Habitantenan Parkietenbos cansa cu dump ta na candela atrobe

Habitantenan Parkietenbos cansa cu dump ta na candela atrobe

Posted on 06/21/2018 5:06 pm AST | Updated on 06/21/2018 5:07 pm AST

PARKIETENBOS - Awe merdia dump na Parkietenbos tabata na candela atrobe. NoticiaCla a compronde cu ya ta varios dia sigui cu den oranan di merdia dump di Parkietenbos tabata na candela y cu consecuencia cu e enorme cantidad di huma ta tapa Renaissance Island y tambe parti di e bario di Simeon Antonio. E biento ta fuerte den e dianan ami sinembargo de bes en cuando e ta bira y manda tur e contaminacion den e bario tambe. E portal aki a compronde cu habitantenan ta cansa y ta sperando e dia yega cu no ta kima mas sushedad riba e dump.

  • Comision a haya 3 luna pa evalua fayo di procedura social

    Comision a haya 3 luna pa evalua fayo di procedura social

    ORANJESTAD – Un commission di 2 persona cu gobierno di Aruba a institui pa evalua e procedura social di Aruba tin 3 luna pa raporta bek cu un rapport riba e situacion. Base di esaki ta e situacion recien unda cu cosnan a bay ‘fout’ den aspect social cu a resulta den morto di dos criatura aña pasa. A bin resulta cu varios procedura no tabata sea ‘in place’ of ‘funcionando’ cu a pone cu no por a evita e tragedia di e dos hobencitonan aña pasa. 

  • CTB: Corsou cu hopi mas pa ofrece prome cu 2018 termina

    CTB: Corsou cu hopi mas pa ofrece prome cu 2018 termina

    WILLEMSTAD – Recientemente un delegacion di Ofisina di Turismo di Kòrsou (CTB) y partnernan den e industria turistico a tene un encuentro cu prensa di Aruba pa asina informa prensa y agencianan di biahe di tur loke Corsou tin di ofrece prome cu aña 2018 caba y tambe un tiki di loke por spera den 2019.

  • A didici cu ta habri Caya Grandi atrobe pa cierto ora pa dia

    A didici cu ta habri Caya Grandi atrobe pa cierto ora pa dia

    ORANJESTAD – Caya grandi, esta Caya Gilberto Betico Croes lo wordo habri atrobe proximamente, aunke temporalmente esta pa cierto ora so den dia. Asina tanto minister Evelyn Wever Croes y minister di transporte Chris Romero a confirma durante un conferencia di prensa. E intencion ta pa habri e caya entre 7’or pa 11’or di mainta, y atrobe di 5’or pa 7’or di anochi. E otro oranan e caya lo permanece cera pa trafico di auto, y lo keda habri solamente pa tram y peaton. Segun e mandatarionan, e intencion ta cu kier fomenta mas trafico di F&B y otro aspectonan pa cual e trafico di auto ta bira un problema. Habri caya pa auto, peaton y tram hunto, no ta bay funciona hunto. Como tal a opta pa haci esaki solamente durante cierto ora, pa wak con ta bay, pero no a bira specificamente pues ki dia esaki lo sosode. 

  • A dicidi cu Aruparking no ta touw auto mas ni klem mas

    A dicidi cu Aruparking no ta touw auto mas ni klem mas

    ORANJESTAD – Mientras cu no a menciona un fecha exacto pa su implementacion, minister di Transporte Chris Romero a confirma cu a dicidi cu no solamente ta elimina e medida di ‘klem auto’, sino tambe no ta ‘touw auto’ mas tampoco. Anteriormente a cancela e aspecto di klem auto, pero si a continua cu touw e autonan. Algo cu no lo sigui mas sino mas bien lo multa e chauffeur, aunke ainda no ta deliña con exactamente esey lo sosode. Ademas a splica cu lo trece cambio den areanan di parker, unda cu ta re apunta cierto areanan pa parker gratis y otronan cu ta bira cu pago, y otronan pa esnan cu ta trahado (parti geel

  • Ex rector di Colegio Arubano Dolf Hoevertsz a bay sosega

    Ex rector di Colegio Arubano Dolf Hoevertsz a bay sosega

    ORANJESTAD - Dialuna a habri cu e tristo noticia cu ex rector di Colegio Arubano Dolff Hoevertsz (79) a bay sosega despues di un bataya contra cancer. Hoevertsz tabata rector di Colegio Arubano for di 1979 te 1993, y ta tata di conocido deportista Nicole Hoevertsz y architecto Orlando Hoevertsz. NoticiaCla ta manda palabra di forza na Nicole y Orlando y demas famia. Cu Dolf sosega na paz. 

  • STA: Accion na Arubus pa dialuna a keda cancela

    STA: Accion na Arubus pa dialuna a keda cancela

    ORANJESTAD - Despues di un reunion di casi dos ora diasabra entre sindicato STA y directiva di Arubus, a dicidi cu ta cancela e accion di trahadonan di Arubus, programa pa dialuna awor. Asina presidente di STA, Diego de Cuba a bisa NoticiaCla diasabra merdia despues di e reunion. Detayes lo sigui despues. 

  • crystal septiembre
  • Powered by SETAR