Gobierno a para prolongacion di sponsorship pa 'Team Aruba'

Posted on 07/11/2018 4:59 pm AST | Updated on 07/11/2018 4:59 pm AST

ORANJESTAD – E peticion pa Aruba Tourism Authority (ATA) prolonga promocion contract di e grupo ‘Team Aruba’ den forma di cumpra un auto di careda nobo a keda rechaza pa minister Dangui Oduber. Ta trata di e grupo lidera pa subrino di ex premier Mike Eman esta Trevor Eman pa promove nos isla na Merca. E mandatario a confirma esaki diaranson pa NoticiaCla. E contract cu sponsorship di ATA na balor di casi 900.000 mil florin tabata pidi pues pa.

E DEAL

E peticion tabata pa e grupo Team Aruba den 2018 cera un contracto di 3 aña cu ATA. E motibo primordial di e contract, pa inverti den un auto di careda nobo, y laga ATA cumpra e nobo aki. “Pami ta inaceptable pa den e situacion cu nos ta aden di crisis, haci un request pa haya casi 900.000 florin” Oduber a bisa. E ta lamenta cu e presidente di e board di ATA, Marieta Ras, a bay di acuerdo cu esaki. Segun Oduber, Ras a actua contra tur regla di corporate good governance, pasobra den e statuut di ATA Sui Generis, cu na momento cu bo ta un consehero di un minister di turismo, bo no por fungi como un miembro di directiva di ATA.

POSICION DI RAS

A puntra Oduber e ora si e statuut no ta permiti esaki, pakico Ras ta fungiendo ainda como presidente di e board. Segun Oduber, ta pasobra e sistema burocratico tin e proceso tranca cu no por a pasa e landsbesluiten pa nombra e miembronan nobo di directiva di ATA. Ta wardando gobernador di Aruba firma e landsbesluit pa asina gobierno tin su tres miembronan den e directiva. “Nos ta lamenta esaki, pasobra sra Ras tabata na altura cu gobierno no ta di acuerdo cu prolongacion y extencion di e contract specifico aki. “E no ta bay zo zeer pasobra ta Mike Eman of su ruman of subrino” Oduber a sigura e portal aki. E ta bay mas pasobra e mandatario no ta wak e esencia y ‘return on investment’ den e proyecto. No ta na altura con esaki lo beneficia Aruba den p.e. haya mas turista, mas cobertura etc.

  • Dos klas di Colegio Arubano di bishita na VNO pa Prinsjesdag

    Dos klas di Colegio Arubano di bishita na VNO pa Prinsjesdag

    ORANJESTAD – Dos klas di Colegio Arubano a bishita representacion di Hulanda na Aruba (VNO) relaciona cu Prinsjesdag y a haya un lectura riba e tema. Ta trata di un klas  HAVO4 y un VWO5 klas cu tabatin e material di historia den nan pakete.  Ex gobernador Fredis Refunjol tabata invitado special. Durante un tarea special, e klasnan a traha un plan cu idea con aki 20 aña Reino Hulandes lo mustra. A A entrega esaki na Refunjol y e director di VNO na Aruba Gijs Baars. Durante e presentacion aki nan a mustra cu e cooperacion den Reino riba tereno di defense y husticia ta hopi importante. Otro temanan importante menciona tabata finanzas publico y e mantencion di e identidad di Aruba.   

  • Comision a haya 3 luna pa evalua fayo di procedura social

    Comision a haya 3 luna pa evalua fayo di procedura social

    ORANJESTAD – Un commission di 2 persona cu gobierno di Aruba a institui pa evalua e procedura social di Aruba tin 3 luna pa raporta bek cu un rapport riba e situacion. Base di esaki ta e situacion recien unda cu cosnan a bay ‘fout’ den aspect social cu a resulta den morto di dos criatura aña pasa. A bin resulta cu varios procedura no tabata sea ‘in place’ of ‘funcionando’ cu a pone cu no por a evita e tragedia di e dos hobencitonan aña pasa. 

  • CTB: Corsou cu hopi mas pa ofrece prome cu 2018 termina

    CTB: Corsou cu hopi mas pa ofrece prome cu 2018 termina

    WILLEMSTAD – Recientemente un delegacion di Ofisina di Turismo di Kòrsou (CTB) y partnernan den e industria turistico a tene un encuentro cu prensa di Aruba pa asina informa prensa y agencianan di biahe di tur loke Corsou tin di ofrece prome cu aña 2018 caba y tambe un tiki di loke por spera den 2019.

  • A didici cu ta habri Caya Grandi atrobe pa cierto ora pa dia

    A didici cu ta habri Caya Grandi atrobe pa cierto ora pa dia

    ORANJESTAD – Caya grandi, esta Caya Gilberto Betico Croes lo wordo habri atrobe proximamente, aunke temporalmente esta pa cierto ora so den dia. Asina tanto minister Evelyn Wever Croes y minister di transporte Chris Romero a confirma durante un conferencia di prensa. E intencion ta pa habri e caya entre 7’or pa 11’or di mainta, y atrobe di 5’or pa 7’or di anochi. E otro oranan e caya lo permanece cera pa trafico di auto, y lo keda habri solamente pa tram y peaton. Segun e mandatarionan, e intencion ta cu kier fomenta mas trafico di F&B y otro aspectonan pa cual e trafico di auto ta bira un problema. Habri caya pa auto, peaton y tram hunto, no ta bay funciona hunto. Como tal a opta pa haci esaki solamente durante cierto ora, pa wak con ta bay, pero no a bira specificamente pues ki dia esaki lo sosode. 

  • A dicidi cu Aruparking no ta touw auto mas ni klem mas

    A dicidi cu Aruparking no ta touw auto mas ni klem mas

    ORANJESTAD – Mientras cu no a menciona un fecha exacto pa su implementacion, minister di Transporte Chris Romero a confirma cu a dicidi cu no solamente ta elimina e medida di ‘klem auto’, sino tambe no ta ‘touw auto’ mas tampoco. Anteriormente a cancela e aspecto di klem auto, pero si a continua cu touw e autonan. Algo cu no lo sigui mas sino mas bien lo multa e chauffeur, aunke ainda no ta deliña con exactamente esey lo sosode. Ademas a splica cu lo trece cambio den areanan di parker, unda cu ta re apunta cierto areanan pa parker gratis y otronan cu ta bira cu pago, y otronan pa esnan cu ta trahado (parti geel

  • Ex rector di Colegio Arubano Dolf Hoevertsz a bay sosega

    Ex rector di Colegio Arubano Dolf Hoevertsz a bay sosega

    ORANJESTAD - Dialuna a habri cu e tristo noticia cu ex rector di Colegio Arubano Dolff Hoevertsz (79) a bay sosega despues di un bataya contra cancer. Hoevertsz tabata rector di Colegio Arubano for di 1979 te 1993, y ta tata di conocido deportista Nicole Hoevertsz y architecto Orlando Hoevertsz. NoticiaCla ta manda palabra di forza na Nicole y Orlando y demas famia. Cu Dolf sosega na paz. 

  • crystal bigger
  • Powered by SETAR