Francia ta topa Croatia den final copa mundial futbol 2018

Francia ta topa Croatia den final copa mundial futbol 2018

Posted on 07/11/2018 6:12 pm AST | Updated on 07/11/2018 6:12 pm AST

MOSCOU – Croatia pa prome biaha den su historia, ta bay final di mundial di futbol. Diaranson den tempo extra nan a gana di Inglatera cu score di 2-1. Inglatera tabatin e speranza di ripiti nan hazaña di 1966 pa gana e mundial, pero Croatia a keda e speranza ey. Francia un dia prome a gana Belgica pa postula su mes prome pa e final di diadomingo awor. Diasabra Inglatera ta enfrenta Belgica pa e di tres lugar. Croatia na 1998 a yega na di tres lugar ora cu nan a gana di Hulanda na e occasion ey.

  • Denzel Dumfries a hunga su di tres partido cu Hulanda y ta gana Francia

    Denzel Dumfries a hunga su di tres partido cu Hulanda y ta gana Francia

    AMSTERDAM – E futbolista professional Arubiano Denzel Dumfries a hunga su di tres partido nacional cu e ekipo di Hulanda diabierna ganando 2-0. Den e caso aki e entrenador Ronald Koemana a opta pa selecciona Dumfries riba e hungador Kenny Tete.  Dumfries a debuta den e seleccion Hulandes un luna pasa ora cu Hulanda a gana 3-0 di Alemania. Tres dia despues el a hunga contra Belgica y a keda empata. Awe nochi, Francia a cay venci contra Hulanda. Sigur un logro grandi pa e Arubiano. 

  • Aruba Beach Tennis Open 2018 ta finalisa diadomingo

    Aruba Beach Tennis Open 2018 ta finalisa diadomingo

    PALM BEACH - Nos ta asercando e ultimo dos dia nan di e torneo mas grandi den deporte na Aruba, esta Aruba Beach Tennis Open 2018. Torneo cu a cuminsa di dialuna y lo termina diadomingo awo, dia 18 november. E evento aki ta tuma lugar riba Eagle Beach net dilanti Oceania. Weganan ta cuminsa di 9or di mainta y ta termina te anochi laat. Despues di 10or tin animacion musical di tanto DJ y banda nan local

  • Crossing for Hope a uni Aruba den un forma sinigual!

    Crossing for Hope a uni Aruba den un forma sinigual!

    SAVANETA – Aunke no hunto, pero tur 5 landado di Aruba cu a participa den e hazaña ‘Crossing for Hope’, esta e landa di Venezuela pa Aruba, a yega Aruba diadomingo atardi, sano y salvo. E prome cu a yega, tabata Davy Bisslik cu a yega na e lugar programa esta Zeerovers, den careda di 3’or di atardi. Algo despues, poco mas pabou, debi na e coriente, Stefan Thijsen a yega na Bacardera. Esun pa sigui, tabata Romar Arends cu a yega un poco mas pabou, tambe na Barcadera. A sigui Deaxo  Croes y Gwendeline Kock cu tambe a yega, aunke tambe no na e lugar planea debi na e coriente. Sinembargo, tur a logra marca historia un biaha mas, despues cu Roly Bisslik a haci esaki 30 aña pasa. NoticiaCla a percura pa un cobertura total henter dia, cu imagen livestream y potretnan continuo. 

  • Xander Bogaerts a keda nombra Embahador di Bon Boluntad

    Xander Bogaerts a keda nombra Embahador di Bon Boluntad

    SAN NICOLAS – Aruba su pelotero profesional Xander Bogaerts a keda nombra diasabra anochi como Embahador di Bon Boluntad, door di gobierno di Aruba. Durante un celebracion pa e pelotero profesional den Carnival Village, Minister di Deporte Dangui Oduber a duna Xander Bogaerts e honor aki pa su prestacion internacional recientemente ganando e serie mundial di baseball grandes ligas. Hopi ekipo di baseball Little League tabata presente y a goza nan momento cu Bogaerts durante e encuentro aki. Durante e evento, e mama di Bogaerts, Sandra Brown a hiba un discurso emocional y dirigi pa tur hoben y mayor presente. Na final di e ceremonia oficial, bandanan musical manera Claudius Phillips y Oreo a deleita e publico presente.

  • Panamerican Championship di Beach Tennis a ranca sali

    Panamerican Championship di Beach Tennis a ranca sali

    ORANJESTAD - Panamerican Championship di Beach Tennis a ranca sali. Diahubes atardi, ITF conhuntamente cu Beach Tennis Aruba a hasi e apertura oficial di e Panamerican Championship pa e aña aki. Cu presencia di 10 pais, un total di mas cu 50 hungador, tabata presente. Tur esnan presente por a sinti caba con e ambiente lo ta bai ta. E anochi a habri cu un rueda di prensa, caminda representante di Beach Tennis Aruba, Sr. Sjoerd de Vries, a jama Bon Bini na tur presente, como tambe na tur participante, kende nan ta super bon prepara pa duna bataya. Tambe a hiba palabra, e refree principal pa ITF, Massimo, Eugemine “Pina” Ignacio, a lanta tur hende fei soño, informando na tur presente cu ARUBA tei. Pa Venezuela, Ramon, kende no ta desconoci den e deporte aki, a remarca cu pa loke e la bin ta wak e ultimo dos dia nan aki, e nivel di e pais nan a subi basta. Pa Aruba Lawn Tennis Bond, Sr. Ronny Tchong tambe tabata presente y por ultimo, Sra. Sheidy Dijkhoff – Feliciano, sigur a dirigi su mes na esnan cu ta bishitando, pa asina bisa nan con importante nan presencia ta pa nos isla

  • Ras: ‘Un hazaña historico pa un bon causa merece apoyo total di Aruba’

    Ras: ‘Un hazaña historico pa un bon causa merece apoyo total di Aruba’

    ORANJESTAD - Diadomingo ta un dia historico pa Aruba, mirando cu 5 landado lo ripiti e hazaña di 30 aña pasa di e  Roly Bisslik. Si bay bek na 1988, net e dia prome cu Roly mester a landa, tabatin awacero y mal tempo y lama tabata hopi bruto, unda na algun punto Roly a enfrenta ola di 7 pa 10 pia halto. Pero Roly su determinacion a surpasa tur e retonan aki. “Diadomingo awo, dia 11 di november 2018, Aruba lo por bolbe experiencia un hazaña historico.  Esaki sigur ta algo cu Aruba completo mester duna sosten, mirando cu e 5 atletanan en cuestion, Davy Bisslik, Romar Arendsz, Deaxo Croes, Gwendelyn Kock Croes y Stefan Thijsen, ta haciendo e hazaña aki, cu e meta principal pa yuda Wilhelmina Kankerfonds, yega na e fondonan necesario pa sigui haci nan trabounan boluntario den nos comunidad,” parlamentario Sue-Ann Ras a cuminsa na bisa.

  • Powered by SETAR