Departamento di Relacionnan Exterior anfitrion di reunion riba tereno di tratado

Departamento di Relacionnan Exterior anfitrion di reunion riba tereno di tratado

Posted on 04/15/2018 6:41 pm AST | Updated on 04/15/2018 6:42 pm AST

ORANJESTAD - Recientemente e Departamento di Relacionnan Exterior tabata anfitrion di coleganan di e paisnan di Reino Hulandes, cu a bin Aruba pa un reunion riba tereno di tratadonan internacional. Representantenan di e Ministerio di Relacionnan Exterior na Den Haag y di e Departamentonan di Relacionnan Exterior (DBB) di Sint Maarten, Corsow y Aruba a repasa conhuntamente e diferente tratadonan cu ta den proceso pa wordo ratifica y implementa pa e paisnan. Aruba, como parti di Reino, ta forma parti di un gran cantidad di tratado y acuerdo internacional, cu ta crea oportunidadnan importante pa nos pais.

E asina yama “Verdragenoverleg” ta un encuentro cu ta tuma lugar tur aña, cada biaha den un di e paisnan di Reino Hulandes, y ta percura pa esnan encarga cu e tema aki por coordina maneho, den e caso aki riba tereno di tratado. Hasiendo uso di medionan tecnologico cu ta disponible awendia, por hasi e comunicacion entre e departamentonan mas efectivo.

 

 

Riba e potret por mira e participantenan na e Verdragenoverleg cu a tuma lugar recientemente na Aruba, cu participacion di representantenan di e Departamentonan di Relacionnan Exterior di Reino Hulandes.

  • DVG: Vacuna di influenza pa temporada 2018/2019 a yega Aruba

    DVG: Vacuna di influenza pa temporada 2018/2019 a yega Aruba

    ORANJESTAD - Tur aña di nobo entre luna di november pa december ta un custumber cu e grupo di riesgo den nos comunidad ta acudi na Departamento di Salud Publico pa busca nan vacuna contra griep (influenza).

  • Pontilius: Otro siman ta spera di restablece paz na hospital

    Pontilius: Otro siman ta spera di restablece paz na hospital

    ORANJESTAD – Si tur cos cana bon, e impasse cu tin na Hospital Horacio Oduber entre su Raad van Toezicht y sindicato ABV por keda soluciona otro siman. Asina mediador di gobierno Anselmo Pontilius a bisa NoticiaCla diabierna mainta. Pontilius a reuni algun biaha cu e dos partidonan y kier soluciona e asunto pa dialuna awor. E intencion ta pa na final firma un documento di un pagina  (A4) cu mester bira e ‘declaracion di paz’. Pontilius a confirma cu tur partido ta sigui para riba cierto punto, pero e tin confiansa cu por haya otro, otro siman.

  • ARA: Gobierno mester haci mas pa realisa desaroyo sostenibel

    ARA: Gobierno mester haci mas pa realisa desaroyo sostenibel

    ORANJESTAD - . Aunke gobierno a cuminsa haci preparacion riba e tereno di desaroyo sostenibel, e ta un bon comienso, pero e no ta suficiente. Asina un raport di ARA (Corte di auditoria) ta bisa den un comunicado di e instancia aki diabierna. Segun e rapport cu lo keda presenta diabierna atardi, Gobierno di Aruab mester pone atencion na algun punto pa por garantisa un base solido y un realisacion duradero di e SDGs. Pa di prome, ta importante pa tin un plan strategico riba nivel nacional, unda lo atende tur e cinco pilarnan di e desaroyo duradero y lo otorga e responsabilidad pa esaki na cada minister. Actualmente no tur minister ta envolvi den e fase preparatorio. Esaki tin como consecuencia cu nan intencionnan di maneho no ta directamente conecta cu realisacion di e SDGs. Tambe no ta tur minister ta na altura di e desaroyonan relaciona cu implementacion di e SDGs. Corte di Auditoria ta conseha pa otorga responsabilidad na cada minister den e fase actual aki y pa percura cu e intencionnan di maneho ta similar, p’asina por realisa e obhetivonan.  

  • Rotonde Cumana direccion Sta Cruz ta habri atrobe!

    Rotonde Cumana direccion Sta Cruz ta habri atrobe!

    ORANJESTAD - Casi un siman despues cu e parti di rotonde na  Cumana direccion Sta Cruz mester a habri bek despues di trabounan necesario, DOW a anuncia cu porfin e ta habri atrobe. Como motibo pa e di dos retrazo (prome biaha a bisa cu e ta habri diabierna, djey diamars), a bisa cu e tardansa tabata pa motibo di cu e beton mester a seca bon. Mester bisa sinembargo cu diaranson ainda e buraco tabata habri. Pues no ta conoci cua buraco mester a cera cu beton for di diamars.

  • Caricom a evalua miembrecia asocia di Aruba cu prome minister Wever

    Caricom a evalua miembrecia asocia di Aruba cu prome minister Wever

    ORANJESTAD  – E Secretario General di  Caribbean Community (CARICOM), Emhahador Irwin LaRocque a topa diaranson cu prome minister di Aruba Evelyn Wever Croes riba e asunto di membrecia asocia den e grupo di 15 miembro regional esta - 'the Caribbean Community (CARICOM) for the Dutch Territory’ esta e teritorio Hulandes. 

  • E cuater botonan Metal Sharks pa Warda Costa di Aruba a yega

    E cuater botonan Metal Sharks pa Warda Costa di Aruba a yega

    ORANJESTAD – Awe mainta e 4 botonan tipo Metal Sharks pa Ward Costa Aruba a yega Aruba. Awor ta cuestion di prepara nan pa uso, pa despues por cuminsa usa nan den operacion diario.  

  • CRYSTAL CASINO NOV.
  • Powered by SETAR