Lampe: Debi na presion, ta aplasa independisacion DPS

Lampe: Debi na presion, ta aplasa independisacion DPS

Posted on 03/12/2018 11:03 am AST | Updated on 03/12/2018 4:47 pm AST

ORANJESTAD – Debi na presion di maestronan cu duda riba e caso di independisacion di Dienst Publieke Scholen (DPS), gobierno ta aplasa e proceso di independisacion di e departamento aki. Sinembargo ta purba si pa logra independiza e scol EPI pa e fecha inicial di 1 januari 2019. Pero e mandatario a confirma na NoticiaCla cu berdad ta debi na e presion di maestronan riba e idea cu a dicidi di cambia di e plan. No solamente di parti di maestronan, pero tambe pa motibo cu varios parlamentarionan actual di tanto AVP y MEP tin resistencia y/of no ta full convenci cu e forma cu kier independiza DPS.

HISTORIA

Mes momento Lampe a recorda si cu ta partido AVP mes mester wordo recorda cu ta nan (y despues na 2004 gobierno di MEP) a inicia e proceso di independisacion di scolnan publico na 1986 durante e prome gabinete Eman (Henny) despues di status aparte. Despues na 1997, tabata e ekipo di ex parlamentario Rene (Baba) Herde a traha riba esaki hunto minister di enseñansa di e tempo ey pa un ‘nieuw openbaar school bestuur’. E minister e tempo ey a consulta cu Directie Onderwijs cu intercambio di idea y opinion y forma con e Openbaar school bestuur mester wordo forma. “ Awe Rene Herde ta papia cu no mester independiza esaki, e mes a bin traha riba e idea for di 1988. Nos no ta corda of nos no kier corda” Lampe a sigui bisa. A sigui recorda cu bou di gabinete Oduber 2004, gabinete Oduber, e minister di enseñansa di e tempo ey Marisol Lopez Tromp, a trata pa independiza schoolnan publico den e di 2 fase. E idea tabata di bin cu DPS como e prome fase, y e di dos fase lo tabata pa bin cu un openbare schoolbestuur. “E idea di independiza no a cay for di shelo, sino tin 30 aña caba. Si a dura 30 aña, ta mas cu logico cu den 3 luna, como minister di enseñansa, mi no por realisa esaki . Mi tambe ta bay tuma mas tempo pa sigui cu e idea aki cu a keda lansa den e prome gobierno di status aparte” Lampe a bisa.

EPI

E prome paso cu ta bay tuma den esaki a den discusion, unda cu tin deliberacion cu e scol EPI cu ta e scol mas grandi di Aruba, segun e mandatario unda cu a haya un peticion cu a drenta di e managers di EPI pa dal e stap den direccion di un stichting EPI. E bentaha ey ta hopi segun Lampe . Nan como stichting lo por atrae inversion cuantioso cu aworaki no ta posibel dor di e structura huridico. Mas a largo plaso lo sigui cu e otro scolnan. Seun Lampe, tin hopi confusion, hopi informacion incorecto.

TESTIMONIO

Lo cohe testimonio di tur hende, manera ex alumno, maestro y mucho mas. Nan lo duna nan testimonio cu nan no tabata menos cu otronan. A menciona entre otro actual parlamentarionan Sue Ann Ras y Marlon Sneek, ambos di profesion docente. Testimonio di nan lo mustra cu cu nada no a cambia. “Mester di mas tempo. Maestronan mester traha den tur trankilidad. Di parti di e gobierno aki pa nada di mundo kier touch e posicion huridico” Lampe a sigui bisa finalmente.

  • Wever: Delegacion ta bay Venezuela riba tema di habri frontera

    Wever: Delegacion ta bay Venezuela riba tema di habri frontera

    ORANJESTAD— Gobierno di Aruba a dicidi cu ta manda un delegacion di profesional di Aruba pa Venezuela, estado Falcon otro siman pa purba yega na palabracionnan den aspecto di seguridad y documentacion cu mester exigi na momento di importacion. “Si esaki logra, lo por logra habri tambe e frontera y por permiti como excepcion importacion di fruta, berdura y pisca” Prome minister di Aruba Evelyn Wever Croes a declara diabierna. Segun e mandatario, di parti di Venezuela no ta ricibiendo niun cooperacion cu por yega na apertura di e Waf mas lihe. Mientrastanto Wever y coleganan Ruiz y Bikker a reuni cu autoridad riba e tema.

