Chan: 'Nan a tratami manera un criminal adulto!'

Chan: 'Nan a tratami manera un criminal adulto!'

Posted on 08/9/2018 5:48 pm AST | Updated on 08/9/2018 5:50 pm AST

ORANJESTAD – Loke mester a bira un biahe cortico di placer pa un hoben di Aruba e siman aki pa Corsou pa pasa cu su amigo, a bira un pesadiya cu e no kier corda mas. “Nan a trata mi manera un criminal adulto!” Julie Chan (17) a bisa NoticiaCla diaranson, refiriendo na e personal di imigracion di Corsou. Durante e experiencia amargo cu el a pasa na man di imigracion di Corsou e siman aki, segun Chan, nan a detene pa 6 ora manera un criminal, pone den un camber pa despues pone bek pa avion bek pa Aruba riba e mesun dia. Tur cos pasobra e lo no tabatin permiso di su mayor(nan) pa biaha su so. Esey siendo cu prome cu e buelo, e aerolinea en cuestion lo a sigura e mama y e damita, cu no ta necesario pa tin permiso di mayor pa e hoben biaha su so. Na Corsou sinembargo, a resulta cu cos no tabata asina.

BIAHA SIN MAYOR

Prome cu e mama di Julie, Jacqueline Chan a pone su yiu riba e avion, el a averigua cu e aerolinea (Aruba Airlines) si no mester di documento of copia di pasaporte di e mama pa por biaha. Despues di un bay bin di informacion y puntramento, e persona di e aerolinea a sigura e mama y e hoben cu esey no tabata necesario. Na Aruba,- e mama a sigui conta NoticiaCla -, nan a pasa tur e areanan necesario (imigracion, security etc.) na aeropuerto sin problema. Pero na Corsou, cos a cambia ya na ora cu Julie a yega dilanti imigracion. Segun Julie, nan a bise cu e no por a drenta, y a hinke den un camber. Un hoki. Y esaki a keda asina pa casi 6 ora largo.

ODISEA

Julie (Chan) mes a conta NoticiaCla di su experiencia cu, - den su palabranan -, tabata horible. E ta admiti cu e no tabata mucho contento y expresa esaki na e personal di imigracion, posiblemente den un bos altera. “Mi tabata rabia, cu miedo, insigur y no tabata compronde kico tabata pasando. Mi a biaha hopi caminda y nunca mi no tabatin e problema aki”. Segun Chan, nan no a gusta su actitud y ta te hasta pensa cu porta pasobra e ta un ‘macamba’ (e ta un studiante na Hulanda, pero di Aruba y ta actualmente di vacantie) pero ta , a trate asina y a hinke den un camber y lague pa un periodo largo (loke a bira 6 ora finalmente). E tabatin su telefon cu ne y durante e ‘odisea’, a tuma contacto cu su hendenan, incluyendo su mama (na Aruba), polis, y su contactonan di Corsou. E mama di su banda tabata purba logra regla cos pa su yiu pero esaki no tabata logra. Polis tabata envolvi aunke no a yega eynan nunca. Hasta Kinderbescherming a cay aden dado momento. Despues di hopi tempo warda, y hopi sclama, nan a duna Julie un glas di awa y 2 cookie. Finalmente despues di tur e tempo, Julie a wordo poni riba un avion bek pa Aruba e mesun dia. Y segun Julie, te na e final, nan a dune e trato di un criminal, manera cu e lo a huy. “Nan a bay cumi, cu imigracion, te na porta di avion, miedo porta cu mi lo a huy” Chan a sigui conta. Finalmente, el a yega Aruba bek.

ARUBA AIRLINES

NoticiaCla a haci intento pa papia cu Aruba Airlines, pero no tabata exitoso. Yamadanan haci a no a wordo contesta (ainda), y e oficina internacional a referi nos bek pa Aruba, pero ey nan no tabata contesta (ainda). For di Chan, e portal aki a compronde cu e siman aki nan tambe a purba papia cu e aerolinea pa wak si nan por a haya nan placa bek y pa entrega un ‘claim’. “Pero nan ta bisa cu esnan cu ta responsabel pa esaki, aworaki ta den exterior y cu nos tin cu bolbe dialuna” Julie Chan a bisa e portal diahuebs. Nan no ta kere cu esaki ta berdad y cu ta purbando pa evita di topa cu nan.

