Arubahuis: Critica di studiante no ta aplicable pa henter Hulanda

Arubahuis: Critica di studiante no ta aplicable pa henter Hulanda

Posted on 08/9/2018 3:08 pm AST | Updated on 08/9/2018 3:09 pm AST

DEN HAAG – E critica riba situacion di studiantenan na Hulanda relaciona cu nan yegada, manera describi den un matutino awe na Aruba, no ta aplica pa henter Hulanda. Asina Arubahuis a reacciona diahuebs atardi. Segun Arubahuis segun un articulo den e matutino Bon Dia Aruba di 9 augustus cu studiantenan ta mal contento cu opvang na Hulanda. Mester remarca cu e situacion describi den e articulo ta toca Den Haag y no ta aplicabel pa henter Hulanda.

Den e articulo un studiante ta remarca cu nan a keda un anochi so den hotel Ibis. E desicion aki ta basa riba maneho di Ministerio di Enseñansa di Aruba pa hopi aña caba y tin como meta cu e studiante por descansa di e vuelo y pa siguiente dia e por participa na e programa di opvang. Acomodacion sea un camber of cas ta keda responsabilidad di e studiante y su mayornan. Pa es motibo ey Arubahuis a saca aña pasa den e lunanan di october te cu december un serie di articulo den cual ta trata e tematica di busca y regla acomodacion na Hulanda. Esaki pa evita cu e studiante lo mester hospeda innecesariamente den hotel of cerca famia of conoci. Tambe riba e Facebook di Onderwijszaken di Arubahuis a pone e informacion aki. Departamento di Enseñansa na Aruba cu ta otorga e Arubalening tin e deber di informa esnan cu kier un Arubalening cu tin periodonan den cual nan tin cu tene na man mes na dje pa bin na remarca pa haya acomodacion. E periodonan aki ta varia di ciudad pa ciudad. Pesey Arubahuis ta pone un acento riba informacion, pa motibo di falta di informacion nos hobennan no ta yegando Madre Patria debidamente prepara. Tin cu remarca cu e hecho cu nos studiantenanan e aña aki a yega mas laat Hulanda – en comparacion cu e studiantenan di Curaçao y St. Maarten – esaki ta trece cune cu den un marcado di camber satura na Den Haag, ta bira sumamente dificil pa haya un camber. Manera nan ta bisa na Hulandes: wie het eerst komt het eerst maalt!

E situacion pa haya camber na Den Haag no ta facil. Via DUWO Studentenhuisvesting tin un waitinglist hopi largo mes. Pesey e mentor pa Den Haag ta busca ayudo na un makelaarskantoor cu ta Vesting Vastgoed. Pakico Vesting Vastgoed? Pasobra nan tin conocemento di nos studiantenan y ki tipo di camber of acomodacion nan ta prefera. A base di e experencia ey Vesting Vastgoed ta e prome escohencia pa yuda nos studiantenan cu acomodacion na Den Haag y vecindario.

E POC ta duna e studiantenan un OV anonimo unda cu nan por stort cen riba dje pa haci uso di transporte publico den Den Haag. Tur studiante ta haya un Studenten OV kaart, pero esaki ta valido entrante prome di september y NO prome cu e fecha aki. Un otro opcion ta cumpra un bicicleta.

Dia 23 di juli ultimo e mentor pa Den Haag conhuntamente cu miembronan di POC pa Den Haag/Delft y Leiden a tene un anochi di informacion na e studiantenan cu ta bin studia na e tres ciudadnan aki. Durante di e meeting aki mentor John Dirks a enfatisa cu e studiante mester zorg pa e tin un camber prome cu e sali for di Aruba y bin Hulanda. Vivienda ta keda un prioridad hopi importante pa cualkier studiante. Pesey e enfasis aki! E meeting aki ta banda di e anochi di informacion duna pa Arubahuis na luna di juni na un grupo grandi di studiante cu ta bin Hulanda. Di e manera aki Arubahuis ta conciente di su rol den guia di nos studiantenan na Hulanda.

