DBB: Preparacion y precaucion ta crucial pa disfruta di bo vakantie

DBB: Preparacion y precaucion ta crucial pa disfruta di bo vakantie

Posted on 07/10/2018 4:35 pm AST | Updated on 07/10/2018 4:36 pm AST

ORANJESTAD - En bista cu temporada di vakantie ta cuminsa, Departamento di Relacionnan Exterior di Aruba (DBB) ta considera importante pa informa viaheronan, particularmente esnan di nacionalidad Hulandes, di e diferente opciónnan pa preveni cualkier inconvenencia y asina por disfruta di un vakantie placentero pa henter famia.

Den plano internacional por nota cu tanto den nos región di Caribe, Latino- y Centro America y Europa, e menasa di terrorismo y/of atentando, atraco arma etc. ta aumentando y sa resulta cu viaheronan ta bira victima. Por sosode tambe cu accidentalmente por perde paspoort y otro documentonan valioso.

Di acuerdo cu nos Statuut (Art. 3, inciso 1 b), e relacionnan exterior di e paisnan di Reino (Hulanda, Aruba, Curacao y Sint Maarten) ta competencia di Reino Hulandes y ta resorta bao di e Ministerio di Relacionnan Exterior di Hulanda (Buitenlandse Zaken). E ministerio aki, pa medio di e red di Embahadanan rond mundo ta brinda asistencia consular na ciudadanonan di Reino cu ta hayanan confronta cu situacionnan di emergencia y/of crisis den exterior.

Conseho di viahe (reisadvies)

Pa facilita e acceso na asistencia consular, Ministerio di Relacionnan Exterior (BZ) a introduci un Reis-App. E App aki ta contene informacion valioso y practico ora di planea bo vakantie. Riba e App ta wordo emiti un asina yama conseho di viahe/reisadvies valido pa un destinación determina. Cu un conseho di viahe, e viahero lo por tuma medidanan preventivo prome y durante di su viahe. Mester menciona si, cu un conseho di viahe no ta algo obligatorio y cu na tur momento, e ta keda na discreción y resposabilidad di e viahero si e ta desea di continua cu e viahe.

Den e reisadvies BZ ta informa, entre otro, encuanto regionnan peligroso; kico e viahero mester tene cuenta cun’e y na cua areanan ta ser desconseha pa viaha. Tur esaki tin como obhetivo pa e viahero tene debido cuenta cu e riesgonan pa su seguridad cu por varia di criminalidad pisa (atraco y secuestro), desaster natural of actonan di guerra.

Via e siguiente linknan por haya mas informacion encuanto di e topiconan aki:

https://www.nederlandwereldwijd.nl/reizen/reisadviezen

https://www.nederlandwereldwijd.nl/documenten/vragen-en-antwoorden/wat-betekenen-de-kleurcodes-bij-reisadviezen

https://www.nederlandwereldwijd.nl/documenten/vragen-en-antwoorden/is-een-reisadvies-bindend

https://www.rijksoverheid.nl/onderwerpen/paspoort-en-identiteitskaart/vraag-en-antwoord/wat-moet-ik-doen-als-ik-mijn-paspoort-of-identiteitskaart-kwijt-ben

 

  • Camara di Comercio completamente digital na comienso di 2019 cu ‘Mi KVK’

    Camara di Comercio completamente digital na comienso di 2019 cu ‘Mi KVK’

    ORANJESTAD– E aña aki Camara di Comercio y Industria di Aruba (KvK) a inicia un proyecto di ICT cu ta impacta tur e servicionan cu KvK tin pa ofrece. Pa 2019 KvK ta bay ta brindando su producto y servicionan completamente digital. KvK lo tin un website moderno cu lo brinda miho servicio na e cliente. Esaki sigur ta un stap den direccion pa futuro caminda cu pa medio di avansenan tecnologico ta crea innovacion y facilita e deseonan di e clientenan di KvK via nan propio account di ‘Mi KvK’.

  • Huez a prohibi sindicato SADA pa tene mas accion

    Huez a prohibi sindicato SADA pa tene mas accion

    ORANJESTAD – Huez a impone un asina yama ‘medida di orden’ prohibiendo miembronan di sindicato SADA pa tene accion. E documento den poder di NoticiaCla ta mustra cu huez a bay di acuerdo cu e peticion di gobierno pa impone e medida aki, pa evita pues future welga. Asina e kier frustra e intencion di e sindicato pa tene un reunion awe diabierna durante ora di trabou manera tabata planea pa 2:30pm na cede di SADA. Lesa e peticion y e aprobacion AKI. 

  • Douaneronan lo fiha nan posicion durante reunion diabierna

    Douaneronan lo fiha nan posicion durante reunion diabierna

    ORANJESTAD - Douaneronan lo reuni diabierna merdia durante ora di trabou na cede di SEPPA. Por considera esaki un tipo di accion despues di a tende e reaccion di minister Xiomara Ruiz Maduro. Presidente di e sindicato cu ta representa e douaneronan SADA Eduard Maduro a bisa NoticiaCla cu e reunion durante ora di trabou lo no dura largo, pero lo dicidi e siguiente paso. Maduro a bisa di a tuma nota cu e minister no a duna oido na e peticion di e sindicato y a rechasa esaki. Como tal,SADA lo reuni diabierna 2or na SEPPA y dicidi nan siguiente paso. Ta casi sigur cu esaki lo bira un tipo di accion mas structura. 

  • Aeropuerto a inverti den sistema moderno di maleta di 33 miyon dollar

    Aeropuerto a inverti den sistema moderno di maleta di 33 miyon dollar

    ORANJESTAD – Aruba Airport Authority N.V. (AAA), e compania cu ta opera y maneha Aeropuerto Internacional Reina Beatrix (Aeropuerto di Aruba) a firma un acuerdo cu BEUMER Group pa e diseño y instalacion di un “high speed baggage transportation and sortation system” nobo como parti di Aeropuerto su proyecto di expansion y modernisacion Gateway 2030. A yega na e contract despues di e proceso di tender cu a wordo teni, unda cu Aeropuerto a evalua e opcionnan pa un solucion general pa e procesamento di maleta y teniendo na cuenta no solamente e aspecto financiero, pero tambe e mantencion continuo cu mester ta parti di dje una bes cu e sistema ta funcionando.  

  • Ceramento di caminda en conexion cu trabounan di mantencion

    Ceramento di caminda en conexion cu trabounan di mantencion

    ORANJESTAD - Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e caminda di Tanki Leendert cu diahuebs  15 di november 2018, for di 8’or di mainta lo cera e caminda na altura di Tanki Leendert 76A pa motibo cu departamento di Riolering mester haci trabounan di mantencion. 

  • Minister Otmar Oduber a splica kico a pase cu el a keda hospitalisa

    Minister Otmar Oduber a splica kico a pase cu el a keda hospitalisa

    ORANJESTAD – Un virus gara a pone defensa di minister Otmar Oduber baha y dehydrata na un grado excesivo, cu resultado cu e mester a keda hospitalisa. Asina e mandatario a bisa NoticiaCla awe mainta for di su camber di hospital. E mandatario ta hospitalisa for di   diasabra ultimo despues di a bira malo y keda interna. E momento ey, informacion cu NoticiaCla a haya di su famia, ta cu e tabata dehydrate, y cu keintura. Dialuna minister president Evelyn Wever Croes a duna un update cu Oduber ainda tabata hospitalisa pero recuperando. Mientrastanto Oduber a splica e portal aki kico ta e motibo di su hospitalisacion. 

  • banco di caribe
  • Powered by SETAR