Abogado: Danki na Panama Papers a gara ex trahado di Setar

Abogado: Danki na Panama Papers a gara ex trahado di Setar

Posted on 04/15/2018 7:50 pm AST | Updated on 04/15/2018 7:52 pm AST

MIAMI/ORANJESTAD – Si no ta pa e ‘famoso’ Panama Papers di dos aña pasa, ainda e ex trahado di Setar E. Koolman lo ta ocupa cu su schema illegal di gana placa. Asina abogado Mericano pa e compania local di telecomunicacion Setar Benton Curtis, a bisa recientemente. Mas informacion ta circulando den prensa Mericano riba e tema, despues cu diabierna ultimo Koolman a admiti culpabilidad den e caso di labamento di placa di miyones di dollar mientras cu e tabata bende y negosha cu hopi compania di telefon celular mericano. Entre nan un raportahe di Miami Herald. 

OPERACION

Segun un raportahe den e matutino Miami Herald, Koolman a gana 1.3 miyon dollar den soborno, pa maneha contractonan di celular di gobierno balora na 45 miyon dollar na 10 compania na Miami y otro caminda. Algun di e telefonan tabata segunda mano y infecta cu programanan pornografico.  

CASTIGO

Si haya Koolman culpabel pa su actonan, e por sinta 8 aña den prison pa su envolvimento di labamento di placa y conspiracion aplica, pero por ricibi menos aña di castigo si e coopera cu informacion valioso na autoridad Mericano. Esaki pasobra ta trata di un schema gigantesco di corupcion entre Sur di Florida pa Aruba.

PANAMA PAPERS

Ta te na 2016 cu e informacion di su nomber a aparece den Panama Papers, cu a descubri su ‘actonan fraudulento’. Tabata e ora cu e compania pa cual Koolman tabata traha pe ainda, esta Setar, a bin descubri e informacion.

TRANSACCION

Segun e relato, un comerciante di Miami a usa cuentanan bancario y tarjetanan di banco pa paga Koolman $ 705 mil dollar na soborno a cambio di contractonan pa telefonan celular pa Setar, balora na $23.8 miyon dollar. Despues cu Setar a kita Koolman for di trabou, a demande na Miami aña pasa, acusando e di dirigiendo e sobordo di otro persona y otro comerciantenan pa medio di su cuenta bancario exterio (offshore) y cuentanan bancario na Panama. El agasta e placa na entre otro renobacion di su cas na Aruba, incluyendo reparacion na piscina y panel solar. Otro fondo a wordo usa pa cumpra un pick up pa su yiu, huur y otro gastonan pa su by-side. E caso no ta solamente pa haya Koolman paga e gastonan bek, sino tambe su ex casa y tur compania cu tabata envolvi.

ABOGADO

E abogado pa Setar na Merca, Benton Curtis a declara cu increiblemente si no tabata pa e Panama Papers, e conducta ilicito nunca lo a wordo descubri. 

Fuente di informacion cortesia di  www.Miami Herald.com 

 

 

 

  • Sospechoso di atentado riba Mercado di Pasco na Francia a wordo tira mata

    Sospechoso di atentado riba Mercado di Pasco na Francia a wordo tira mata

    STRAATBURG – E sospechoso di e atentado riba e Mercado di Pasco na Francia Cherif Chekatta wordo tira mata pa polis. Esey a sosode den e pueblo  di   Neudorf na Straatsburg unda cu a wak e ultimo biaha despues cu el a baha di un taxi. A scucha por lo menos 3 tiro. Segun testigonan ocular tabatin un accion grandi di polis pa haya e culpable di e atentado cu a sosode diamars.  E atentado a laga por lo menos tres persona morto. 

  • Segun e compania, ‘recall’ di producto di Del Monte ta valido pa Aruba tambe

    Segun e compania, ‘recall’ di producto di Del Monte ta valido pa Aruba tambe

    WALNUT CREEK, Calif. – E compania Del Monte Foods Inc. ta haciendo un ‘recall parcial’ di 62,242 caha di e producto ‘Fiesta Corn Season with Red & Green Peppers’ como un medida di precaucion despues cu a nota cu e product ‘no tabata procesa corectamente cu por conduci na contaminacion mortal’. E recall ta afecta 25 estado Mericano y 12 localidad internacional incluyendo Aruba. Pero localmente no ta conoci ainda si esaki en berdad ta e caso. Departamento di Salud di Aruba a keda di check si esaki enberdad ta afecta Aruba. Den pasado, productonan cu ta haci mencion di Aruba, hopi biaha toch no ta wordo afecta. 

  • Prome minister Britanico May a sobrevivi mocion di desconfiansa

    Prome minister Britanico May a sobrevivi mocion di desconfiansa

    LONDON – E prome minister di Inglatera Theresa May a sobrevivi un mocion di desconfiansa diaranson anochi (ora di Inglatera), cu 200 voto pro y 117 contra, despues di a lansa un pelea desespera pa sobrevivencia politico. El a bisa e parlamento cu e lo no lidera e partido den un siguiente eleccion.  May lo biaha pa Brussels diahuebs pa salvaguardia e deal di Brexit (salida Britanico di Union Europeo). 

  • Ex abogado di presidente Trump sentencia na 3 aña di prison

    Ex abogado di presidente Trump sentencia na 3 aña di prison

    WASHINGTON – Ex abogado di presidente Mericano Donald Trump, Michael Cohen a keda sentencia na 3 aña di prison diaranson. E tin cu presenta na prison na comienso di maart di 2019. E ta e prome miembro di e grupo di Trump cu ta wordo sentencia pa e caso di metemento di Rusonan den e eleccion presidencial di 2016. Su condena ta pa a gaña congreso Mericano, viola finansas di campaña y evadi impuesto. Cohen ta culpa su ex hefe Trump, y cu su loyalidad na e presidente a causa su caida.  

  • Prome minister Britanico ta confronta voto di no confiansa

    Prome minister Britanico ta confronta voto di no confiansa

    LONDON – Prome minister Britanico Theresa May tin chens di wordo baha di su funcion diaranson anochi (ora di Inglaterra) si e no sobrevivi un voto di no confiansa contra dje. Un total di 48 parlamentario di su partido conservativo a pidi pa e voto aki. May un dia prome a pospone e voto pa Brexit (salida di Inglatera for di Union Europeo), debi cu no tabatin siguransa cu e por a gana e voto aki. May mesora a tene un conferencia di prensa unda cu el a sigura tur hende cu e lo bringa e voto ‘cu tur cos cu mi tin’.  

  • Merca y Rusia den disputa pa avionan miltar Ruso na Venezuela

    Merca y Rusia den disputa pa avionan miltar Ruso na Venezuela

    CARACAS/WASHINGTON – Merca y Rusia ta den un disputa relaciona cu e aterisahe di dos avion bombardero Ruso dialuna na Venezuela. E dos avionan Tu-160 a aterisa dialuna den un muestra di sosten Ruso na gobierno di presidente Venezolano Nicolas Maduro. Venezuela su minister di defense ta sigura cu ta parti di ehercisionan Ruso y Venezolano. Minister di Relacionan Exterior Mericano  Mike Pompeo ta considera e acto como gastamento di fondo publico door di dos gobierno corupto, refiriendo na Venezuela y Rusia. Gobierno Ruso ta yama e palabranan ‘completamente inapropia’. Minister Venezolano Padrino ta sigura cu e no ta nada mal. “Esaki nos ta haci cu nos amigonan, pasobra nos tin amigonan na mundo cu ta defende relacionan respetuoso y balansa”. 

  • Powered by SETAR