Diasabra awor ta cera rotonde di Tanki Flip pa raspa y asfalta

Diasabra awor ta cera rotonde di Tanki Flip pa raspa y asfalta

Posted on 09/13/2018 6:10 pm AST | Updated on 09/13/2018 6:11 pm AST

ORANJESTAD  - Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda Caya Ernesto Petronia/Tanki Flip/Shaba cu diasabra dia 15 september 2018 for di 8’or di mainta pa 4'or di atardi lo bay cera e rotonde di Tanki Flip pa midi y freez (raspa).

Diamars dia 18 di september 2018 y diaranson 19 di september 2018 for di 2’or di atardi pa 7'or di anochi lo cera e rotonde menciona pa asina por asfalta.

E desviacionnan di caminda ta lo siguiente:

?         Trafico for di Oranjestad ta bira na man robes, Ponton 77 # (dilanti Wema) sali na Tanki Leendert 202 (Misa) sigui pa Tanki Flip 64d pa sali riba e caminda di Tanki Flip/Shaba bek.

?         Trafico for di Noord lo desvia na Do It Center sigui te Bubali 20d pa rotonde di Hato, te Pitastraat 101e sigui te Ponton 67b pa sali riba caminda di Caya Ernesto Petronia bek.

 Habitante y clientenan cu mester acceso pa nan cas y negoshi, lo laga e caminda habri pa asina nan por yega na nan destinacion. En conexion cu e trabounan menciona Departamento di Obra Publico ta haci un peticion na tur automobilista pa no haci uzo di e camindanan menciona y ta pidi pa tene cuenta cu e inconveniencianan cu lo por surgi.                      

  • Analisis: Aumenta castigo realmente ta soluciona e problema?

    Analisis: Aumenta castigo realmente ta soluciona e problema?

    Recientemente gabinete Wever Croes a anuncia cu awor a aproba ‘castigo drastico pa esunan cu comete crimen di abuso di menor’.  Pero ora a bay wak kico e aumento aki ta, a nota cu no ta nada ‘drastico’ sino mas bien a añadi 4 aña na varios di e castigonan existente caba. Por ehempel, castigo di 12 aña a bira 16, y di dos aña a bira 6 aña of di 4 pa 8. Pues a dobel e sentencia of cierto caso triplifica. Asina mes no por realmente considera esaki como ‘drastico’, si compara p.e. paisnan manera Colombia cu si a haci cambionan drastico pa tipo di delitonan asina. Cu e gabinete ta haci e intento aki ta di aplaudi, pero e pregunta ta si realmente e castigonan ‘nobo’ aki ta bay yuda. Loke cu e anuncio aki por yuda cune, ta cu e por tin un efecto di spanto pa esnan cu tin pensa di comete e acto aki.  Es decir cu hende ta tahá. Y cu e aumento mester ta un señal na hueznan cu ora yega na e prueba necesario, pueblo kier mira castigonan mas halto cu ta wordo duna awor (den e tiki caso nan cu logra haya hende culpabel). Esey si e aumento ki por yuda na dje. Pero esey ta pone nos na e punto cu nos kier men. E problema real cu ta ‘falta di prueba’ cu por duna huez e ‘autorisacion’ pa usa e castigo ‘aumenta aki’.  

  • Contract entre Serlimar y EcoGas ta clarifica ‘asunto di tipping fee’

    Contract entre Serlimar y EcoGas ta clarifica ‘asunto di tipping fee’

    ORANJESTAD – Mientras cu tin un bay bin entre e compania priva EcoGas y gobierno di Aruba (lesa: Minister Otmar Oduber) riba e asunto di tipping fee (suma pa cobra pa recohe sushi) unda cu e uno ta acusa e otro di informacion eroneo, NoticiaCla.com a pone su man riba e contract cera entre Serlimar (gobierno ta unico accionista) y EcoGas riba 1 di juni 2018, den cual den un articulo specifico, ta stipula cu EcoGas ta obliga pa cobra tur compania cu ta duna servicio di recohe sushi, pa cobra e suma en cuestion, esta di 180 florin. Pues segun e contract di 10 pagina, EcoGas no a ‘malinforma’ pueblo manera cu e mandatario ta bisa. Pa e proposito di e asunto di tipping fee, e portal aki ta publica e articulo # 9 apart pa clarificacion, pero na final tambe e contract completo. 

  • Veterinario Croes ta clarifica inquietud riba plan nacional pa atende cu Kill Cage/Afmaakhok

    Veterinario Croes ta clarifica inquietud riba plan nacional pa atende cu Kill Cage/Afmaakhok

    ORANJESTAD – Aunke cu recientemente gobierno a anuncia un plan nacional pa resolve e problema di e asina yama ‘kill cage’ of ‘afmaakhok’, ainda a surgi hopi pregunta y inquietud riba e tema. Como tal, veterinario Irene Croes, esun na cabes di e plan nacional, a duna mas informacion riba e tema. Segun Croes, ta un hecho cu na Aruba tin demasiado cacho riba caya. Pero e hecho mes ta, cu na Aruba nos tin demasiado doño iresponsabel cu no ta atende debidamente cu nan mascotanan. Ta papia di e problematica di ‘kill cage’, ta papia di e problematica di e ley di cacho, ta papia di e problematica di cachonan riba caya y e tantisimo cachonan cu auto ta dal, pero hopi hende no ta realisa cu indirectamente nan ta papiando di e problematica di e doño iresponsabel. Pasobra realidad ta, ta e doño iresponsabel ta e problema. 

  • EcoGas ta lamenta alegacion incorecto di Minister Otmar Oduber

    EcoGas ta lamenta alegacion incorecto di Minister Otmar Oduber

    (ADVERTORIAL)

  • HOH: Hospital a tuma accion rapido na momento cu a bati alarma

    HOH: Hospital a tuma accion rapido na momento cu a bati alarma

    ORANJESTAD – Manera ta conoci, diahuebs atardi rond di 4.45pm a bati alarma na Dr. Horacio e. Oduber Hospital paso a constata candela riba dak di e edificio bieu unda trabounan di construccion y renobacion ta tumando luga. Noticiacla.com a raporta esaki tambe. Diabierna, hospital a sigura cu nan a tuma accion liher tambe. Segun e comunicado, mas trempan diahuebs trahadonan a duna di conoce di ta hayando holonan straño y di biaha e “hulpverlenersteam” di Hospital a bay den accion pa mira di unda e holo por ta biniendo. Manera cu a constata e origen di e holo di huma “ploegleider” di e “hulperverlenersteam di Hospital a paga e candela. Na momento cu Brandweer a yega Hospital nan a tuma over pa asina sigura cu e parti critico a pasa y e candela ta completamente paga. 

  • Tips pa biahero durante temporada di vakantie grandi

    Tips pa biahero durante temporada di vakantie grandi

    (ADVERTORIAL )

  • b.c car
  • Powered by SETAR