Minister ta desmenti cu tin problema cu Royal Schiphol Group

Minister ta desmenti cu tin problema cu Royal Schiphol Group

Posted on 07/11/2018 4:16 pm AST | Updated on 07/11/2018 4:17 pm AST

ORANJESTAD – Mientras cu e ta desmenti cu gobierno di Aruba tin problema cu e compania cu ta maneha aeropuerto, esta Royal Schiphol Group, e mandatario responsabel pa aeropuerto esta Dangui Oduber, a confirma si na NoticiaCla.com diaranson cu a pidi e presidente di hunta di directiva di AAA esta Rafael Croes pa entrega su retiro pa su declaracionnan inapropia haci recientemente. No por a bay den detayes di e declaracionnan si. E Oduber ta sigura no cu tin problema cu Schiphol Group, te cu nan lo a menaza di bandona aeropuerto. “Mi tin cu desmenti esaki (refiriendo na e noticia cu Schiphol group tin problema” Oduber a bisa NoticiaCla diaranson.

REUNION

E mandatario a confirma cu a reuni cu representante di Royal Schiphol Group na Aruba, esta e director actual di Triple A NV, James Fazio ora cu tabatin cambio di gobierno. De hecho a bisa cu tin reunion regular cu e director. Royal Schiphol Group for di 2004 tin un contracto pa maneha e aeropuerto. E prome CEO cu a haci esaki pa nan tabata e Hulandes Peter Steinmetz cu tabata na timon pa 10 aña y 4 luna. Jamez Fazio a tuma over na September di 2014. “Mi no a ricibi ningun corespondencia oficial di Schiphol. Mi no a ricibi ningun e-mail tampoco di nan, expresando nan malcontento” Oduber a sigui bisa. “Si esaki ta e caso, mi ta kere cu lo ta mas cu husto pa nan manda mi corespondencia, cual no a tuma lugar” e mandatario a sigui bisa. “Tur cos ta on schedule” Oduber a bisa refiriendo na e proyecto Gateway 2030 cu ta un proyecto di 300 miyon dollar pa loke ta renobacion y ampliacion di aeropuerto.

  • Banco di Caribe a sigura cu su mashinan di ATM ta safe pa usa.

    Banco di Caribe  a sigura cu su mashinan di ATM ta safe pa usa.

    ORANJESTAD - Banco di Caribe Aruba N.V. ta sigura cu e ATMnan ta safe pa usa. Tin un whatsapp ta circulando rond unda ta informa cu no por saca placa na e ATMnan na Aruba  ni awe ni mañan.  E mensahe aki no ta berdad. Banco di Caribe Aruba N.V. ta sigura cu su mashinnan di ATM ta Safe pa usa.

  • Aruba Bank a sigura cu su machinan di ATM ta safe pa uso

    Aruba Bank a sigura cu su machinan di ATM ta safe pa uso

    ORANJESTAD – E machinan di ATM di Aruba Bank ta safe pa uso. Asina e instituto financiero a bisa diahuebs atardi, despues di a tuma nota di un broadcast riba whatsapp, cu tabata bisa lo contrario. “Debi na un cantidad grandi di pregunta ricibi relaciona cu un broadcast riba whatsapp realciona cu nos machinan di ATM siendo comprometi, cu e notificacion pa no lanta placa awe y mayan, nos por sigura cu ta safe pa usa nos machinan ATM di Aruba Bank”, e mensahe a bisa. 

  • Aki tres siman Aruba ta tende si e ta riba blacklist di OECD

    Aki tres siman Aruba ta tende si e ta riba blacklist di OECD

    ORANJESTAD – Aki tres siman Aruba ta haya sa si el a scapa di ta riba e ‘black list’ di Organization of Economic Cooperation and Development (OECD) of no, y asina evita cu inversionistanan ta stop di inverti riba Aruba. Asina prome minister Evelyn Wever a clarifica pa NoticiaCla diahuebs mainta durante un conferencia di prensa. Segun Wever, minister di finanzas Xiomara Ruiz a haci su presentacion dialuna na Paris durante e reunion di OECD, pa purba convence OECD cu gobierno di Aruba lo elimina e ley local (Aruba) Vrijgestelde Vennootschap (AVV)  y asina cumpli cu OECD. OECD tin problema cu e ley aki y ta considere un forma pa haci negoshi no corecto debi na su practica particular fiscal. Aki tres siman ora cu e rapport di OECD sali di e reunion, Aruba lo haya sa si e presentacion di Ruiz tabata satisfecho. 

  • American Airlines cu di 3 buelo diario di Miami pa Aruba

    American Airlines cu di 3  buelo diario di Miami pa Aruba

    ORANJESTAD – Aruba Airport Authority N.V. (AAA) y Aruba Tourism Authority (ATA) ta contento di anuncia cu American Airlines lo cuminsa cu su di 3 frecuencia diario entre Miami cu Aruba pa e temporada di winter 2018 -2019 benidero. E ultimo desaroyo aki a bin aserca algun luna despues cu American Airlines a introduci 2 buelo non – stop riba diasabra solamente for di Dallas y Chicago cu ta conclui na un expansion y diversificacion di gateway for di e mercado Mericano. Actualmente American Airlines ta opera dos buelo diario (14x) for di Miami y Charlotte y 5 buelo semanal for di Philadelphia. Desde e temporada di winter benidero American Airlines lo brinda servicio na Aruba for di 5 gateway cu ta yega na un total di 42 buelo pa siman. 

  • Prijs di gasoline na Aruba ta baha un poco diaranson

    Prijs di gasoline na Aruba ta baha un poco diaranson

    ORANJESTAD - Basa riba e posting promedio di Platts US Market scan (Gulf Coast) pa e periodo di 1 te cu 31 di augustus 2018, Minister di Finanzas, Asuntonan Economico y Cultura ta anuncia e prijsnan nobo di benta di combustible.

  • Wever: Por lo pronto no tin aumento tarifa awa y coriente

    Wever: Por lo pronto no tin aumento tarifa awa y coriente

    ORANJESTAD - No tin motibo pa aumenta tarifa di awa y corriente por lo pronto. Asina minister di energía Evelyn Wever Croes a sigura NoticiaCla den un conferencia di prensa dialuna mainta. Segun Wever, el a papia cu hefe di Utilities (doño di WEB), cu a sigure cu e prijs di awa y corriente ta keda manera cu e ta aworaki. Berdad cu el a haya presión di sindicato SIWA, pero a mustra cu e no ta traha cu presión. “Aworaki, por lo pronto nos no ta papiando di hisa prijs di awa y coriente” Wever a sigui bisa.   

  • Powered by SETAR