DOW ta pidi pueblo yuda localisa light tower horta na retonde Mahuma

Posted on 11/13/2017 2:56 pm AST | Updated on 11/13/2017 4:35 pm AST

ORANJESTAD - Pa tur siguridad den trafico, DOW ta laga pone luz pa preveni accident den trafico, ora cu ta cera un caminda publico. Den e caso aki, e caminda panord di e retonde di Mahuma ta cera pa un periodo te ora cu DOW caba di traha e Brug riba e ventweg.

HORTA

Personal di DOW a constata cu diamars siman pasa, 7 di november 2017, pa mas o menos 6:40’or di mainta, na e crusada di Mahuma (panord di e retonde nobo), cu e Light Tower cu e nr. LT-02 aki no tabata t’ey mas. Desconoci a bay cu ne, of mihor bisa nan a hort’e for di e sitio. "Nos di DOW ta desea di haya ayudo for di pueblo di Aruba" e comunicado di DOW ta bisa. Si tin hende cu por a wak e Light Tower LT-02, color geel, cu nan a transporta patras di un auto of pickup entre 1:30’or diamars marduga, dia 7 di november 2017 te 6:30’or di mainta di e mes un diamars, dia 7 di november 2017. Si tin hende cu por a wak cualkier movecion straño of a wak algo cu por yuda, ta pidi pa yama polis tiplijn 11141, of DOW Cel.nr. +297 594 9362. Pa tur siguransa, boso nomber y number ta keda confidencial. Lo no menciona ni number ni nomber di e persona. Nos tin persona cu a wak e Light Tower LT-02 aki pa 1:30’or di marduga ainda para na e sitio menciona, ta p’esey nos ta pidiendo boso ayudo for di e ora ey. E sitio/ lugar di unda a hort’e por mir’e riba e potret aki bou y tambe por wak e potret di e LT-02 cu a nan a horta for di e sitio.

 

 

 

  • Habitantenan Parkietenbos cansa cu dump ta na candela atrobe

    Habitantenan Parkietenbos cansa cu dump ta na candela atrobe

    PARKIETENBOS - Awe merdia dump na Parkietenbos tabata na candela atrobe. NoticiaCla a compronde cu ya ta varios dia sigui cu den oranan di merdia dump di Parkietenbos tabata na candela y cu consecuencia cu e enorme cantidad di huma ta tapa Renaissance Island y tambe parti di e bario di Simeon Antonio. E biento ta fuerte den e dianan ami sinembargo de bes en cuando e ta bira y manda tur e contaminacion den e bario tambe. E portal aki a compronde cu habitantenan ta cansa y ta sperando e dia yega cu no ta kima mas sushedad riba e dump.

  • Corte a apunta directiva interino di 4 persona pa Parke Arikok

    Corte a apunta directiva interino di 4 persona pa Parke Arikok

    ORANJESTAD – Corte diahuebs merdia a apunta un directiva interino di 4 persona pa Parke Nacional Arikok cu tin como tarea pa maneha e fundacion/parke te cu luna di augustus. E personanan apunta y aproba ta ex gobernador Freddis Refunjol, secretario di Raad van Advies, Hellen van der Wal, ex director di WEB Jossy Lacle, y comerciante Norman Kuiperi. Inicialmente (manera cu NoticiaCla a informa, gobierno a postula director di impuesto Luenne Pieters, pero Corte a opta cu Pieters ta hopi ocupa aworaki y mas balioso unda cu e ta aworaki. Tur partido a bay di acuerdo cu e nombernan menciona. E intencion ta pa e grupo di persona aki keda encarga cu e maneho diario di e lugar, y no ta intencion cu nan ta bay investiga ningun hende, tuma ningun decision crucial, sino mas bien percura pa e lugar por ‘draai’ normal. Na augustus, durante un ‘zitting’, nan lo duna cuenta na huez riba kico tur a sosode, y posiblemente por tin un bon bista di kico tur mester wordo haci. A base di esey, lo por busca un persona adecuado cu ta ‘fit e profil’ basa riba loke tin y a sosode. E proceso completo lo cana via corte mes, pa esaki bay na un forma mas ordena. Gobierno a bay di acuerdo cu e candidatonan tambe.

  • Interupcion di Servicio di SMS Postpaid, Prepaid y Postpaid Hybrid

    Interupcion di Servicio di SMS Postpaid, Prepaid y Postpaid Hybrid

    ORANJESTAD - SETAR ta informa cu relaciona cu trabaonan riba su red lo tin interupcion pa mas o menos 1 ora di duracion pa e servicionan di SMS pa clientenan di Postpaid, Prepaid y PostPaid Hybrid. :

  • DOW: Lo aumenta control riba construccion illegal

    DOW: Lo aumenta control riba construccion illegal

    ORANJESTAD - Entrante 1 di juli 2018, Departamento di Obras Publico (DOW) su departamento di Maneho y Supervision lo aumenta control riba construccionan ilegal, tanto construccion di vivienda of construccion di edificio commercial. Asina nan ta bisa den un comunicado.

  • Recall productonan Kellogg’s extendi pa productonan mas bieu cu un aña

    Recall productonan Kellogg’s extendi pa productonan mas bieu cu un aña

    ORANJESTAD – E instancia federal Mericano a extende e recall di e producto di Kellogg’s pa tur producto di Kellogg’s Honey Smack Cereal. Esaki kier men, no ta importa e tamaño of e fecha di expiracion. Esaki despues di un brote di salmonella. E extension ta cubri tambe productonan cu tabata riba mercado mas hopi tempo cu aña. Pues si e producto ta existi mas cu un aña, tambe mester deshaci di dje. Departamento di salud di Aruba e siman aki a confirma cu aki a actua caba riba e recall y a check cu e distribuidor(nan) y supermercadonan pa saca e producto for di circulacion. 

  • Jossy Lacle y Luenne Pieters candidato pa dirigi Parke Arikok temporalmente

    Jossy Lacle y Luenne Pieters candidato pa dirigi Parke Arikok temporalmente

    ORANJESTAD – Den un intento pa establece orden bek na Parke Arikok, gobierno di Aruba (lesa: minister Otmar Oduber) lo propone e dos candidatonan Luenne Gomez Pieters y Jossy Laclé pa fungi como directiva interino te ora cu keda cla cu e proceso pa bin cu un directiva nobo. E intencion ta pa huez diahuebs merdia impone un ‘medida di orden’ temporal, aprobando e sugerencia di gobierno di Aruba. NoticiaCla a compronde tambe cu varios NGO a haya notificacion pa ta presente na e caso y bisa huez cu nan no tin obhecion contra e dos candidatonan. Luenne Gomez ta director di Impuesto, y Jossy Lacle ta ex director di WEB y tabata forma parti di varios hunta di comisario den pasado.

  • Powered by SETAR