Gobierno a para prolongacion di sponsorship pa 'Team Aruba'

Posted on 07/11/2018 4:59 pm AST | Updated on 07/11/2018 4:59 pm AST

ORANJESTAD – E peticion pa Aruba Tourism Authority (ATA) prolonga promocion contract di e grupo ‘Team Aruba’ den forma di cumpra un auto di careda nobo a keda rechaza pa minister Dangui Oduber. Ta trata di e grupo lidera pa subrino di ex premier Mike Eman esta Trevor Eman pa promove nos isla na Merca. E mandatario a confirma esaki diaranson pa NoticiaCla. E contract cu sponsorship di ATA na balor di casi 900.000 mil florin tabata pidi pues pa.

E DEAL

E peticion tabata pa e grupo Team Aruba den 2018 cera un contracto di 3 aña cu ATA. E motibo primordial di e contract, pa inverti den un auto di careda nobo, y laga ATA cumpra e nobo aki. “Pami ta inaceptable pa den e situacion cu nos ta aden di crisis, haci un request pa haya casi 900.000 florin” Oduber a bisa. E ta lamenta cu e presidente di e board di ATA, Marieta Ras, a bay di acuerdo cu esaki. Segun Oduber, Ras a actua contra tur regla di corporate good governance, pasobra den e statuut di ATA Sui Generis, cu na momento cu bo ta un consehero di un minister di turismo, bo no por fungi como un miembro di directiva di ATA.

POSICION DI RAS

A puntra Oduber e ora si e statuut no ta permiti esaki, pakico Ras ta fungiendo ainda como presidente di e board. Segun Oduber, ta pasobra e sistema burocratico tin e proceso tranca cu no por a pasa e landsbesluiten pa nombra e miembronan nobo di directiva di ATA. Ta wardando gobernador di Aruba firma e landsbesluit pa asina gobierno tin su tres miembronan den e directiva. “Nos ta lamenta esaki, pasobra sra Ras tabata na altura cu gobierno no ta di acuerdo cu prolongacion y extencion di e contract specifico aki. “E no ta bay zo zeer pasobra ta Mike Eman of su ruman of subrino” Oduber a sigura e portal aki. E ta bay mas pasobra e mandatario no ta wak e esencia y ‘return on investment’ den e proyecto. No ta na altura con esaki lo beneficia Aruba den p.e. haya mas turista, mas cobertura etc.

  • Boca Prins Bar y Restaurant a haya luz berde pa habri atrobe

    Boca Prins Bar y Restaurant a haya luz berde pa habri atrobe

    ORANJESTAD - Departamento di Salud Publico su servicio di Warenkeuring en Hygiene despues di a sera siman pasa e bar restaurant situa na Boca Prins, awe a duna autorisacion bek na propietarionan pa habri e localidad. Asina e departamento a informa diabierna atardi laat.  Durante un siman completo servicio di Warenkeuring en Hygiene a guia e proseso di higiena y recohemento di awa na e localidad. A desinfecta e sistema di tuberia di awa completamente di manera cu e restaurant por labora segun normanan stipula. Ultimo sample di awa tuma na e localidad ta indica di ta completamente liber di cualkier contaminante, haciendo asina cu e bar restaurant por habri su portanan atrobe.

  • Espacio perfecto disponibel pa bo ubica bo negoshi of oficina

    Espacio perfecto disponibel pa bo ubica bo negoshi of oficina

     (ADVERTORIAL)

  • Hendenan a cuminsa marca nan lugar cu duck tape y palet

    Hendenan a cuminsa marca nan lugar  cu duck tape y palet

    ORANJESTAD – Hendenan cu a marca nan lugar ilegalmente, lo haya problema. DOW, DIP, KPA y BCI (Bureau City Inspector) a pasa riba ruta di carnaval pa asina kita obhetonan cu no ta permiti ta riba trottoir. “ Ayera nos a pasa avisa y awe esunan cu a keda riba trottoir lo wordo kita” nan a bisa. A mira cu hopi hende a opta pa marca sitionan cu duck tape y otro artefactonan pa sigura nan lugar. Si e lugarnan aki no ta marca pabo, no por usa nan. “Riba trottoir tin marca unda ta permiti trapi, stand of palette por wordo poni, prome cu e marcacion tur ta wordo kita”, e departamentonan a informa. 

  • Chauffuernan di autobus a protesta dilanti Bestuurskantoor awe

    Chauffuernan di autobus a protesta dilanti Bestuurskantoor awe

    ORANJESTAD – Chauffeurnan di autobus a protesta awe mainta dilanti bestuurskantoor, pa entre otro asunto di number di auto cu nan no ta haya husto. Nan a blokea e pasada dilanti Bestuurskantoor, pidiendo audiencia cu Minister di Transporte Chris Romero. E mandatario a concedi nan e reunion pero na otro sitio, esta Plaza Turismo. 

  • Dufi Kock: Recordando 77 aña pasa riba e Di Dos Guera Mundial

    Dufi Kock: Recordando 77 aña pasa riba e Di Dos Guera Mundial

    ORANJESTAD - Awe marduga pa 0131, dia 16 di februari, 2019, nos ta recordando cu 77 aña pasa cu nos isla a wordo involucra den e Di Dos Guera Mundial. Aunke dia 10 di mei 1940, nos a sinti un sabor di guera ora cu e forsa Aleman a invadi Hulanda y e mesun anochi Capitan Ferdinand Schmidt ta sink su barco E.S. Antilla na Malmok pa no entreg’e na e militarnan Hulandes. Na palabra, historiador local Dufi Kock. Kende e tempo ey por a pensa cu un isla asina chikito manera di nos lo por a experiencia un guera desastroso asina. Kende di nos awe ta reflecciona y pensa riba e rol importante cu nos isla chikito aki a hunga durante e guera aki. Kende awe cu a traha na refineria di Lago por bati riba su pecho pa recorda con importante nan refineria tabata pa e aliadonan. Kende awe ta den tristesa recordando nan sernan keri cu cruelmente a bay laga nan. Hopi famia no por a ni mira nan defunto pa motibo cu nan santana a resulta den fondo di lama, unda nan ta sosegando cu tur honor. E perdidanan aki y otronan, a resulta den e calamidad di mas grandi cu nos pais por a experiencia den nos historia. Den apenas tres ora y pico, 47 persona ta perde nan bida, entre nan 13 Boneriano. Un famia Boneriano ta perde dos yui homber e marduga ey. Ta Dios Gracia cu Capitan Hartenstein no a mira e tankero SS Hooiberg cu net na e momento ey tabata biniendo na e mesun sitio pa hancra. Tampoco nos mester lubida cu ora e submarino U-156 di Capitan Hartenstein tabata manda cayon riba e refineria, ningun a dal e 3000 tonelada di TNT riba waf, sino cuanto parti di nos isla lo a somenta, includiendo nos refineria y cuanto morto mas lo a cay. Tampoco nos mester lubida nos heroe, Sr Boy Ecury cu na un edad hoben di 22 aña ta entrega su bida pa awe nos tin e libertad.

  • SETAR: Tur teleshop, Setar Store y Repair center ta cera tempran diabierna

    SETAR: Tur teleshop, Setar Store y Repair center ta cera tempran diabierna

    ORANJESTAD – Setar a informa cu tur Teleshop, Setar Store y Repair Center ta sera pa 3:30 pm diabierna dia 15 di februari 2019. E kiosk na Airport y Contact Center ta keda duna servicio orario normal dia 15 di februari 2019.

  • Powered by SETAR