Aruba Wieler Bond ta tene cu su paseo silencio riba bicicleta

Posted on 05/15/2018 8:25 pm AST | Updated on 05/15/2018 8:26 pm AST

ORANJESTAD - Diaranson 16 Mei 2018, Aruba Wieler Bond lo tene su paseo silencio ariba bicicleta. Ride of silence ta un paseo ariba bicicleta unda anualmente , riba e mesun dia y ora, ciclista nan full rond di mundo ta uni nan mes pa concientiza automobilistanan ariba e seguridad den trafico y alavez conmemora ciclistanan cu accidenta of a fayece door di un trafico insigur.

Aruba Wieler Bond y su miembronan ta extende un cordial invitacion na full comunidad di Aruba pa participa cu nos ciclistanan na e paseo silencio aki.

E paseo lo tuma lugar awe diaranson, pa 7 or di anochi. Lo reuni y start na e parkeerplaats dilanti Nagico Insurances na Avenida Milio Croes. Lo continua e paseo pasando den caya Papa Juan Pablo II, Wilhelmina straat, Arnold M. Schutte straat (roundabout), Lloyd G. Smith Blvd, Wendy’s Blvd (roundabout), Lloyd G. Smith Blvd, Las Americas (roundabout), Vondellaan, Caya Papa Juan Pablo II y lo termina bek na Caya Avenida Milio Croes dilanti oficina di Nagico Insurances.

E ruta lo ta uno cortico di mas o menos 8 km y e velocidad lo ta uno abou y apto pa tur edad y nivel. Si, nos kier a recorda pa tur participante ekipa na mes cu reflector, luz y sin lubida nan helm.

Nos ta encurasha grandi y chikito pa bini cu full famia y uni nos forza tur hunto pa concientiza tur automobilistanan cu nos ciclistanan tambe ta desea di participa den un trafico sigur.

Nos ciclistanan ta conciente cu nos ta forma parti di trafico y cumpli cu reglanan di trafico pa nos seguridad ta nos responsabilidad, pero cu un poco cooperacion y respet di parti nos automobilistanan nos tambe por yega cas bek cerca nos sernan keri despues di a practica nos deporte preferi.

 

  • Minister Oduber a efectua e apertura di Campeonato di futbol Division Honor

    Minister Oduber a efectua e apertura di Campeonato di futbol Division Honor

    ORANJESTAD - Diabierna ultimo den presencia di directiva di AVB y fanaticadonan di futbol, Minister di Deporte Sr. Dangui Oduber a efectua e apertura di e Campeonato Division Honor 2018/2019 den Compleho Deportivo Guillermo Trinidad. E campeonato aki ta wordo dedica na dos baluarte Arubiano cu ta Sr. Fenchi Dubero y Sr. Fico Vrolijk kendenan tambe a ricibi un reconocimento. Den e prome wega di e campeonato, SV Brazil Juniors a enfrenta ASV Riverplate caminda e wega a termina 0-0. E mandatario a desea e ekiponan tur clase di exito y a invita Aruba henter pa bin apoya bo ekipo preferi y asina sostene e deporte di futbol aki na Aruba.

  • Awe nochi AVB ta start cu campeonato di futbol 2018-2019

    Awe nochi AVB ta start cu campeonato di futbol 2018-2019

    ORANJESTAD – Awe nochi Diabierna 19 di october pa 8:00pm lo resona e fluit pa inicia campeonato di futbol Division di Honor 2018-2019. E prome wega ta den Stadion G.P. Trinidad na Dakota y lo ta entre SV Brazil Jrs y SV Riverplate. A scoge e secuencia di e weganan via tiramento di lot. Diabierna anochi e campeonato ta cuminsa completamente di nobo. Pa e fanaticonan, tur entrada cu paga na porta ta bay directamente na e ekiponan hungando e anochi ey. Entrada pa adulto ta 7 florin mientras cu muchanan ta paga unicamente 3 florin pa por drenta stadion.

