Aruba Bank ta cla p’e competencia anual di fli di SC United

Aruba Bank ta cla p’e competencia anual di fli di SC United

Posted on 04/15/2018 6:51 pm AST | Updated on 04/15/2018 6:51 pm AST

ORANJESTAD - E aña aki un biaha mas Sport Club United ta organisando e tremendo competencia di Kite Slam Anual y Aruba Bank lo ta formando parti di dje. E competencia lo tuma luga pa 11 aña consecutivo na veld di SC United na Boegoeroei unda cu tur hende por presencia di shownan di fli riba dianan 26, 27 y 28 di April.

Como e patrocinado di e competencia, Aruba Bank ta scoge e premio di e fli mas grandi. Diadomingo 29 di April for di 9’or di mainta pa 7’or di anochi lo tuma luga e competencia di categoria Fli Gigante. E competencia di e “Fli Gigante” conoce dos categoria, esta categoria E (3.50 m – 4.25 m) y categoria F (4.30 m – 5.00 m).

E otro categorianan di competencia Fun Night Event, e categoria Fli cu Luz, lo tuma luga diahuebs anochi for di 7’or pa 12or, mientras e categoria di Fli Mediano lo tuma luga diabierna  for di 9’or di mainta pa 7’or di anochi.

E aña aki un biaha mas tur hende por disfruta pa mira cua fli ta mas bunita, cua ta mas grandi, cua lo bula y ken lo gana. Aruba Bank ta invita comunidad henter pa bin disfruta di un tremendo evento di tres dia di competencia. Tambe pa bin celebra e arte di construi un fli cu e toke special di Aruba Bank

  • Shariska Winterdal a core 500 km riba bicicleta rond di Aruba

    Shariska Winterdal a core 500 km riba bicicleta rond di Aruba

    ORANJESTAD – E conocido atleta Shariska Winterdal a logra su meta di core 500 km rond di Aruba pa un bon causa (Fundacion Frank Polanco) esta genera fondo pa muchanan cu a keda Huerfano. E intencion tabata pa genera 25 mil florin, cobrando 50 florin pa km. Y cu e logro di Winterdal, ta logra esaki tambe. E ta un logro inmenso, no solamente pa e distancia cubri, pero pa e hecho cu e ta haci pa un dama, y su so (acompaña si constant pa un grupo di ciclista y un team sostenedor). Shariska a cuminsa core diasabra 4’or di atardi, y a termina 24 ora y 25 minuut mas laat, a yega na su lugar di salida na Linear Park. Hopi emociona, pero satisfecho di su logro, Shariska a bisa na final cu e tabatin poco dolor, pero a absorba esaki pa e causa di e muchanan. Cu e logro aki, e ta bira un otro heroe, banda di esnan cu a landa di Venezuela pa Aruba. E informacion y potretnan ta cortesia di 297 Sports Aruba. 

  • Sistema nobo digitalisa pa nominacion di atletanan pa PED 2018

    Sistema nobo digitalisa pa nominacion di atletanan pa PED 2018

    ORANJESTAD - Manera ta conoci caba tur aña ta tuma lugar Premio Excelencia den Deporte caminda ta duna reconocemento na e atletanan cu a destaca den nan deporte e aña anterior. Minister di Deporte Sr. Dangui Oduber un biaha mas ta desea di duna reconocemento na nos atletanan cu a destaca den aña 2018.

  • Diasabra Shariska Winderdal ta core 500 km riba bicicleta

    Diasabra Shariska Winderdal ta core 500 km riba bicicleta

    ORANJESTAD - Diasabra awor e conocido deportista Shariska Winderdal ta core 500 km riba bicicleta, pa un bon causa. A pidi encarecidamente na tur automobilista pa por fabor ban poco poco riba caminda y coopera cu un di e hazaña nan mas grandi den historia di nos deporte. Ora bo wak Shariska y su crew para bandi caminda y apoya Shariska pa asina e por completa e 500km pa un bon causa.