Apesar di tur contratiempo Arubahuis ta haciendo su maximo esfuerso pa yuda e hobennnan pa haya acomodacion y tin tur comprension pa e preocupacion di e mayornan na Aruba.

 

  • Bosman na Wever-Croes: Denuncia fondonan ‘desapareci’ di CITGO

    Bosman na Wever-Croes: Denuncia fondonan ‘desapareci’ di CITGO

    ORANJESTAD/ DEN HAAG – Parlamentario Hulandes Andre Bosman (VVD) a sugeri na prome minister di Aruba Evelyn Wever Croes pa haci denuncia riba e asunto di fondo ‘perdi’ di CITGO. El a haci esaki riba su pagina di Facebook, riba cual Wever Croes a reacciona mesora. “E ta encera transaccionan entre compania y relacionan cu awor a wak luz di dia. E no ta un asunto pa ministerio publico” Wever a contesta. No ta prome biaha cu e dos politiconan ta contesta otro publicamente riba Facebook ya cu net un aña pasa esaki a sosode caba, e biaha ey riba e pagina di Facebook di NoticiaCla. 

  • OM: Aumento di castigo pidi den caso Mitch Henriquez

    OM: Aumento di castigo pidi den caso Mitch Henriquez

    SCHIPHOL – Ministerio Publico a aumenta e demanda di castigo dialuna na Hulanda den caso di apelacion di morto di Mitch Henriquez. Si ta pa OM, e dos polisnan envolvi, lo mester wordo prohibi pa traha como polis pa 2 aña, fuera di e castigo condicional di prison di 6 luna. E famia ta decepciona den esaki pasobra nan kier castigo di prison incondicional pa e polisnan. 

  • Corte a trata caso di apelacion Mitch Henriquez na Hulanda

    Corte a trata caso di apelacion Mitch Henriquez na Hulanda

    SCHIPHOL – Corte na Hulanda a cuminsa dialuna mainta cu tratamento di e caso di apelacion den caso penal di Arubiano Mitch Henriquez. Den e caso aki tin dos agente policial como sospechoso. Partner di NoticiaCla, Caribisch Netwerk a raporta e caso. E mama di Henriquez ta na Hulanda tambe pa e caso. E apelacion a keda pidi pa e dos agentenan cu na 2017 a keda sentencia na un castigo di prison condicional di 6 luna, pa maltrato cu consecuencia di morto di Mitch Henriquez na 2015. 

  • Atraco arma riba un trahado di compania dilanti banco

    Atraco arma riba un trahado di compania dilanti banco

    ORANJESTAD – Un homber arma dialuna mainta trempan a atraca dos trahado di un compania cu tabata bay deposita placa na un banco (RBC) na Sasaki. Ta trata di un homber color scur cu a huy den un Toyota Rav-4 blanco. E auto a wordo haya despues poco mas panort, y polis a tuma esaki den beslag. Mes momento a hiba e homber atraca pa recherché como parti di e investigacion. No ta conoci cuanto placa a wordo 

  • Europa resistente riba ayudo miyonario pa Venezolanonan na Aruba

    Europa resistente riba ayudo miyonario pa Venezolanonan na Aruba

    BRUSSEL – Parlamentarionan di Aruba ta conta riba 16 miyon euro di ayudo for di Bruselas, pero e Comision Europeo ta desmenti cu ya a papia caba riba sumanan concreto. Aruba ta en busca di ayudo pa recepcion y procedura di asilo politico pa migrantenan Venezolano riba e isla. Comieso di maart, parlamentarionan di Aruba a papia cu e Comision Europeo na Bruselas. 

  • Corantnan Hulandes a cubri Arubadag Festival 2019

    Corantnan Hulandes a cubri Arubadag Festival 2019

    DEN HAAG  – Arubadag Festival 2019 tambe a capta atencion di diferente medionan di comunicacion Hulandes. E corant AD Rotterdams Dagblad a manda un reportero y fotografo special pa haci cobertu-ra di Arubadag Festival na Ahoy.

  • Powered by SETAR