Corte di apelacion ta declara sospechoso di asesinato Lalo Webb liber

Corte di apelacion ta declara sospechoso di asesinato Lalo Webb liber

Posted on 03/12/2018 4:39 pm AST | Updated on 03/12/2018 4:40 pm AST

ORANJESTAD – Corte di apelacion awe a declara e persona sentencia pa e homber Lalo Webb, esta E.J.M. Hereira, liber di tur culpabilidad. Ta trata di e caso cu a tuma lugar dia 19 di maart 2015 na Aruba. Na mei 2017 Corte di prome instancia a sentencia Hereira na 20 aña di prison. Corte di apelacion ta pensa sinembargo, cu no tin suficiente prueba pa por sentencia Hereira.  

Corte a analisa e pruebanan riba cual Hereira a keda sentencia na prome instancia, riba un otro merito. E pruebanan ta basa riba prueba di DNA y tres combersacion cu a tap. Tabatin rastro mixto di DNA riba e curpa, y segun e investigacion, tabatin rastro di DNA di e sospechoso tambe. E tres combersacionnan telefonico, haci riba dia di e asesinato, segun investigacion di polis, tabata di e sospechoso. Segun OM y polis, e sospechoso lo a papia cu esun cu a duna ordo di asesinato. Corte di apelacion sinembargo ta mustra cu e reconocemento di voz y e forma con a acumula esaki, no ta di confia. Corte di apelacion a scucha e combersacionnan aki tambe, mescos cu e abogado a haci. E combersacionnan cu supuestamente a tuma lugar cu esun cu a duna orden pa e crimen, como tal no por wordo admiti y usa como prueba. E resto di e combersacion telefonico y e resultadonan di e DNA hunto como tal, ta duna insuficiente prueba pa conclui cu e tabata di e sospechoso (su so of cu complice), cu a comete e asesinato. Tin posibel otro sospechoso envolvi cu e asesinato y no ta descarta cu otronan a asesina e victima. Esey ta cuadra tambe cu e pruebanan forensico, cu ta mustra cu tabatin DNA di un di tres sospechoso riba e curpa di e victima. Y e hecho cu e telefon cu cual e combersacionnan telefonico a tuma lugar, no tabata di e e sospechoso, y a wordo usa pa otro hendenan, ta dificulta e situacion. Ademas tin hopi puntonan cu no tin coclusion, osea riba cual OM por a haci investigacion pero no a haci esaki.

APELACION

E sospechoso tabata den apelacion pa cu su sentencia. OM tin 14 dia pa bringa e caso den casacion den Hoge Raad na Hulanda.

  • Ex minister ta desmenti di tabata partido den caso sumario di ex casino

    Ex minister ta desmenti di tabata partido den caso sumario di ex casino

    ORANJESTAD – Ex minister di Labor Paul Croes a desmenti diabierna pan NoticiaCla cu e tabata envolvi den e caso sumario recientemente unda cu FTA a demanda e compania Island Gaming recientemente. Den un articulo recien di NoticiaCla, abogado Jeannot de Cuba a relata cu huez a rechaza e demanda di FTA ( y ex Minister Paul Croes y Anselmo Pontilius) . “Esaki no ta corecto. Ningun momento nos tabata den e caso aki” e ex mandatario a bisa. Segun Croes, e caso aki tabata puro entre e dos partido nan ey. “FTA a kere cu nan lo tabatin un case, cual nos no” Croes a finalisa bisando. Cu esaki

  • ‘Cas di Seguridad’ inaugura pa Gobernador Boekhoudt awe

    ‘Cas di Seguridad’ inaugura pa Gobernador Boekhoudt awe

    ORANJESTAD – Awe mainta Gobernador di Aruba, S.E. Alfonso Boekhoudt a efectua e apertura di e ‘Cas di Seguridad’, osea Veiligheids huis. Segun minister di husticia Andin Bikker, e tabata un dia hopi grandi pasobra cu Cas di Siguridad por yuda problemanan di famia, criminalidad y yuda den molesternan serio riba tereno social. “ Pa logra ayudo, ta rekeri un trabou multidisciplinario entre institutonan social como institutonan hudicial pa forma un Veiligheidshuis un Cas di Siguridad” Bikker a finalisa bisando.

  • Corte di husticia a cera aña financiero 2017 cu perdida miyonario

    Corte di husticia a cera aña financiero 2017 cu perdida miyonario

    ORANJESTAD - Corte a sera e aña financiero cu un perdida di f 1,503 miyon. Pa un parti hopi importante esaki ta consecuencia di inversionnan necesario den digitalisashon i automatizacion (sistema pa registracion di caso GEAR) di Corte, preparacion di un provision en coneccion cu miembronan di personal cu tabata malo pa largo tempo i dianan di vakantie no-tuma, pa asina keda garantiza continuidad di hurisprudencia i tambe e gastonan adicional debi na horcan Irma na Sint Maarten. Gastonan extra debi na posibilidadnan limita di biahe, organisacion di un conferencia internacional i limpiamento di e archivonan na e oficinanan di Aruba i Corsou tambe a contribui na esaki. Lo acapara e contratempo aki for di Corte su Capital Propio.

  • Total di 11.427 caso pa corte di husticia na 2017 na Aruba

    Total di 11.427 caso pa corte di husticia na 2017 na Aruba

    ORANJESTAD - Na aña 2017 a entrega un total di 44.067 caso na e Cortenan di Prome Instancia. Na Aruba a drenta 11.427 caso, Corsou 26.105, Sint Maarten 4.499 i BES 2.036. Na 2016 a entrega un total di 37.510 caso, pues, tabatin un cresemento di 17%. Principalmente subida di 24% di casonan penal a atribui na e subida. Na 2017 a procesa 22% mas caso, den comparacion cu 2016. E subida mas substancial (65%) ta den Derecho administrativo (casonan di belasting) na tur oficina. E subida ta consecuencia directo di e e cantidad di casonan pa aña na e diferente oficinanan.

  • Paesch na huez: ‘Ta normal cu mi ta para aki sin sa pakico?’

    Paesch na huez: ‘Ta normal cu mi ta para aki sin sa pakico?’

    ORANJESTAD – Pa casa di ex minister Paul Croes, Melony Paesch, tabata un sorpresa cu e mester a presenta dilanti mesa berde diaranson como un sospechoso den caso Ibis. Pa otronan tambe mirando cu e no a wordo menciona prome como sospechoso. Su nomber sinembargo tabata poni riba e rol di Corte pa presenta tambe como sospechoso. Algo cu el a cuestiona severamente den corte diaranson mainta.

  • Paul Croes den Corte: Mi kier sa di kico exacto mi ta wordo culpa

    Paul Croes den Corte: Mi kier sa di kico exacto mi ta wordo culpa

    ORANJESTAD – “Mi ta para aki cu sentimento mixto. Alivia cu e caso a cuminsa pero alavez desapunta pa e forma con ministerio publico ta trata e caso” tabata e prome palabranan di e ex minister Paul Croes dirigi na e huez cu a trata e regiezitting di caso Ibis awe. Tabata practicamente na final di e caso, cu huez a duna Croes y otro sospechosonan e oportunidad pa dirigi nan mes na e huez. E casa di Croes, Melony Paesch tambe a hiba palabra, pero Giovanni Capriles, no tabatin e necesidad ey. “Mi consenshi ta limpi. Mi ta laga mi abogado haci su trabou”, Capriles a bisa. E otro dos sospechosonan Roque Aparicio y Selma Arends no a hiba palabra.

  • Powered by SETAR