  • Un Arubiano y un Yiu di Corsou lo topa otro den Serie Mundial MLB

    Un Arubiano y un Yiu di Corsou lo topa otro den Serie Mundial MLB

    BOSTON – E aña aki, e weganan di Serie Mundial di baseball Grandes Ligas na Merca, tin un toke special. Awor cu e ekipo di Boston Red Sox a gana e derecho pa representa liga Americana, ta un garantia cu ken cu gana e derecho pa representa liga Nacional, cu lo tin un yiu di Corsou ta topa un Arubiano durante e serie otro siman. E Arubiano Xander Bogaerts di Boston Red Sox, lo topa sea Kenley Jansen di Los Angeles Dodgers of Jonathan Schoop di Milwaukee Brewers. E dos ekiponan ultimo ta topa otro pa dicidi cua di dos ta topa Boston otro siman diamars na Boston. E ta algo unico y ta haci e serie mas interesante tambe pa fanaticonan di tanto Aruba y Corsou. 

  • Seleccion nacional di futbol di Aruba ta empata 0 - 0 cu Guadeloupe

    Seleccion nacional di futbol di Aruba ta empata 0 - 0 cu Guadeloupe

    ORANJESTAD - Seleccion nacional di futbol di Aruba a empata 0 - 0 cu Guadeloupe diamars anochi y awor tin 4 punto den dos wega hunga den e Nation League. E wega a tuma lugar na Guadeloupe na Basse Terre. E wega ta wordo considera como aceptabel. E proximo wega di Aruba ta tuma lugar na November na Corsou contra Montserrat. No por hunga na Aruba pasobra FIFA a descualifica e estado di e terenonan di futbol official na Aruba. Potret cortesia 297 Sports. 

  • Seleccion Nacional di futbol di Aruba a biaha pa enfrenta Guadalupe

    Seleccion Nacional di futbol di Aruba a biaha pa enfrenta Guadalupe

    ORANJESTAD - E seleccion Nacional di futbol di Aruba a biaha pa Guadalupe, pa enfrenta Guadalupe den e di dos wega di CONCACAF Nations League. Mainta trempan e hungadonan di e seleccion a yega Aeropuerto pa por a biaha pa Guadalupe, unda cu nan a topa cu Presidente di Arubaanse Voetbal Bond (AVB), ing. Richard Dijkhoff. E Seleccion Nacional a gana nan prome wega y diamars awo nan lo hunga nan di dos wega den fase di grupo, buscando otro 3 punto den nan poule.

  • Arubiano Denzel Dumfries ta den seleccion nacional di futbol Hulandes

    Arubiano Denzel Dumfries ta den seleccion nacional di futbol Hulandes

    AMSTERDAM/ORANJESTAD – E Arubiano Denzel Dumfries pa prome biaha ta forma parti di e seleccion nacional di futbol Hulandes. Asina prensa Hulandes a raporta diabierna. Actualmente e ta hungando den e seleccion professional di PSV desues di a bin di ekiponan manera Sparta y SC Heerenveen. E ta forma parti awor di e seleccion  di 25 hungador, bou di entrenador Ronald Koeman. Ta considera esaki como un ‘premio’ pa su bon prestacion cu e ekipo PSV.  Pa Aruba esaki sigur ta un honor grandi, mirando con su yiu di tera ta militando den e seleccion nacional di Hulanda. Banda di Dumfries, tin mas colega di dje cu a wordo selecciona pa prome biaha den e seleccion nacional. Ta trata aki di Steven Bergwijn y Pablo Rosario voor het eerst opgeroepen voor het Nederlands elftal. E seleccion Hulandes ta hunga dia 13 di October den cuadro di Nations League contra Alemania. E wega ta tuma lugar den Johan Cruijf Arena. Dia 16 di October tin un wega amistoso na Bruselas contra Belgica. 

  • Powered by SETAR