Oduber: Piscadornan lo haya tur participacion den Parke Marino

Oduber: Piscadornan lo haya tur participacion den Parke Marino

Posted on 08/9/2018 5:54 pm AST | Updated on 08/9/2018 5:55 pm AST

ORANJESTAD - Piscadornan lo haya tur participacion den Parke Marino manera  palabra den reunion. Asina minister di medio ambiente Otmar Oduber a declara diahuebs.  Oduber a anuncia cu ta trahando riba Parke Marino. Pa mas cu 30 aña ta trahando riba e proyecto aki y e gobierno aki a tuma un decision riba proteccion di Medio Ambiente segun e mandatario. Despues di un reunion recientemente cu miembronan di Centro di Pesca Hadicurari a dirigi un carta pa nan fecha 24 di juli 2018 unda ta reconfirma kico ta sosodiendo cu e proyecto y tambe locual a wordo palabra den reunion. E prome fase awor ta e parti legislativo esta e ‘raamwerk’ pa loke ta trata Parke Marino cu ta algo sumamente positivo y bunita cu ta pone Aruba riba panorama internacional. E proteccion ta riba flora y fauna y special bida marino. Segun Minister Oduber, esaki ta un LB ham, (Landsbesluit, houdende algemene maatregelen) cu ta un parti di un Landverordening debi cu e tin un bachi legal caba. Minister Oduber kier trece bon cla cu ainda no a tuma ningun decision riba prohibicion pasobra no a yega na e fase ey ainda. Loke ta tumando luga, ta cu e marco legal  ta wordo poni riba papel unda ta bay cuminsa cu e ronda di consulta cu tur usuario di e parti marino. Ta papia aki di piscado, buceado, personanan cu ta haci uzo di boto sea pa placer of negoshi, fundacionnan manera Turtugaruba, instancianan cu ta cuida parhanan etc. Segun Minister Oduber, lo bay reuni cu nan pa e ora bay fiha e plan di maneho pa Parke Marino.

E conseho mester haya ainda for di Raad van Advies y na September ora haya e consehonan ta bay sinta cu tur grupo. Segun Minister Oduber, e experticio pa locual ta nos bida marino e.o e piscadornan tin. Pesey ta bay reuni cu nan y despues di a papia cu nan y yega na acuerdo cu nan, e ora ta hancra e reglanan pa e Parke Marino. Cu e decision aki mesora ta informa comunidad den su totalidad.  Intencion di un Parke Marino ta, proteha e flora y fauna y e bida marino pa futuro. E piscadornan por ta sigur cu nan ta bay haya nan luga manera a palabra den e ultimo reunion cu a tuma luga dia 23 di juli y manera registra den carta di dia 24 di juli dirig na sr. Alex Farro. 

E proceso aki ta contrario na e ley cu ex Ministernan a pusha pa prohibi piscamento di cierto pisca. Pero e gobierno aki si ta bay busca consulta cerca e piscadornan segun Minister Otmar Oduber. Durante conferencia di prensa di diahuebs, e mandatario a duna tur miembro di prensa un copia di e carta cu el a manda pa e piscadornan.

 

 

  • Gobierno a informa cu a ‘hack’ pagina di Facebook di Prome Minister Wever

    Gobierno a informa cu a ‘hack’ pagina di Facebook di Prome Minister Wever

    ORANJESTAD - Prome Minister ta lamenta cu hende cu mal intencion a haci mal uzo di nan conocemento pa ‘hack’ su Facebook account y a pone esaki for di alcanse pa Prome Minister pero tambe pa pueblo. Asina e oficina di informacion di prome minister Wever ta informa den un comunicado. Segun e comunicado, ta tratando for di ayera caba cu Prome Minister a nota e iregularidad aki pa tuma contacto cu Facebook pa asina logra recobra su pagina di Facebook mas lihe posibel. Investigacion di parti di Facebook a wordo pidi tambe pa haya sa e posibilidad tanto pa recobra e pagina como tambe pa sa ken ta esnan cu ta tras di e mal hecho aki.

