Comision cu conseho riba ley ARUBIG dentro di 3 luna

Comision cu conseho riba ley ARUBIG dentro di 3 luna

Posted on 02/13/2018 10:56 am AST | Updated on 02/13/2018 11:11 am AST

ORANJESTAD – Dentro di tres luna un comision lo duna su analisis riba e situacion di registracion medico conoci como ley diBIG ( Wet op Beroepen in de Individuele Gezondheidszorg). Asina e comunicado emiti pa oficina di e mandatario responsable pa Salud, Dangui Oduber a bisa. Segun e comuniado, diahuebs ultimo Oduber a tene su prome reunion pa cu e implementacion di e ley ARUBIG. E comision cu a wordo institui ta consisti di diferente exportonan riba tereno di salud cu tin e tarea pa conseha e mandatario con pa reformula e ley di AruBIG pa por amplia e registration di BIG dunando chens na nos studiantenan cu a completa nan estudio den Region, Europa y/of Merca pa por traha den nos sistema di cuido pa asina aporta na un miho calidad di cuido pa nos cuidadanonan.

CONSEHO

Expertonan den e comision, segun e comunicado di gobierno lo duna nan conseho na Oduber dentro di un termino di 3 luna. E comision ya menciona tin tambe como tarea pa conseha e mandatario ariba e miho forma con pa institui e asina yama “kwaliteitsinstituut” cual lo ta responsabel pa acredita diploma di esnan trahando den e sector di cuido. Manera a yega di menciona anteriormente, Corsow ya caba tin e ley aki di BIG adapta na e situacion di studiantenan cu a finalisa nan studio den exterior. Minister Oduber a bisa di ta compromete su mes na sigi informa nos pueblo di e progreso di diferente puntonan di accion riba agenda pa cu mehoracion di nos calidad di cuido medico.

PROBLEMA

E ley (of falta di su adaptacion) ta e motibo pakico studiantenan cu ta studia medicina den region, tin masha problema pa eherce nan profesion medico na Aruba. Pa nan por yega na remarke pa por establece nan mes na Aruba, mester pasa henter un proceso di registracion riba nivel medico di Hulanda (BIG) prome cu ta asina leu. Den ultimo eleccion parlamentario na Aruba varios partido politico a usa e tema como un cabay di campaña y a haci promesa di 'awor si' resolve e problema aki. A usa e termino di entre 3 luna pa un aña pa por keda cla cu e registracion aki, dependiendo di e partido politico. 

 

 

 

  • Wever: Cantidad record di mocion presenta no ta refleha malo riba gobierno

    Wever: Cantidad record di mocion presenta no ta refleha malo riba gobierno

    ORANJESTAD – E hecho cu tabatin asina hopi mocion durante tratamento di presupuesto 2018 di gobierno di Aruba no ta algo malo. Asina prome minister Evelyn Wever Croes a sigura NoticiaCla diaranson mainta durante un conferencia di prensa. Un di e criticanan tabata di ex prome minister Nelson Oduber unda cu nunca antes tabatin un ‘fiesta’ di mocion unda cu a trata no menos cu 85 mocion y cu esaki ta bisa algo di e gobierno. “E no ta refleha riba e programa di gobiernacion. E ta refleha riba e mal maneho cu tabatin durante 8 aña (di gobierno anterior” Wever Croes a contesta.

  • Romero: Implementa cannabis medicinal ta rekeri estudio profundo

    Romero: Implementa cannabis medicinal ta rekeri estudio profundo

    ORANJESTAD - Implementa cannabis medicinal ta rekeri estudio profundo. Asina e mandatario Chris Romero a bisa un dia despues cu e mocion pa cuminsa e proceso di legalisacion pa cannabis medicinal na Aruba a keda rechasa den Parlamento. Segun Romero, den un comunicado difundi diaranson, uzo di cannabis medicinal ta tumando hopi forsa mundialmente. Mas y mas ta e paisnan cu ta legalisando e uzo medicinal di e planta aki pa yuda esunnan mas vulnerabel door di nan estado di salud. Esaki ta un realidad creciente mundialmente y como tal aki na Aruba Gabinete Wever-Croes a institui un comision di experto pa sondea e miho opcionnan pa por haci uzo di cannabis medicinal aki na Aruba.

  • Wever: No tin crisis den gabinete pa rechaso mocion cannabis

    Wever: No tin crisis den gabinete pa rechaso mocion cannabis

    ORANJESTAD – E hecho cu e mocion pa acelera e proceso pa legaliza uso di cannabis medicinal no a pasa, no a hinca e gabinete Wever Croes den un crisis. “Nos no ta den un crisis. Nos ta mas fuerte cu nunca” prome minister Wever Croes a sigura NoticiaCla diaranson mainta den un conferencia di prensa. Berdad e mocion no a pasa, pero Wever Croes a informa e portal aki cu awe mainta un di e prome ordenan duna, ta pa e comision reuni riba e tema y cu e lo cuminsa e proceso pa por legaliza e uso di cannabis medicinal. A sigura tambe den un otro pregunta, cu pa ora cu pasa e ley, e lo garantiza cu no por desvia e uso medicinal for di uno recreacional. Wever a bisa tambe cu el a papia cu lider di RED despues di votacion esta Ricardo Croes y a primintie cu e proceso lo cana mas lihe y cu ta mantene e decision manera cu e ta stipula den programa di gobernacion, esta cu ta legaliza uso medicinal di cannabis.

  • Tres parlamentario a motiva nan voto riba mocion di cannabis medicinal

    Tres parlamentario a motiva nan voto riba mocion di cannabis medicinal

    ORANJESTAD – E mocion pa cuminsa e proceso pa legalizacion di cannabis, particularmente e forma con ta test droga den futuro y haci esaki di un forma cu no ta discrimina contra cannabis, no a haya sosten den Parlamento diamars anochi. Solamente 6 persona a vota pro y 14 a vota contra. NoticiaCla a haya reaccion di 3 parlamentario riba nan motivacion di votacion. Uno cu a vota contra (Sue Ann Ras di MEP) y dos cu a vota pro (Marisol Lopez Tromp y Allan Howell di POR). Lider di e partido RED Ricardo Croes y parlamentario, y minister pa partido RED Rudy Lampe a prefera di no duna comentario ainda diamars.

  • Presupuesto 2018 a keda aproba den Parlamento

    Presupuesto 2018 a keda aproba den Parlamento

    ORANJESTAD – Despues di 4 dia di tratamento, Parlamento a aproba e presupuesto 2018 diamars anochi laat cu 12 voto pro y 8 contra. NoticiaCla a compronde cu tabatin algun tension den curso tempran di anochi cu a pone cu a surgi un tardanza pa sigui cu e reunion y a surgi un ‘pauze’ di casi 4 ora.

  • Mocion pa cuminsa proceso pa legalisa cannabis no a haya sosten

    Mocion pa cuminsa proceso pa legalisa cannabis no a haya sosten

    ORANJESTAD - E mocion cu porta a hala mas atencion y a tene miembronan di Parlamento hopi ocupa, tabata esun pa cuminsa e proceso pa legalisa cannabis medicinal. Ora cu mas tempran den dia a bira conoci kendenan lo a bay vota pro, partido opositor a cuminsa un campaña pa bringa esaki. Tabatin rumornan persistente cu e mocion aki lo por a trece tension den coalicion, y cu si e mocion no pasa, e lo por tin consecuencia pa e coalicion. Na final, e mocion no a a logra haya confianza di un mayoria y a cay chikito cu 6 voto pro y 14 contra.

  • Do It Center
  • BDC3
  • Powered by SETAR