IMIGRACION

Hefe di imigracion di Corsou tabatin su reaccion hopi breve, pero hopi cla tambe relaciona cu e caso aki. E hefe, Albert Schoop, no ta reconoce su mes den e critica den direccion di su hendenan. Den un declaracion na Dick Drayer di NOS Curacao, el a bisa si cu si bo no comporta bo mes, esey ta wordo experiencia como resistencia y e ora e porta ta cera. "Mi ta tene un combersacion cu bo. Si e ora bo tira cos den mi cara, e ora no ta cuestion cu mi ta sintimi ofendi. Pero henter e combersacion cu palabra malo y no kier coopera cu e proceso di imigracion, e ora cos ta caba" Schoop a finaliza bisando. Pa loke ta Chan, e ta spera cu e cos aki no pasa cu niun hende mas, pasobra e experiencia tabata uno horible. E ta splica, cu esey ta e motivo cu el a acerca prensa pa netamente mustra kico por pasa, y cu esaki no mester ta e caso.

  • SafeCom Security Semana Santa Camping Vacation Security Tips # 3 & # 4

    SafeCom  Security Semana Santa Camping Vacation Security Tips # 3 & # 4

    (ADVERTORIAL)

  • Meteo: Alerta pa biento duro ta na vigor diabierna mainta!

    Meteo: Alerta pa biento duro ta na vigor diabierna mainta!

    ORANJESTAD - Un alerta pa bientu duro lo drenta na vigor mayan diabierna 6’or di mainta pa Aruba. Asina servicio meteorologico di Aruba ta informa. Tin un aviso pa boto chikito especialmente pa costanan parti oost te noordwest y generalmente lama habri lo drenta na vigor mayan mainta 6’or.

  • PG van Dam awe nochi den e programa NoticiaCla LIVE

    PG van Dam awe nochi den e programa NoticiaCla LIVE

    ORANJESTAD – Awe nochi den e programa NoticiaCla LIVE riba e pagina di FACEBOOK di NoticiaCla, Procurador saliente mr Alexander van Dam lo duna su ultimo entrevista, prome cu e subi avion diabierna rumbo pa Hulanda. Durante e entrevista, e lo trata temanan interesante, manera caso Ibis, castigonan di abuso, pedofiel, keho riba castigonan mucho abou, cultura diferente entre Hulanda y Aruba y si e ta afecta e trabou di un fiscal Hulandes y mucho mas. E programa ta 45 minuut yena di informacion balioso cu bo no por perde. E programa ta pasa pa 7’or awe nochi.

  • Ministerio Publico y Luchtvaartonderzoeksraad a cera acuerdo

    Ministerio Publico y Luchtvaartonderzoeksraad a cera acuerdo

    ORANJESTAD - Procurador-General di Aruba Alexander van Dam y e voorzitter di e Junta di Investigacion di Aviacion (Luchtvaartonderzoeksraad) di Aruba Claudio Stamper a firma un acuerdo riba 8 di april ultimo na Aruba.

  • Specialistanan ta bati alarma riba situacion na hospital HOH

    Specialistanan ta bati alarma riba situacion na hospital HOH

    ORANJESTAD – E Asociacion di Specialista di Hospital di Aruba (ASHA) a duna hunta di directiva di hospital Horacio Oduber un siman tempo pa contesta un carta di 5 pagina cu nan(ASHA) a manda cu 6 punto di preocupacion cu nan ta considera serio, y 4 pagina yena cu firma di tur e specialistanan, cu ta den poder di NoticiaCla.  Segun e carta, si ASHA no haya atencion di e señalamento di e problemanan actual y serio e.o. den e periodo menciona di un siman, nan lo ta ‘obliga di tene RvB (directiva di hospital) como responsabel y raporta esaki na IVA (Inspectie Volks Gezondheid Aruba. E carta fecha 15 di april 2019 ta firma pa tur e specialistanan envolvi, y ta dirigi na e presidente di hunta di directiva Ezzard Cilie cu actualmente ta e unico miembro di directiva, cu copia pa hunta di supervision. Cillie, ta reacciona den un forma hopi breve tambe pa NoticiaCla, cu el a ricibi e carta pero no ta bay comenta ariba. (Wak su comentario mas abou).  

  • Mas di 5 mil cas a cambia caba pa EcoTech

    Mas di 5 mil cas a cambia caba pa EcoTech

    (ADVERTORIAL)

  • BCD1
  • Powered by SETAR