, pero mi ta bay irita mi mes na e cosnan cu ta incorecto (den e serie)” e Rey a bisa. E serie, titula Maxima, ta riba television Hulandes, desde diasabra. Maxima ta trata e bida di e Reina, te cu su compromise cu Willem-Alexander. Den e serie tin tambe un escena intimo cu e dosnan. E serie a kibra hopi record di television. Maxima mes a laga sa cu ainda e no tabatin tempo pa wak e serie dramatico.
SCHIPHOL -Durante e vacantie di mei proximo (otro luna) aeropuerto di Schiphol ta cuminsa usa scanner di seguridad nobo cu mester agilisa e trafico di persona na e aeropuerto. Schiphol a reemplasa tur e scannernan cu cual pasahero ta keda controla, cambia pa ehemplarnan mas liher. E ehemplarnan nobo tin mester di menos di 3 seconde pa wak si un biahero tin artefactonan prohibi den nan posesion. Tambe door di e tecnologia nobo, tin necesidad di menos listramento. E aeropuerto ta pronostica 10% mas biahero cu aña pasa y ta premira cu nan tin cu procesa minimal 70 mil pasahero diario. Esaki ta cantidadnan mes halto cu den vacantie di zomer. Aunke cu tin e scannernan nobo, no ta nifica necesariamente cu e filanan ta bira mas chikito.
DEN HAAG - Un areglo di supsidio pa inisiativa sosial ku ta fásilmente aksesibel. Kambio di nòmber grátis pa desendiente di katibu bibá na Hulanda Oropeo i Hulanda Karibense. Mas atenshon na prevenshon di diskriminashon i rasismo. Invershon den herensia kultural. I amplia konosementu di e manera ku pasado di sklabitut tin afekto te ku awor. Esaki ta algun di e pasonan konkreto ku gabinete hulandes a tuma despues di e diskulpa di Gobièrnu pa e pasado di sklabitut. E manera ku ta yena e asina yamá ‘espasio tras di e kòma’ ta un proseso kouteloso ku embolbimentu aktivo di desendientenan. Esaki ta pará den e karta di progreso tokante e programa di pasado di sklabitut ku gabinete hulandes a manda awe pa e parlamento.
AMSTERDAM – E instancia similar na DVG na Aruba, pero na Hulanda esta RIVM a instala un Outbreak Management Team (OMT) nobo, manera tempo di Covid, pero e biaha aki pa sarampi (mazelen). OMT ta bisa si cu e situacion no ta agudo, pero si ta conseha e minister di saloud pa tuma medidanan extra. Te awor tin 64 caso di sarampi registra cerca RIVM. E la cuminsa cu un kluster na trahadornan migrante na Limburg. Pero awor ta mustra cu mayoria di casonan di sarampi ta den region di Eindhoven.
AMSTERDAM – Un grupo di accion ‘Extinction Rebellion (XR)’ kier causa ‘problema’ diasabra dia di Rey na Amsterdam Hulanda, door di blokea un ader principal di e ciudad gandi aki, esta e A10, un biaha mas. E grupo di protesta aki kier pidi Rey Willem-Alexander pa papia contra e financiamento di e industria fosil. E intencion ta pa blokea a caminda for di 12’or di merdia na e ringweg na altura di e ex oficina principal di ING. E grupo kier pa e instituto aki stop di financia e industria di fosil. Si e Rey papia contra e intento di financiamento aki, e grupo lo stop nan accion.