Cruz Cora Aruba ta splica kico por y no por aporta pa St Maarten

Posted on 09/12/2017 7:54 pm AST | Updated on 09/12/2017 11:45 pm AST

ORANJESTAD− Cruz Cora Aruba kier comunica na tur cu kier yuda cu e damnificadonan na isla ruman, St. Maarten, lo siguiente. Nederlandse Rode Kruis, Cruz Cora Aruba y Krus Kora Korsou ta uni den un mision na St. Maarten y ya pa un siman caba ta organizando gruponan di voluntario cu ya caba ta na St. Maarten of na caminda pa por yuda cu e damnificadonan. Trabounan di Rode Kruis ta encera te cu e momentonan aki, Assessment (sondeo) di e pais afecta, asisti den e shelters, distribucion di awa, un post na Airport SXM, ta yuda na e Helpdesk y Tracing the Missing entre otro.

Na momento cu e Assessment ta completo, lo e ora tin un mihor idea kico ta loke ta e plan di accion. Pa e motibo aki, kier pidi comprencion tambe di comunidad ya cu aworaki ta enfocando riba ayudo basico y di prome auxilio. Y percura pa structura tur accion na su momento teniendo na cuenta logistica.

Comunidad por aporta na e mision aki cu un donacion pa yuda cubri tur gasto di transporte, seguro, compra di productonan di necesidad, material di prome auxilio, awa, tent y tur loke tin mester pa por asisti na isla ruman dor di deposita riba nos cuenta di emergencia:

Aruba Bank # 038.401.0390

Caribbean Mercantile Bank # 641.733.07

Cruz Cora Aruba NO ta aceptando paña y tampoco ta hiba pakete personal 

St. Maarten. Awor aki ya tin un inventario grandi di paña disponibel.

Si toch kier yuda di otro forma, por haci esaki entregando e siguiente productonan si mantene na e reglanan stipula. Esaki por wordo entrega na Cruz Cora Aruba, Pedro Gallegostraat 14, Dakota entre 9am – 2pm.

Producto di bleki cu no ta caduca den e proximo 6 luna Aros Lechi cu no ta caduca den e proximo 6 luna Ensure cu no ta caduca den e proximo 6 luna Pampers  Producto di hygiene personal Vitamina C E productonan mester bin den e caha habri!

De antemano, Cruz Cora Aruba kier gradici tur cu ta yamando pa aporta di un of otro manera, y ta spera cu por compronde e trabou di Cruz Cora na e momento aki.

Pa mas informacion, por tuma contacto cu nos na tel. 582-2219

  • Aruba a celebra dia di biodiversidad

    Aruba a celebra dia di biodiversidad

    ORANJESTAD – Dia 25 di mei a celebra Dia Internacional di Biodiversidad. E aña aki ta recorda cu 25 aña pasa, durante un congreso di biodiversidad, cu internacionalmente a establece 3 meta riba e tereno aki. Nan ta, conservacion di biodiversidad rond mundo, su uzo mester ta sostenibel y mester haci uzo di su beneficio na un manera igual y responsabel.

  • Varios bario pariba di brug sin internet y cable pa fayo di contratista na Watty Vos Blvd

    Varios bario pariba di brug sin internet y cable pa fayo di contratista na Watty Vos Blvd

    ORANJESTAD - Awe mainta durante trabounan riba Watty Vos Boulevard, contratistanan di Setar a causa daño riba cable principal di cable tv y internet. E ddaño na e cabel principal, a causa un storing riba e servicio di internet y cable. Esaki a pone, cu varios bario na Aruba ta sin señal di cable y of internet. Barionan manera Pos Chikito, Sabana Basora, Savaneta, Rooi Koochi, y Brazil a keda afecta. E situacion aki lo dura algún ora prome cu por repara e dañonan prome cu por duna servicio bek.

  • Trahadornan di AMC Unicon a bay den accion awe mainta

    Trahadornan di AMC Unicon a bay den accion awe mainta

    ORANJESTAD – Trahadornan di AMC Unicon awe mainta a pone trabou abou. Segun e presidente di e sindicato STA, Diego de Cuba a splica NoticiaCla, e gerencia no ta cumpliendo cu palabracionnan haci algun luna atras. Parti di ekipo, no ta na ordo, parti den protocol cu no ta pagando, autonan cu no ta den bon estado, falta di pago di prima di peliger, y mucho mas. Como tal a dicidi di pone trabou abou pa un ora awe mainta pa haya atencion di e gerencia y pa wak si por remedia tur e inquietudnan cu a keda menciona awe mainta durante a accion.

  • ‘United Dogs Aruba Foundation’ cu otro campaña di sterilisacion pa cachonan riba caya

    ‘United Dogs Aruba Foundation’ cu otro campaña di sterilisacion pa cachonan riba caya

    ORANJESTAD - Aña pasa den luna di mei United Dogs Aruba Foundation tawata tin nan prome campaña di sterilisacion pa cachonan riba caya cu a tuma luga na Carnaval Village. Cu sosten di gobierno y apoyo di hopi voluntario di Aruba y di exterior a sterilisa aña pasa un totaal di 325 cacho y poeshi cu a wordo recogi for di e barionan pariba di brug.

  • Trahadonan di Caribbean Palm Village den accion

    Trahadonan di Caribbean Palm Village den accion

    ORANJESTAD - Awemainta empleadonan di Caribbean Palm Village Resort a bay den accion di 9.30 pa 10.30 pa mustra nan malcontento cu gerencia. Segun e sindicato STA, desde juli 2017 sindicato STA a manda carta cu peticion pa cu e renobacion di e CAO. " Gerencia a keda bira rond y awe nos ta 24 di mei 2018 " Diego de Cuba a bisa. Ayera gerencia di e hotel a tene reunion cu e empleadonan y a sinta gaña nan monton di cos segun de Cuba, y tira tur culpa riba STA. Anochi trahadornan rabia a reuni cu nan sindicato y nan a bisa ta basta na e abuso nan aki.

  • WEB: Blackout debi na defecto di kabel di generador di turbina 6

    WEB: Blackout debi na defecto di kabel di generador di turbina 6

    ORANJESTAD – E causa di e blackout di 11 di mei ultimo ta un defecto den e conexion di cabel cu ta bay pa generador di turbina 6. Esey ta resultado di e investigacion di WEB Aruba cual entretanto a keda cla. E defecto di kabel a trigger e sistema di proteccion di e generador, cu consecuencia cu esaki a stop di funciona. Generador di turbina 6 tawata regla e frecuencia pa por cumpli cu e demanda cu tawatin na e momento ey. E otro motornan, generador y turbinanan a purba carga e demanda pero no tawatin suficiente reserva, cual a conduci na interupcion total. Un sistema inteligente di maneho di planta, den futuro lo trece un suministro mas stabil y maneho mas rapido ora di blackout.

  • Powered by SETAR