  • ESPN Latin a cubri 4 atleta local cu a capta atencion internacional

    ESPN Latin a cubri 4 atleta local cu a capta atencion internacional

    ORANJESTAD  – E conocido cadena di television ESPN ta mundialmente conoci pa transmiti programanan relata cu deporte riba canal di television y rednan social. Pa e region Latino America esaki ta yama ESPN Latin y ta transmiti na e idioma spaño. Riba iniciativa y bao guia di Aruba Tourism Authority e seccion di ESPN - Women Latina America, a bishita nos isla pa cubri bida di cuater atleta local cu a sa di capta atencion internacional cu nan logronan grandi den deporte. Nan ta conta nan storia di perseverancia y determinacion. Ademas, ESPN ta mustra e bida diaria di cada un di nan, con e ta pa biba cu e deporte, nan training y kico e ta pa ta un hende muhe den deporte en general y e sacrificio pa nan biba como atletanan mundial den e prestacionnan top di nan deporte.

  • Vianney Coffie e prome polis pa participa den Competencia Ironman

    Vianney Coffie e prome polis pa participa den Competencia Ironman

    MACUARIMA -  Vianney Coffie un polis no desconoci den nos comunidad lo participa den IronMan 2018. Vianney Coffie ta forma parti di e  unidad canino miho conoce como (K9 UNIT) di Cuerpo Policial Aruba. Tur cos a inicia na e comienso di e aña aki ora ela participa den Ronde van Aruba. Esaki tabata e comienso di un hazaña cu awe e ta bai participa na Iron Man na Colombia.

  • Power FM cu donacion na Fundacion Kayak Aruba y 297 Soccer Academy

     Power FM cu donacion na Fundacion Kayak Aruba y 297 Soccer Academy

    ORANJESTAD - Power FM dunando apoyo na deporte di Aruba, diamars anochi a haci dos donacion pero alabes haci anuncio di construccion di nan edificio den 2019. E instancianan deportivo ta Fundacion Kayak Aruba y 297 Soccer Academy. Sr. Ralph Maduro como Sr. Ruben Garcia a ricibi representante di e dos instancianan pa haci e donacion na nan. Prome a toca Sr. Ruben Garcia pa haci donacion na Fundacion Kayak Aruba cu ricibi su check di 7 mil 563 florin. Fundacion Kayak Aruba ta dedica na hobennan cu ta gusta e deporte di kayak y ta contribui den e muchanan desaroyo y diciplina riba lama. For di tempo cu a cuminsa cu e fundacion e prome kayak nan tabata segunda mano y awor ta tempo pa reemplaso segun representante di e fundacion. Di parti Fundacion Kaya Aruba nan ta hopi contento y gradici cu e donacion y sigur lo bay haci bon uzo di dje na bienestar di e hobennan pasobra e interes ta grandi den e deporte aki. Mesora Sr. Ralph Maduro a sigui cu e di dos donacion cu a bay pa 297 Soccer Academy. Un suma di 2 mil florin a keda presenta na nan cu por yuda pa cumpli cu e proyectonan di Soccer camp cu ta organisa. Segun e representante pa organisa un evento sin donacion y sponser ta dificil haci esaki. E eventonan cu ta organisa ta yuda e muchanan den nan desaroyo di futbol pero tambe have fun na un manera sano den nan vakantie. Na december awor 297 Soccer Academy ta bay cumpli 1 aña di existencia y nan tin como 60 mucha registra na e academia. Pa cumpli cu e cantidad di mucha tin dos localidad di cual uno ta na Playa y otro na Savaneta. E edad di e muchanan ta di 4 pa 15 aña unda ta yuda nan cu e tecnico basico pa nan desaroyo. Tur club cu kier haya ayudo pa nan hungado por haya training extra por acudi serca nan. E idea ta pa cuminsa cu e muchanan for di chikito pa asina poco poco futbol di Aruba crece y crea futbolistanan grandi. Di e forma aki Power fm a haci donacion pa engrandece e mundo deportivo di Aruba.  

  • Powered by SETAR