Contratista di Watty Vos Boulevard ta daña cable principal di cable tv y internet

Contratista di Watty Vos Boulevard ta daña cable principal di cable tv y internet

Posted on 05/15/2018 10:43 pm AST | Updated on 05/15/2018 10:45 pm AST

ORANJESTAD – Un biaha mas un contratista trahando riba e proyecto di Watty Vos Boulevard a causa daño na un cabel principal, causando un storing riba e servicio di internet y cable. Esaki a pone cu for di atardi tempran, varios barrio na Aruba a keda perhudica, sin señal di cable y of internet. Barionan manera Pos Chikito, Sabana Basora, Savaneta, Rooi Koochi, y Brazil a keda afecta. Anochi laat ainda e situacion no a remedia pa e habitantenan aki.

SITUACION

No ta prome biaha cu contratistanan riba e proyectonan menciona ta causa problema y daño na cabelnan importante. Un biaha te hasta DOW a ordena e contratistanan pa para tur trabou te ora cu e cabelnan tabata repara. No ta conoci con largo e biaha aki e trabounan lo dura. Riba e pagina di facebook di Setar, a menciona cu a trahando duro pa resolve e asunto aki. NOTA: E potret ta uno di archivo unda cu un otro cable, e biaha aki di coriente, a keda afecta door di trabou di contratista di Green Corridor aña pasa. 

--

  • SMOA ta desmenti aumento drastico di prijs di bukinan di Colegio Arubano

    SMOA ta desmenti aumento drastico di prijs di bukinan di Colegio Arubano

    ORANJESTAD – E noticia cu a circula cu prijs di buki pa Colegio Arubano a subi masha hopi, no ta corecto. Asina e fundacion cu ta maneha e scol, a informa pa medio di un comunicado. Segun e relato, recientemente SMOA a lesa den media cu prijs di buki di Colegio Arubano a subi masha hopi. “ E articulo a menciona cifranan cu ta incorecto” e comunicado ta bisa. Segun SMOA, lastimamente no a check cu nan kico e prijsnan ta di berdad. E noticia ta fake news.

  • No tin maestronan disgusta na Colegio Arubano segun SMOA

    No tin maestronan disgusta na Colegio Arubano segun SMOA

    ORANJESTAD – No tin maestronan disgusta, net prome cu aña escolar na Colegio Arubano. Asina un comunicado di SMOA, e fundacion cu ta maneha e scol, a bisa den un comunicado, hunto cu e informacion di supuesto aumento drastico di buki. “ Nos a cuminsa e aña escolar bon awe cu tur docentenan riba bon pia. Contrario na loke a transmiti den media prome cu e encuentro, cu e aña a cuminsa cu maestronan disgusta”.

  • Kiwanis na Aruba a yuda 99 mucha den nan proyecto di ‘Back to school'

    Kiwanis na Aruba a yuda 99 mucha den nan proyecto di ‘Back to school'

    ORANJESTAD - Pa di 6 aña consecutivo e tres clubnan di Kiwanis na Aruba, esta Kiwanis Club of Aruba, Kiwanis Club of Palm Beach y Kiwanis Club of Young Professionals Aruba, a uni forsa diasabra ultimo pa asina realisa e proyecto di “Back 2 School”. E aña aki un total di 99 mucha a ricibi ayudo cu nan articulonan pa cuminsa e aña escolar nobo. 

  • Aruba un biaha mas afecta pa brote di malesa di cacho Parvo

    Aruba un biaha mas afecta pa brote di malesa di cacho Parvo

    ORANJESTAD – Aruba un biaha mas ta afecta pa un brote di e malesa di cacho ‘Parvo’, cu ta afecta primordialmente cachonan ‘puppy’. Dos veterinario reconoci riba nos isla, Natalie Booi y Pieter Barendsen a confirma esaki pa NoticiaCla diaranson. “Nos ta logra di scapa casi tur pero normal mortality rate ta 85%” Booi a bisa. Barendsen ta confirma e situacion.“No obstante tratamento, un cantidad di 35% no ta sobrevivi” Barendsen a bisa e portal aki. E unico forma pa vence e malesa mortal aki, ta pa vacuna bo cacho, sigur esnan bou di un aña di edad.

  • APP di AZV cla pa wordo activa pa rate calidad di servicio

    APP di AZV cla pa wordo activa pa rate calidad di servicio

    ORANJESTAD- Dentro di algun siman Aruba en general lo por cuminsa haci uzo di un aplicacion telefonico di calificacion (Rating App), cu e idea su tras pa mehora e calidad di servicio medico na Aruba. Cu e informacion/data colecta, lo por haci analisis y yuda dokternan identifica problema, cual na su turno ta percura pa solucion.

  • Aruba Bank a inaugura programa di 30 aña di Hubileo OPPA

    Aruba Bank a inaugura programa di 30 aña di Hubileo OPPA

    ORANJESTAD - Pa celebra e hecho cu dia 26 di augustus venidero OPPA ta celebra su 30 aña di existencia, OPPA a traha un programa cu actividad diversifica pa su miembronan.

  • crystal casino bigger better bingo
  • Powered by SETAR