Minister: Huez no a bisa cu Staring mester bolbe den calidad di director

Minister: Huez no a bisa cu Staring mester bolbe den calidad di director

Posted on 07/11/2018 5:33 pm AST | Updated on 07/11/2018 5:57 pm AST

ORANJESTAD – Ningun momento sentencia di huez den caso di director di Salud Jerry Staring, ta bisa explicitamente cu mester laga e bolbe trabou den funcion di director. Asina minister di Salud Dangui Oduber a reacciona riba e sentencia dicta siman pasa diabierna. Na e occasion aki, huez a dicta cu e ‘toegangontzegging’ pa e director mester keda revoca, y cu e director por reanuda su trabou. Ora cu e director a bolbe, e la haya contratiempo cu su trahadonan. E ora e la tuma un ATV dag pa delibera cu su abogado y a entama un caso contra e minister diamars ultimo.

PROLONGA PERIODO

Notable ta cu Oduber a prolonga e periodo cu Staring no por funciona como director, di 6 siman pa 12 siman, den un carta cu e la manda pa e director siman pasa diabierna. Segun Oduber na e portal aki, motibo ta pasobra mientrastanto a surgi e situacion conoci cu ta nifica cu mester di mas tempo pa haci un investigacion den e caso aki. Loke cu Oduber ta lamenta, ta cu Staring awor ta hunga victima, siendo cu no tin ningun necesidad pa tal. Segun e mandatario, Staring ta cobrando su salario normal, y a keda cu tur su beneficionan. “Simplemente a splik’e e situacion kico e situacion ta y kico e keho ta, y nos a dune e espacio pa duna su banda di medaya, y a pidi’e cooperacion pa duna nos espacio pa 6 siman pa e keda cas” Oduber a sigui bisa. Segun e mandatario, Staring a dune un man y a bise cu no ta problema y cu e ta coopera cu e investigacion. Sinembargo 24 ora despues Oduber a ricibi un carta di abogado, cu un demanda. Gobierno a mande un carta ‘confidencial pe’ mesun dia na su persona pero ‘ni un rato despues’ cierto medionan di comunicacion local a publica e carta aki. “E base di confianza entre mi persona cu su persona simplemente a bay”, Oduber a continua bisando. Esaki pasobra a traha tur e tempo cu Staring den un bon forma, aunke cu e la wordo nombra politicamente pa ex minister Alex Schwengle.

  • Gobierno ta kere di por introduci fase 2 di reforma fiscal den 6 luna

    Gobierno ta kere di por introduci fase 2 di reforma fiscal den 6 luna

    ORANJESTAD - Gobierno ta preparando pa fase 2 di reforma fiscal. Asina e oficina di informacion a bisa pa medio di un comunicado diabierna atardi. Fase 2 ta e Impuesto Indirecto, cu ta e BBO. Mientras cu nan no a bisa cu exactitude ki tempo ta introduci esaki, tin pensa di haci esaki na juni of juli proximo, esta 6 luna despues di a introduci e prome fase. Mientrastanto nan awor ta evaluando e prome Fase di Reforma Fiscal cu a drenta na vigor cuminsamento di e aña aki. Fase 1 ta mas riba e tereno personal manera loonbelasting, inkomstenbelasting y grondbelasting; tambe ta trata e belastingnan cu ta causa comportacion negativo, manera alcohol y esunnan cu ta afecta salud, manera sigaria, y nos kier frena nan. Esakinan ta wordo yama “sin” taxes. 

  • CITGO na gobierno: Lo retira varios trahado debi na sancionnan

    CITGO na gobierno: Lo retira varios trahado debi na sancionnan

    ORANJESTAD – CITGO lo retira varios trahado riba termino corto, a consecuencia di e sancionan imponi recientemente pa Merca. E mensahe aki a keda ripiti diahuebs na representantenan di gobierno durante e encuentro planea y anuncia pa Prome Minister Evelyn Wever. Pa NoticiaCla, Wever no por a bisa di cuanto trahador ta papiando. E mes no a reuni cu nan, sino e team negoshador di gobierno. E noticia no ta nobo pasobra siman pasa Refineria di Aruba (RdA) su director Alvin Koolman a haci e anuncio ey caba. 

