Banco Central ta publica su vision pa 2020 den e plan Bela Yen

Banco Central ta publica su vision pa 2020 den e plan Bela Yen

Posted on 08/9/2018 3:15 pm AST | Updated on 08/9/2018 3:16 pm AST

ORANJESTAD - Banco Central di Aruba (BCA) a publica su plan multi-anual, esta “Bela Yen: Nos Plan Strategico 2016-2020” den cual BCA ta expone su vision pa 2020. E plan aki tabata solamente pa uzo interno, pero a dicidi di haci esaki tambe obtenibel riba e website di BCA pa asina informa comunidad di Aruba tocante e metanan di BCA pa 2020. E plan ta basa riba e tareanan principal di BCA manera e mantencion di e stabilidad di nos florin, e supervision riba e sistema financiero, y e emision di biyete y moneda di Florin.

“Bela Yen” ta un dicho na Papiamento cu ta significa full speed pa dilanti. Esey sigur ta visibel den e ambicionnan cu CBA a propone pa su mes pa e periodo actual te cu 2020, cualnan ta: ta un banco central prominente den region, haci su trabou na un manera eficiente y orienta riba resultado, y ta un organisacion atractivo pa talento excepcional. E ambicionnan multi-anual aki ta e punto di partida pa planifica e maneho anual y BCA ta procura cu tur su departamentonan ta alinea nan mes cu nan propio metanan den e cuadro di Bela Yen.

Un ehemplo concreto cu ta resalta den e plan aki ta e deseo pa modernisa e sistema di ‘clearing’ actual. E prome paso pa cu esaki ta e lansamento di e sistema nobo di pago instantaneo na comienso di otro aña. Den cuadro di educacion y informacion financiero, BCA lo disponi den futuro di un museo y centro di bishita. E creacion di un departamento di Stabilidad Financiero y alabes un organo di maneho encarga cu promove stabilidad financiero ta un meta concreto cu ta sumamente importante no solamente pa BCA pero pa Aruba henter.    

“Como nos vision ta pa ta un banco central prominente den region na 2020, sosteni door di un cultura di integridad, excelencia y innovacion, ta importante pa henter nos ekipo sa con cada ken su trabou ta contribui na e meta aki. Cu e plan aki como fundeshi di nos trabou diario, nos no ta perde bista di ‘the big picture’’ y nos tarea pa Aruba”, ta comenta Presidente di BCA Jane Semeleer.

A presenta Bela Yen den e aña cu BCA a celebra su di trinta aniversario, esta 2016. Durante e añanan cu a transcuri, e ambiente den cual BCA a opera a bira mas dinamico y compleho. Pero danki na BCA su maneho monetario e balor di e florin a keda stabiel y ta un simbolo di orguyo y identidad nacional. Banda di esey, BCA a promove un desaroyo sano y integro di sector financiero, cual ta tambe fundamental pa un economia creciente y vibrante.

  • Banco di Caribe, Ennia y Kiwanis Club of Aruba cu donacion opa Global Money Week

    Banco di Caribe, Ennia y Kiwanis Club of Aruba cu donacion opa Global Money Week

    ORANJESTAD - Recientemente, Banco di Caribe, Ennia y Kiwanis Club of Aruba a participa den e segundo edicion “Global Money week” Aruba cu ta parti di e plata forma internacional di “Global Money Week”, cu ta un evento educacional cu ta tuma luga rmundialmente cada aña na luna di maart.

  • Aruba su miyonario mas nobo a bin cobra su premio!

    Aruba su miyonario mas nobo a bin cobra su premio!

    ORANJESTAD – E miyonario mas recien nobo di Aruba, sra “Magda” a bin busca su check na oficina di Lotto diaranson. E ta e feliz ganado di 1 miyon 250 mil florin. E unico nomber cu ta conoci pues ta ‘Magda’, y e la bay cas cu e check y riba su cuenta tin e suma completo.  Cumprando un Mega Plus loco, a bin gana e jackpot total di 1 miyon 250 mil florin cu Mini Mega y Mega Plus. Hopi pabien na e feliz ganado.

  • La Linda a pidi corte mas tempo pa negosha y evita bancarota

    La Linda a pidi corte mas tempo pa negosha y evita bancarota

    ORANJESTAD – Huez a wanta e sentencia diabierna den caso di La Linda, cu por lo menos 2 siman. Asina NoticiaCla a compronde di e abogadonan envolvi. E hecho cu wanta e sentencia, ta e hecho cu e curator y abogado di La Linda ta pa duna e partidonan un oportunidad extra di negosha y discuti con por yega na un areglo toch pa evita cu huez declara e compania menciona, bancarota. 

  • Fitch: Aruba ta keda cu BBB- rating pero ta haya 'outlook' negativo

    Fitch: Aruba ta keda cu BBB- rating pero ta haya 'outlook' negativo

    ORANJESTAD - For di Fitch Ratings a ricibi e noticia cu e credit rating (grado di credibilidad financiero) di Gobierno di Aruba a wordo manteni. Esaki ta e resultado di un evaluacion teni door di Fitch Ratings den luna di maart caminda a papia cu varios actornan den gobierno y sector priva. 

  • DIMP: Reduccion di tarifa riba compensacion di retiro

    DIMP: Reduccion di tarifa riba compensacion di retiro

    ORANJESTAD – Evaluando e situacion di nos economia actual y tambe e efecto cu circunstancianan di politica internacional tin pa nos trahadornan, Minister di Economia, Finansas y Cultura sra. Xiomara Ruiz-Maduro a duna aprobacion pa reduci e peso fiscal riba compensacion di retiro temporalmente. Asina oficina di impuesto a informa diabierna mainta pa medio di un comunicado. E aprobacion di e reduccion, segun e comunicado,  aki ta pa un grupo grandi di trahadornan na Aruba cu lo por perde nan trabou y lo tin dificultad pa haya un otro trabou den dicho situacion.

  • Parlamento a cambia ley pa introduci biyete di florin nobo

    Parlamento a cambia ley pa introduci biyete di florin nobo

    ORANJESTAD - Parlamento awe unanimamente a cambia e ley pa biyete di florin nobo. E diseño lo wordo cambia tambe. E diseño nobo lo wordo presenta dia 2 di mei. 

  • Powered by SETAR