  • Articulo a bira 'discusion publico' entre prome minister y NRC Handelsblad

    Articulo a bira 'discusion publico' entre prome minister y NRC Handelsblad

    DEN HAAG/ORANJESTAD – E articulo di e corant Hulandes NRC Handelsblad a bira un 'discusion publico' entre e corant y e prome minister di Aruba Evelyn Wever Croes. Ta trata di e articulo unda cu NRC a entrevista Wever riba e situacion di Venezuela. E contenido di e entrevista no a cay den bon tera cerca e prome mandatario. Den un reaccion pa NoticiaCla e siman aki, e mandatario a atende cu por lo menos 3 punto no ta cuadra den e entrevista y cu e la informa e corant. Interesante ta cu e corant a informa NoticiaCla tambe cu e informacion den nos raportahe, (e reaccion di e prome mandatario) no ta cuadra. Basa riba e punto aki, e prome mandatario a manda un contesta pa e corant. Awe mainta mientrastanto e corant a dicidi di emiti un remitido riba e tema y a manda esaki pa e portal aki.

  • Parlamento a pasa cambionan di ley pa introduci crisisheffing

    Parlamento a pasa cambionan di ley pa introduci crisisheffing

    ORANJESTAD – Despues di mas di 15 ora di reunion, parlamento a pasa e cambio di como 13 ley necesario pa por introduci e asina yama ‘crisisheffing’ cu ta drenta na vigor riba 1 di juli pa por aplica e ‘crisisheffing’ na july cu 12 voto pro (MEP, POR, RED) y 9 contra AVP. Ademas a vota pa 3 amienda unda cu amienda 1 di AVP no a pasa (12 contra 9 pro), Amienda # 5 di RED, sostene pa POR y MEP a pasa 12 pro y 9 contra, y amienda # 6 di MEP cu a pasa unanime (21 voto pro). 

  • Fraccion di MEP a entrega concepto di ley riba financiamento di partido politico

    Fraccion di MEP a entrega concepto di ley riba financiamento di partido politico

    ORANJESTAD –Dos miembro di fraccion di MEP, Rocco Tjon y Edgard Vrolijk a entrega e concepto di ley cu ta regarda control di financiamento di partidonan politico. Esaki ta un ley cu ta percura cu partidonan politico tin cu responsabiliza nan mes pa loke ta gastonan di partido, sigur ora cu ta financia nan pa loke ta eleccionnan parlamentario. Awor ta keda na presidente di parlamento pa cuminsa e proceso pa trata e ley aki na su momento.

  • Aunke ta bin cu begrotingskamer no ta bay exclui CAFT

    Aunke ta bin cu begrotingskamer no ta bay exclui CAFT

    ORANJESTAD – E hecho cu tin un suma poni riba presupuesto 2018 pa e begrotings kamer, no kier men necesariamente cu bo ta exclui CAFT. Asina prome mandatario di Aruba Evelyn Wever Croes a bisa NoticiaCla e siman aki. Tabata siman pasa durante tratamento di presupuesto di Raad van Advies, a nota cu e tabata riba e presupuesto. Pero segun Wever, esaki ta simplemente pasobra e ta poni den programa di gobernacion di gabinete Wever Croes.

  • Tratamento di ley pa introduci crisisheffing a cuminsa

    Tratamento di ley pa introduci crisisheffing a cuminsa

    ORANJESTAD – Tratamento di ley pa introduci crisisheffing dia 1 di juli 2018 a cuminsa awe mainta den Parlamento. E intencion ta pa e ley pasa awe mes pa asina e ley por keda introduci pa e fecha menciona. E ley mester genera mas fondo pa por cubri e.o. e pago di proyectonan PPP. Como tal e ley ta trata cambio di e destinacion di cierto fondo, y tambe e porcentahe di impuesto manera BBO. Lo aumenta entre otro e BBO/BAZV cu 2.5% na un total di 6% aunke e destinacion ta cambia. Lesa e ley AKI. 

  • BDC3
  • Powered by SETAR