Jovencito Arubiano ta fayece despues di cay di edificio na Merca

Posted on 09/13/2018 10:20 pm AST | Updated on 09/13/2018 10:21 pm AST

AVENTURA –E hoben Arubiano Justin Fernandes (9) a fayece diahuebs atardi despues di a cay (segun version policial Mericano) di e di 12 piso di e Echo Luxury Condominium na Aventura, Florida. E tabata di vacacion cu su ruman y tata Oldric y su mama, ora cu e accidente a tuma lugar. Informacion cu NoticiaCla a compronde cu tin ta bisa cu su tata a splica cu Justin kier a bay bula riba un lona blauw, for di e top di e edificio, keriendo cu e ta un cusinchi grandi. Lamentablemente e caida a resulta fatal pa e hobencito. Informacion cu NoticiaCla a logra compila ta bisa cu polis di Aventura.

POLIS

Segun e canal di television popular di Miami WPLG, un di e polisnan asigna na e scol elementario dilanti di e edificio a core bin algun minuut despues y a cuminsa aplica prome auxilio den forma di CPR riba e hobencito, mientras cu otro polisnan tambe tabata yegando acerca. Asina vocero di e departamento di polis di Aventura, Chris Goranitis a bisa. Segun polis, Justin a fayece na caminda pa Aventura Hospital & Medical Center. 

CARTING

Justin tabata hopi conoci den mundo di gocarting y a representa Aruba varios biaha den exterior. E tabata forma parti di Team Paesch na Aruba. Asina cu e noticia di su morto a plama, mensahe di condolencia a cuminsa drenta tur riba rednan social, y ta momentonan hopi conmovedor. NoticiaCla ta manda palabra di profundo condolencia pa famianan di Justin. Cu Justin sosega na paz. Potret ta di facebook. 

 

  • Boris Johnson ta bira e proximo prome minister Britanico

     Boris Johnson ta bira e proximo prome minister Britanico

    LONDON - Boris Johnson a keda eligi como e lider nobo di e partido conservativo y lo bira e proximo prome minister di Gran Britania. El a keda eligi diamars cu 92.153 voto contra su rival Jeremy Hunt cu a haya 46.656 voto.

  • Prome minister Hulandes Rutte a topa presidente Donald Trump

    Prome minister Hulandes Rutte a topa presidente Donald Trump

    WASHINGTON – Manera anticipa, awe mainta premier Hulandes Mark Rutte tabata di bishita cerca presidente di Merca Donald Trump. Durante e conferencia di prensa, a contesta pregunta riba asuntonan interno, unda cu Trump a elogia e lasonan economico tremendo cu Hulanda y cu ‘ultimo añanan y e Rutte a bira amigo.” Nos relacion nunca tabata asina bon” Trump a bisa. Lamentablemente Rutte no tabatin un momento grandi, ya cu a desvia hopi pregunta y a toca temanan netamente Mericano cu ta andando aworaki. Rutte a papia si di ta content cu e bishita y cu e tabata uno positivo. E bishita di Rutte ta parti di e mission economico Hulandes e dianan aki.   

  • Huez Mericano a aproba demanda miyonario contra InselAir Aruba

    Huez Mericano a aproba demanda miyonario contra InselAir Aruba

    MIAMI – Un huez di districto di Florida (Kathleen M. Williams)  diamars (16 di july 2019) a certifica un demanda pa un caso miyonario (5 miyon dollar) contra e compania bancarota Insel Air Aruba NV. Esaki pasobra e compania durante e periodo cu e tabata opera (buelo entre Miami y Aruba) lo tabata forza pasaheronan pa paga e suma di 80 dollar prome cu nan aborda e buelo na Miami antes. E persona cu a inicia e caso, Hector Saade, tabata indica cu e aeroliña tabata yama e impuesto ey un ‘exit tax’ sin haci mencion di dje riba e contracto (pasashi). El a haya su mes ta paga e suma na 2017 pa su buelo pa Venezuela y Aruba pasobra a bisele cu si e no paga, e no por a aborda. Insel Air Aruba e tempo ey e faya di reacciona riba e keho, y a pidi bancarota na juni di 2017. 

  • Joaquin ‘ El Chapo’ Guzman sentencia na bida largo den prison

    Joaquin ‘ El Chapo’ Guzman sentencia na bida largo den prison

    NEW YORK (AP) — E capo di droga Joaquin ‘El Chapo’ Guzman a keda sentencia na bida largo den prison na Merca diaranson. Un huez federal na Brooklyn a presenta e sentencia. Tabata na Februari ultimo cu Guzman a wordo haya culpable den un caso historico di traficacion di droga. E capo di 62 aña a keda transporta anteriormente pa Merca  pa para pa su cargonan, despues cu na dos occasion el a logra huy di prison Mexicano.  

  • A rechasa libertad bao di fianza pa cantante R.Kelly

    A rechasa libertad bao di fianza pa cantante R.Kelly

    CHICAGO – E artista cantante Robert Sylvester Kelly , miho conoci como R. Kelly, ta keda deteni. E ta cera pa 5 dia caba, riba cargo di multiple crimen sexual, den diferente acusacion deferral na New York y Illinois. Pa awor, e lo keda deteni ya cu huez a prohibi su libertad condicional baho fianza. Cargonan contra dje ta entre otro riba pornografia di mucha, traficashon di sexo, crimen organiza, cruza frontera pa tene sexo cu muhernan menor di edad, y obstruccion di husticia. A cataloga Kelly como un risico serio di huy, y un menasa serio pa comunidad, specialmente muhernan menor di edad. “Con e por huy. E no tin placa”, su abogado Steven Greenberg a bisa. “No tin prueba cu e ta un risico pa menornan, na e momento aki”. Ademas a mustra cu contrario na su cancion popular ‘I Believe I can Fly’, e no gusta bula. 

  • Polis a gara homber na Barcelona cu droga scondi den ‘peluca’

    Polis a gara homber na Barcelona cu droga scondi den ‘peluca’

    BARCELONA – Polis Spaño a confirma diamars cu luna pasa nan a detene un homber Colombiano na Barcelona cu a purba pasa mitar kilo di cocaine den su ‘peluca’. E polisnan a yama e incidente uno ‘absurdo’. E homber di 65 aña, segun e portal Nu.nl a mara e pakico cu cocaine riba su cabez, y a bisti un tipo di peluca (toupee). Riba dje el a bisti un sombre. Pero polisnan no a cay pa e triki aki y a gara e homber tambe pasobra el a actua hopi nervioso. Potret Nu.nl

  • Powered by SETAR