Abogado: Danki na Panama Papers a gara ex trahado di Setar

Abogado: Danki na Panama Papers a gara ex trahado di Setar

Posted on 04/15/2018 7:50 pm AST | Updated on 04/15/2018 7:52 pm AST

MIAMI/ORANJESTAD – Si no ta pa e ‘famoso’ Panama Papers di dos aña pasa, ainda e ex trahado di Setar E. Koolman lo ta ocupa cu su schema illegal di gana placa. Asina abogado Mericano pa e compania local di telecomunicacion Setar Benton Curtis, a bisa recientemente. Mas informacion ta circulando den prensa Mericano riba e tema, despues cu diabierna ultimo Koolman a admiti culpabilidad den e caso di labamento di placa di miyones di dollar mientras cu e tabata bende y negosha cu hopi compania di telefon celular mericano. Entre nan un raportahe di Miami Herald. 

OPERACION

Segun un raportahe den e matutino Miami Herald, Koolman a gana 1.3 miyon dollar den soborno, pa maneha contractonan di celular di gobierno balora na 45 miyon dollar na 10 compania na Miami y otro caminda. Algun di e telefonan tabata segunda mano y infecta cu programanan pornografico.  

CASTIGO

Si haya Koolman culpabel pa su actonan, e por sinta 8 aña den prison pa su envolvimento di labamento di placa y conspiracion aplica, pero por ricibi menos aña di castigo si e coopera cu informacion valioso na autoridad Mericano. Esaki pasobra ta trata di un schema gigantesco di corupcion entre Sur di Florida pa Aruba.

PANAMA PAPERS

Ta te na 2016 cu e informacion di su nomber a aparece den Panama Papers, cu a descubri su ‘actonan fraudulento’. Tabata e ora cu e compania pa cual Koolman tabata traha pe ainda, esta Setar, a bin descubri e informacion.

TRANSACCION

Segun e relato, un comerciante di Miami a usa cuentanan bancario y tarjetanan di banco pa paga Koolman $ 705 mil dollar na soborno a cambio di contractonan pa telefonan celular pa Setar, balora na $23.8 miyon dollar. Despues cu Setar a kita Koolman for di trabou, a demande na Miami aña pasa, acusando e di dirigiendo e sobordo di otro persona y otro comerciantenan pa medio di su cuenta bancario exterio (offshore) y cuentanan bancario na Panama. El agasta e placa na entre otro renobacion di su cas na Aruba, incluyendo reparacion na piscina y panel solar. Otro fondo a wordo usa pa cumpra un pick up pa su yiu, huur y otro gastonan pa su by-side. E caso no ta solamente pa haya Koolman paga e gastonan bek, sino tambe su ex casa y tur compania cu tabata envolvi.

ABOGADO

E abogado pa Setar na Merca, Benton Curtis a declara cu increiblemente si no tabata pa e Panama Papers, e conducta ilicito nunca lo a wordo descubri. 

Fuente di informacion cortesia di  www.Miami Herald.com 

 

 

 

  • Forza Areo Mericano ta asisti mama Arubiano di yiu asesina

    Forza Areo Mericano ta asisti mama Arubiano di yiu asesina

    EGLIN, FL – E base di forsa Aereo Mericano na Eglin Florida, ta asistiendo e dama Arubiano Darrelly Franken cu desde diabierna ultimo ta den un crisis familiar ora cu el a haya su yiu homber morto y su casa herida. Manera ta conoci e casa,- tambe Arubiano -, Frederick Franken ta sospecha di a mata su yiu homber di tres aña, Frederick Jr, y purba di pone fin na su propio bida, cu ayudo di un cuchiu di cushina. E siman aki amigonan como personal di e base ta asistiendo e dama cu sosten moral y e parti financiero. E mama ta un piloto (airman) di profesion riba e base. 