  • Gobierno a reuni urgentemente riba situacion di ilegal di diasabra

    Gobierno a reuni urgentemente riba situacion di ilegal di diasabra

    ORANJESTAD - Despues di e situacion cu a sosode diasabra marduga unda cu varios ilegal a yega Aruba cu boto, di cual algun a fayece y otronan a keda deteni, gobierno di Aruba a drenta un reunion urgente na Cocoloshi, hunto cu polis, Warda Costa. Despues di e reunion, minister di husticia Andin Bikker a tene un conferencia di prensa riba e tema, repasando varios punto. NOTA: Potret ta di archivo di NoticiaCla durante un reunion recien riba e mesun tema di refugiado. 

  • Operacion di surfernan re-aloca pa publico haya mas beach na Malmok

    Operacion di surfernan re-aloca pa publico haya mas beach na Malmok

    PALM BEACH – Gobierno a re-aloca e operacion di sufersnan na Malmok (Fishermans Hut) pa crea mas espacio pa publico. Esaki ta e informacion cu e mandatario di infrastructura a informa diahuebs mainta tempran. Un anochi prome por a mira un grupo di habitantenan protesta pasobra na altura di Ritz Carlton (cerca di e area) a kita espacio pa nan campa. No ta conoci si esaki tin relacion cu e decision menciona. No ta conoci con esaki lo afecta e operacion di e surfernan en cuestion. Eynan ta e sitio tambe pa tene e acostumbrado 'Aruba Hi- Winds'. 

  • Gobierno ta contra KVK su plan pa bin cu impuesto nobo pa recohe sushi

    Gobierno ta contra KVK su plan pa bin cu impuesto nobo pa recohe sushi

    ORANJESTAD – Gobierno ta contra e idea di Camara di Comercio pa impone un impuesto nobo cu tin cu atende cu cobransa di recohemento di sushi, envez di cobra na casnan particular y negoshi. Ta parse cu Camara di Comercio a cambia nan punto di bista pa loke ta cobransa di Serlimar pa recohe sushi. Asina minister di infrastructura Otmar Oduber a indica diamars den un conferencia di prensa. Esaki pasobra mientras cu e gremio commercial ta manda e mandatario un carta cu ta bisa cu ta sostene e idea pa cobra sushi, den un comunicado saca e siman aki, ta laga afor cu e gremio kier pa pueblo paga esaki via un impuesto nobo. Esaki ta parti diun diferencia di opinion grandi cu tin den hunta di Camara di Comercio segun Oduber.  

  • Aruba a sali ‘grandemente positivo’ di evaluacion di OECD

    Aruba a sali ‘grandemente positivo’ di evaluacion di OECD

    PARIS/ORANJESTAD – Aruba a haya un revision positivo di The Organization for Economic Co-operation and Development (OECD) dialuna. Esaki ta nifica cu Aruba no ta bay riba e lista preto di paisnan cu no ta cumpli cu transparencia di informacion fiscal. Pero e tin trabou pa haci si, pa cumpli cabalmente segun e organisacion. Asina e organisacion ta bisa riba su website awe.    

  • Wever na Arkebout: Relacion di Reino ta basa riba madures politico y respet mutuo

    Wever na Arkebout: Relacion di Reino ta basa riba madures politico y respet mutuo

    ORANJESTAD - Relacion di Reino ta basa riba madures politico y respet mutuo. Asina prome minister di Aruba Evelyn Wever Croes a bisa e representante di Reino Hulandes den Caribe, Erwin Arkebout, segun un comunicado cu e departamento di prensa di gobierno a manda pa prensa den fin di siman. Wever-Croes siman pasa a reuni cu e representante di Reino Hulandes den Caribe. Recientemente señor Arkenbout a wordo nombra na e posicion aki y esaki tawata su prome reunion cu Prome Minister di Aruba. 

  • benu pharmacy
  • casino crystal.2
  • Powered by SETAR