  • Aruba no ta busca maestronan for di Hulanda mas

    Aruba no ta busca maestronan for di Hulanda mas

    ORANJESTAD – Aruba ta bay percura pa su mesun maestronan pa resolve e problema di escases. “HUlanda mes tin un problema grandi di escases, pues ey nos no ta bay busca nan mas”. Asina Minister di Enseñansa Rudy Lampe a bisa durante un conferencia di prensa diahuebs, segun raportahe di partner di noticia Caribisch Netwerk.  

  • Arends: No ta momento awor pa gobierno ‘play tough’ cu CAFT

    Arends: No ta momento awor pa gobierno ‘play tough’ cu CAFT

    ORANJESTAD – " No ta momento awor pa gobierno ‘play tough’ cu CAFT ". Palabra di ex minister y actual parlamentario pa partido AVP Richard Arends na NoticiaCla riba e 'impasse' entre CAFT y Gobierno di Aruba. Si gobierno di Aruba no cumpli cu e colegio di supervision financiero CAFT, e siguiente carta cu lo sali ta pa Conseho di Minister di Reino. Asina p Arends a bisa NoticiaCla como reaccion diaranson riba e situacion tenso cu tin entre gobierno y CAFT actualmente. Segun Arends, e ta reacciona como partido AVP y parlamentario pa e partido. Diamars atrobe tabatin intercambio di carta entre gobierno y CAFT unda cu ambos ta acusa otro di no ta actuando corecto. Y segun Arends, si mira e liña di carta, esaki ta e ultimo carta di CAFT prome cu nan bay pa esun unda cu ta recomenda un ‘instruccion’. 

  • Gobierno di Aruba ta reuni cu ehecutivonan di Citgo e siman aki

    Gobierno di Aruba ta reuni cu ehecutivonan di Citgo e siman aki

    ORANJESTAD  Gobierno di Aruba ta reuni cu Citgo e siman aki segun un comunicado di gobierno. No ta conoci exactamente cu ken di Citgo, pero ta mas probable cu lo combersa cu e hefenan di Merca. E tema sigur lo ta e.o. e efecto di sancionan impone reciente pa Merca riba PDVSA. Wever mes a confirma cu e sancionnan recien cu Merca a impone riba PDVSA tin su impacto riba e trabounan na e refineria. “ Y e siman aki ehecutivonan di Citgo lo ta na Aruba pa duna mas informacion na gobierno” Wever a sigui bisa den e comunicado. Ultimo biaha cu tabatin reunion di nivel aki, e hefe grandi Asdrubal Chavez mes a bin Aruba pa e reunion aki. 

  • Ruiz: CAFT ta strobando gobierno di Aruba di goberna!

    Ruiz: CAFT ta strobando gobierno di Aruba di goberna!

    ORANJESTAD – CAFT ta strobando gobierno (di Aruba:red) di goberna. Esey tabata e prome reaccion diamars anochi di Minister di Finanzas Xiomara na NoticiaCla riba e di tres carta di CAFT manda (y haci publico casi simultaneamente) pa gobierno. Den e carta di CAFT nan ta reclama gobierno cu ‘ainda’ e no ta dunando e colegio di supervision financiero suficiente informacion. Ruiz a desmenti esey, y ta bisa cu e kier sa cu tin un hende den CAFT cu ta buscando un ‘issue’ cu gobierno di Aruba. “Nan ta bezig cu otro motibo” Ruiz a bisa, indicando cu e loke cu CAFT ta haciendo tin ‘algo su tras’. 

  • Banco Di Caribe
  • Powered by SETAR