  • Pasahero di Aruba a causa brote di sarampi na aeropuerto Mericano

    Pasahero di Aruba a causa brote di sarampi na aeropuerto Mericano

    NEWARK – Pa motibo di un pasahero cu a bin for di Aruba, departamento di salud di New Jersey a bati alerta atrobe (dos biaha den 3 luna) pa brote di malesa di sarampi na Newark Liberty International Airport. E pasahero infecta cu e malesa a biaha di Aruba pa Newark prome cu e sali pa California dia 4 di maart ultimo. E homber a pasa den e terminal C pero por a bishita otro parti di e aeropuerto tambe. Cualkier hende cu tabata na e aeropeurto entre 9pm di anochi dia 4 di maart y 9:30am dia 5 di maart, por ta exponi na e malesa awor, segun ofialnan di salud di New Jersey. E simptomanan por presenta y desaroya ainda te cu 26 di maart proximo. E malesa ta wordo plama via aire door di tosamento, niester of cu e saliva di un hende cu ta infecta. Na December caba oficialnan di Salud a bsia cu un biahero internacional cu a yega e mesun aeropuerto, a yega for di Bruselas bispo di pasco, y tabata infecta cu sarampi tambe. 

  • Tiroteo na dos Moskee na Nueva Zelanda ta laga 49 hende morto

    Tiroteo na dos Moskee na Nueva Zelanda ta laga 49 hende morto

    CHRISTCHURCH –  Un total di 49 persona a muri y 20 a keda herida den un tiroteo na dos diferente Moskee na Christchurch, Nueva Zelanda. Prome minister Jacinda Arden a describe e incidente como un acto terorista y un di Nueva Zelandia su dianan mas scur. Un homber di 28 aña Brenton Tarrant, a keda a wordo acusa di ew mortonan, y tin cu aparece den corte diasabra awor. Dos otro homber y un muher a wordo deteni cu arma y explosive den besindario. Un di nan a keda den libertad despues.  E atake a tuma lugar mientras cu hendenan tabata atende e misa. 

  • Facebook, Instagram y messenger cu problema serio internacional

    Facebook, Instagram y messenger cu problema serio internacional

    LOS ANGELES – E plataforma social Facebook a confirma diaranson merdia cu e tin problema serio, pero cu no e no a wordo ‘gehacked’. Hunto cu Facebook, Instagram y messenger tambe tabata down for di merdia. Usuarionan ta raporta blackout total riba tur e  tres plataformanan. E fayo a afecta areanan manera Merca, Europa y parti di Sur America. Whatsapp, cu tambe ta di Facebook, tabatin problema sporadico, pero no ta afecta manera e otronan. Mientras cu Facebook a admiti problema, nan no a logra resolve e problema, 4 ora despues cu e problema a surgi. “Nos sa cu tin problema y ta tratando na resolve e problema mas pronto cu ta posibel. 

  • Merca tambe a ‘ground’ avionnan Boeing 737 Max

    Merca tambe a  ‘ground’ avionnan Boeing 737 Max

    WASHINGTON – Presidente Mericano Donald Trump a anuncia diaranson merdia cu pa medio di un orden di emergencia, ta ‘ground’ tur avion tipo Boeing 737 max den cuadro di e accidente di Ethiopian Airlines diadomingo y esun di Lion Air na October aña pasa cu a mata 346 persona hunto. Su anuncio ta bin despues cu e agencia federal di aviacion mericano FAA tabata bou di presion di e industria di aviacion pa ground e tipo di avion aki. Nan tabata e unico casi cu no a prohibi e tipo di avion di bula. Europa y otro paisnan na mundo si a haci esaki. 

  • Union Europeo a prohibi avionan Boeing 737 Max bula riba nan espacio aereo

    Union Europeo a prohibi avionan Boeing 737 Max bula riba nan espacio aereo

    BRUSELAS – Union Europeo y India a prohibi e Boeing 737 Max di bula riba nan espacio aereo, pa asina proteha e pasahero. Nan ta uni un lista largo di paisnan cu a suspende e avion, incluyendo Gran Bretania. Tur esaki despues cu un avion di Ethiopian Airlines a cay diadomingo, matando 157 persona abordo. E tabata e di dos accidente fatal envolviendo e tipo di avion aki den apenas 5 luna. Oficialnan Mericano sinembargo si ta sigui bisa cu e avion ta safe pa bula. Sinembargo sindicato di tripulante di cabina a pidi FAA (Federal Aviation Administration) pa temporalmente ‘ground’ e tipo di avion ey. 

  • Powered by SETAR