Autoridadnan di turismo a reuni cu Carnival y Royal Caribbean Cruise Lines

Posted on 12/6/2017 4:54 pm AST | Updated on 12/6/2017 4:54 pm AST

ORANJESTAD – Siman a cuminsa cu un momento importante pa futuro di turismo na Aruba, specificamente pa loke ta trata turismo crucero. Un delegacion consistiendo di ministernan Danguillame Oduber y Chris Romero, CEO di ATA Ronella Tjin Asjoe-Croes, Patrick Melchiors y Cruise Manager, Mario Arends, y Humphrey Tromp di APA a reuni cu ehecutivonan di Carnival Cruise Lines y Royal Caribbean Cruise Lines. Reunionnan a tuma lugar na nan sede na Miami. Esaki ta dos di e liñanan di crucero mas grandi na mundo, y como tal, sigur hopi relevante pa Aruba su industria turistico.

E bishita tabatin como obhetivo pa analisa e aña cu ta culminando, pero principalmente pa informa di proyeccionnan, pero tambe brinda informacion di entre otro desaroyo na puerto di Aruba. Esaki no ta prome biaha cu ta trata e topico aki cu lineanan crucero, pero ta di importancia pa mantene esakinan bon informa. Minister y autoridadnan presente a reitera e compromiso di Aruba pa cu e industria y bienestar di turismo crucero. Lineanan a resalta e forsa di Aruba y e relacion estrecho cu ta existi entre autoridadnan y e ehecutivonan di ambos linea.

Turismo crucero ta proyecta pa crece cu 16% e aña aki y pa otro aña ta premira cu e obhetivo di crecemento di 7% lo ser logra. Te cu oktober e aña aki por mira un crecemento di 23% compara cu aña pasa. E crecemento ta bin primordialmente door di crecemento den lunanan ‘low’ pa turismo crucero, esta di mei pa september.

Carnival Cruise Lines ta proyecta di trece un total di 185 mil turista e aña aki y lo mantene esaki pa otro aña. Di parti di Carnival Cruise Lines, Aruba ta ricibi entre otro e barco ‘Carnival Vista’. Pa loke ta trata Royal Caribbean Cruise Lines conhuntamente cu Celebrity Cruise Lines, Aruba lo ricibi un total di 195 mil pasahero e aña aki, mientras cu na 2018 esaki lo ta proyecta pa 210 mil pasahero. Mester bisa cu Royal Caribbean Cruise Lines y Celebrity a categorisa e ‘rating’ cu pasaheronan ta duna pa Aruba como esun mas fuerte pa nan den Caribe. A reteira cu semper Aruba ta score bon, pero cu Aruba a surpasa su propio ‘rating’ halto e aña aki.

Durante e reunionan, ambos Minister y autoridadnan a compila informacion cu por yuda den sigui mehora e experiencia di e bishitante. Minister di Turismo a indica cu lo traha riba puntonan di mehoracion na un manera rapido pa asina por sigui mantene e posicion fuerte di Aruba, como tambe sigui mehora ‘negoshi’ pa ambos Aruba como e lineanan crucero. Puntonan di atencion ta inclui: orarionan cu tiendanan ta habri den e area di nos capital, ilustrando cu lo ta bon pa tiendanan ta habri despues di 6 or. Tambe e variedad di oferta cu Aruba mester enfoca riba dje, parando keto aki na ‘experiencianan nobo’ cu tokenan diferente y cultural. A sigur subraya e importancia di sigui pone atencion na ‘congestion’ den trafico, y riba maneho di e fluho di pasaheronan. Hecho ta cu na Aruba pasaheronan ta sinti nan na cas y sigur y esaki mester keda manteni tambe.

Tabata reunionnan fructifero cu lo sigui stimula desaroyo di e industria aki den bon direccion. Algo di importancia considerando cu cada pasahero ta gasta US $112.- promedio durante nan bishita di algun ora na Aruba.

  • BCA: Economia di Aruba ta spera subida di 0.3% na 2018

    BCA: Economia di Aruba ta spera subida di 0.3% na 2018

    ORANJESTAD - Awe Banco Central di Aruba (BCA) a publica un ‘Economic Outlook’ nobo cu un actualizacion di proyeccionnan pa 2018 y calculacionnan revisa di e PDB pa 2017 reflehando e desaroyonan y datos mas reciente.

  • Premio di 700 mil florin a wordo buska na Lotto

    Premio di 700 mil florin a wordo buska na Lotto

    ORANJESTAD - Ribadialuna 23 di april, a prome premio di Mini Mega cu su Mega Plus a wordo buska na oficina di Lotto, na Oranjestad. Ta papia aki di e tremendo premio di Afl. 700.000,-. E ticket ganado a wordo bendi na Kira’s Lottery riba diamars, 17 di april, 2018. E numbernan ganado ta 04-20-22-29 Mega Ball 07.

  • Divi Divi Air a inaugura ruta Corsou – Aruba

    Divi Divi Air a inaugura ruta Corsou – Aruba

    WILLEMSTAD - Divi Divi Air a inaugura nan buelo di Corsou pa Aruba dialuna oficialmente. Pa e ruta aki lo usa avionan tipo Twin Otter cu tin un capacidad di 19 asiento. E compania ta existi algun aña caba y ta conoci pa su coneccion entre Corsou y Bonaire. A mustra cu e ruta nobo aki lo impacta e conectividad positivamente entre islanan ABC. Fuente y foto cortesia Curacao Chronicle. 

  • CEO saliente di AHATA Jim Hepple ta keda traha na Aruba

    CEO saliente di AHATA Jim Hepple ta keda traha na Aruba

    ORANJESTAD – E actual CEO presidente saliente di Aruba Hotel & Tourism & Hotel Associaction (AHATA) Jim Hepple ta keda Aruba despues cu e baha di su funcion na juni. Desde cu e asociacion a anuncia diadomingo den un anuncio cu Tisa LaSorte ta bira e proximo CEO, a surgi e pregunta kico ta pasa cu Hepple. NoticiaCla a compronde di Hepple mes cu e no ta bay ningun caminda, pero ta keda Aruba. Asina e ta desmenti rumornan cu e lo tin interes di establece su mes bek na Corsou.

  • Aerolinea Air Century ta cuminsa bula pa Aruba

     Aerolinea Air Century ta cuminsa bula pa Aruba

    SANTO DOMINGO –E aerolinea Dominicano Air Century lo cuminsa bula pa Aruba ( y Corsou y St Maarten) proximamente. Nan a anuncia cu entrante 2 di mei proximo, ta cuminsa cu benta di pasashi, mientras cu e buelonan mes ta inicia comienso di juni. Esaki lo wordo haci for di e aeropuerto chikito di La Isabella na Santo Domingo. E buelonan pa Aruba ta dos biaha pa siman, riba diamars y diadomingo, mientras cu pa Corsou y St Maarten lo tin 3 buelo pa siman, riba dialuna, diaranson y diabierna.

  • E di dos happy hour cu cerbes Chill ta na Hamaka

    E di dos happy hour cu cerbes Chill ta na Hamaka
  • Powered by SETAR